20th Feb2020

ໃນ 1 ປີ ຜ່ານມາ ກຳລັງ ປກສ ສາມາດຊ່ວຍເຫຼືອຜູ້ຖືກເຄາະຮ້າຍ

by somchan

ພົທ ວິໄລ ຫຼ້າຄຳຟອງ ລັດຖະມົນຕີ ກະຊວງປ້ອງກັນຄວາມສະຫງົບ, ຮອງປະທານຄະນະກຳມະການ ຕ້ານການຄ້າມະນຸດລະດັບຊາດ ໄດ້ລາຍງານຜົນການເຄື່ອນໄຫວ ຈັດຕັ້ງປະຕິບັດວຽກງານຕ້ານການຄ້າມະນຸດ ປະຈຳປີ 2019 ແລະ ທິດທາງໃນປີ 2020 ຕໍ່ກອງປະຊຸມສະຫຼູບການເຄື່ອນໄຫວ ວຽກງານຕ້ານການຄ້າມະນຸດ ໃນທົ່ວປະເທດຢູ່ທີຫໍປະຊຸມແຫ່ງຊາດ ໃນທ້າຍອາທິດຜ່ານມານີ້ວ່າ: ເຈົ້າໜ້າທີ່ຕຳຫຼວດສະກັດກັ້ນ ແລະ ຕ້ານການຄ້າມະນຸດນັບທັງສູນກາງ ແລະ ຢູ່ບັນດາແຂວງໃນຂອບເຂດທົ່ວປະເທດ ແມ່ນໄດ້ສຸມໃສ່ເຮັດວຽກຢ່າງຕັ້ງໜ້າໂດຍສະເພາະກໍ່ແມ່ນວຽກງານ ຕ້ານການຄ້າມະນຸດ, ໄດ້ຈັດຕັ້ງໂຄສະນາເຜີຍແຜ່ກົດໝາຍ ຜົນຮ້າຍແລະໄພອັນຕະລາຍຂອງການຄ້າມະນຸດ ຢູ່ນະຄອນຫຼວງ, ບັນດາແຂວງ,ເມືອງ,ບ້ານ ແລະ ບ່ອນຫ່າງໄກຊອກຫຼີກ, ນອກນີ້ຍັງໄດ້ໂຄສະນາເຜີຍແຜ່ທາງ, ໂທລະພາບ ,ວິທະຍຸ ແລະ ຊື່ສັງຄົມອ່ອນລາຍ ດ້ວຍຫຼາຍຮູບການ ເພື່ອເຮັດໃຫ້ປະຊາຊົນ ຢູ່ທຸກຂົງເຂດໂດຍສະເພາະກໍ່ແມ່ນໄວໜຸ່ມໄວຈະເລີນພັນ ໄດ້ມີຄວາມຮັບຮູ້ເຂົ້າໃຈ ແລະ ມີສະຕິລະວັງຕົວ ຕໍ່ກົນອຸບາຍໃນການຕວະຢວະຂອງກຸ່ມຄົນບໍ່ດີ, ຜ່ານການເຄື່ອນໄຫວຈັດຕັ້ງປະຕິບັດໃນໄລຍະ 1 ປີ ຜ່ານມາ ເຈົ້າໜ້າທີ່ຕຳຫຼວດສະກັດກັ້ນ ແລະ ຕ້ານການຄ້າມະນຸດ ໄດ້ດຳເນີນຄະດີຄ້າຂາຍມະນຸດ 32 ເລື່ອງ, ມີຜູ້ຖືກຫາ 56 ຄົນ ໃນນີ້ມີຄົນຕ່າງປະເທດ 8 ຄົນ, ມີຜູ້ຖືກເຄາະຮ້າຍຈາກການຄ້າມະນຸດ 59 ຄົນ, ໄດ້ດຳເນີນຄະດີສຳເລັດ 26 ເລື່ອງ ແລະ ຍັງສືບຕໍ່ດຳເນີນຄະດີ 6 ເລື່ອງ

Off

Comments are closed.