04th Feb2020

ກະຊວງສາທາລະນະສຸກ ແລະ ກະຊວງການຕ່າງປະເທດຮ່ວມກັນ ຖະແຫຼ່ງກ່ຽວກັບການລະບາດຂອງພະຍາດໂຄໂຣນາ

by somchan

ໃນວັນທີ 3 ກຸມພາ 2020 ນີ້ ກະຊວງສາທາລະນະສຸກ ແລະ ກະຊວງການຕ່າງປະເທດໄດ້ຮ່ວມກັນຖະແຫຼ່ງຂ່າວກ່ຽວກັບ ການຊ່ວຍເຫຼືອຄົນລາວຢູ່ປະເທດຈີນ ແລະ ການເພີ່ມທະວີປ້ອງກັນສະກັດກັ້ນ ການລະບາດຂອງເຊື້ອພະຍາດ ອັກເສບປອດ ເຊື້ອຈຸລະໂລກສາຍພັນໃໝ່ ຫຼື ເອີ້ນອີກຊື່ໜື່ງວ່າ: ໂຄໂຣນາ ທີ່ກຳລັງແຜ່ລະບາດໄປໃນບາງປະເທດໃນທົ່ວໂລກ ໂດຍມີຕົ້ນທາງມາຈາກປະເທດຈີນ ໂດຍການຖະແຫຼ່ງຂອງຫົວໜ້າ ກົມການຂ່າວ ກະຊວງການຕ່າງປະເທດ, ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ມີຜູ້ຕ່າງໜ້າອົງການອະນາໄມໂລກ ປະຈຳລາວ ແລະ ບັນດາຊື່ມວນຊົນອ້ອມຂ້າງສູນກາງເຂົ້າຮ່ວມ.

ທ່ານ ບົວແກ້ວ ພູມວົງໄຊ ຫົວໜ້າກົມການຂ່າວ ໂຄສົກກະຊວງການຕ່າງປະເທດ ໄດ້ໃຫ້ຮູ້ວ່າ: ກະຊວງການຕ່າງປະເທດແຫ່ງ ສປປ ລາວ ໄດ້ຕິດຕາມການແຜ່ລະບາດ ຂອງພະຍາດອັກເສບປອດ ເຊື້ອຈຸລະໂລກສາຍພັນໃໝ່ຢ່າງໃກ້ຊິດ ແລະ ໄດ້ປະສານສົມທົບ ກັບເອກອັກຄະລັດຖະທູດ ແລະ ບັນດາສະຖານກົງສູນລາວ ປະຈຳ ສປ ຈີນ ເອົາໃຈໃສ່ໃຫ້ການຊ່ວຍເຫຼືອຄົນລາວ ໂດຍສະເພາະກໍ່ແມ່ນນັກສືກສາ ລາວ ຢູ່ປະເທດ ຈີນ ໃຫ້ມີຄວາມປອດໄພ.

 

 

ພ້ອມນີ້ ທ່ານ ດຣ ລັດຕະນະໄຊ ເພັດສຸວັນ ຫົວໜ້າກົມຄວບຄຸມ ພະຍາດຕິດຕໍ່ກະຊວງສາທາລະນະສຸກ ຍັງໄດ້ໃຫ້ຮູ້ຕື່ມອີກວ່າ: ກະຊວງສາທາລະນະສຸກ ແມ່ນໄດ້ມີການກຽມພ້ອມຢ່າງຮອບດ້ານ ໃນການຕິດຕາມກວດກາ, ປ້ອງກັນ ແລະ ໃຊ້ວິທີການທີເຂັ້ມງວດ ເພື່ອບໍ່ໃຫ້ພະຍາດດັ່ງກ່າວມາລະບາດຢູ່ພາຍໃນປະເທດ.

 

 

ແລະ ນອກຈາກນີ້ ທ່ານ ມາກ ເຈຄອບ ຜູ້ຕ່າງໜ້າອົງການອານາໄມໂລກ ປະຈຳລາວ ຍັງໄດ້ສະແດງຄວາມເປັນຫ່ວງເປັນໄຍ ແລະ ຈະໃຫ້ການຊ່ວຍເຫຼືອ ສປປ ລາວ ຢ່າງຮອບດ້ານໃນການປ້ອງກັນພະຍາດດັ່ງກ່າວ.

Off

Comments are closed.