27th Feb2020

ປະກາດແຕ່ງຕັ້ງຮອງກອງບັນຊາ ປ້ອງກັນເຄື່ອນທີ່

by somchan

ກອງບັນຊາການປ້ອງກັນເຄື່ອນທີ່ ກະຊວງ ປກສ ໄດ້ຈັດພິທີປະກາດແຕ່ງຕັ້ງຮອງກອງບັນຊາປ້ອງກັນເຄື່ອນທີ່, ໃນວັນທີ 26 ກຸມພາ 2020, ເຂົ້າຮ່ວມໂດຍ ພົຕ ປອ ທອງເຫຼັກ ມັງ ຫນໍ່ເມກ ຮອງລັດຖະມົນຕີກະຊວງ ປກສ ມີ ພົຈວ ຈັນສະແຫວງ ທິບຄູນທອງ ຫົວຫນ້າກອງບັນຊາປ້ອງກັນເຄື່ອນທີ່ ມີບັນດາຄະນະພັກ-ຄະນະບັນຊາ ແລະ ພະນັກງານ-ນັກຮົບເຂົ້າຮ່ວມ.

ພັທ ສຸກສະຫວັນ ສີອໍາຄາ ຫົວຫນ້າພະແນກບໍລິຫານສັງລວມ ກົມຈັດຕັ້ງພະນັກງານ ກົມໃຫຍ່ການເມືອງ ກະຊວງ ປກສ ໄດ້ຜ່ານຂໍ້ຕົກລົງຂອງລັດຖະມົນຕີ ກະຊວງ ປກສ ວ່າດ້ວຍການແຕ່ງຕັ້ງ ນາຍຕໍາຫລວດ ທີ່ຂຶ້ນກັບກອງບັນຊາການປ້ອງກັນເຄື່ອນທີ່, ໃນນີ້ໄດ້ແຕ່ງຕັ້ງ ພັທ ດຸ້ຍວົງໄຊ ພົມວົງສາ, ແລະ ພັທ ທອງເພັດ ແສນສຸວັນ ເປັນຮອງກອງບັນຊາການປ້ອງກັນເຄື່ອນທີ່ ຜູ້ໃຫມ່ເພີ່ມ, ສ່ວນຫົວຫນ້າ ແລະ ຮອງທີ່ມີຢູ່ແລ້ວແມ່ນຮັກສາໄວຄືເກົ່າ.

ພ້ອມກັນນັ້ນ, ຍັງໄດ້ຜ່ານຂໍ້ຕົກລົງຂອງກົມໃຫຍ່ການເມືອງ ວ່າດ້ວຍການໂຍກຍ້າຍນາຍຕໍາຫລວດ ທີ່ຂຶ້ນກັບກອງບັນຊາການປ້ອງກັນເຄື່ອນທີ່, ໃນນີ້ໄດ້ຍົກຍ້າຍ ພັທ ຖາວອນ ຈັນທະລີມາ ຈາກ ກອງພັນ 133 ໄປຮັບຫນ້າທີ່ໃຫມ່ ເປັນຫົວຫນ້າສູນຝຶກອົບຮົມ ວິຊາສະເພາະຄົບວົງຈອນ, ພັທ ນາງ ພົມອຸລາ ເລືອງວັນໄຊ ຈາກຫ້ອງການເມືອງ ໄປຮັບຫນ້າທີ່ໃຫມ່ເປັນຮອງຫ້ອງການກອງບັນຊາການ ແລະ ແຕ່ງຕັ້ງ ພັທ ຫນູກອນ ແສງວິໄລ ເປັນຫົວຫນ້າຫ້ອງການເມືອງ, ພັຕ ບົວພັນ ດວງສອນ ແລະ ພັຕ ຄໍາໄພ ພົມມະລາ ເປັນຮອງ, ແຕ່ງຕັ້ງ ພັທ ພົງເພັດ ໄຊຍະເພັດ ເປັນຫົວຫນ້າຫ້ອງເສນາທິການ, ພັທ ພິມມະລອງ ປິ່ນທະລິດ ແລະ ພັຕ ບຸນທົມ ນາດເສນ ເປັນຮອງ, ແຕ່ງຕັ້ງ ພັທ ພູທອນ ສູ່ໄພວົງ ເປັນຫົວຫນ້າກອງຕີພິເສດຊິງຕົວປະກັນ ແລະ ແຕ່ງຕັ້ງ ພັຕ ຄໍາສະຫວັນ ພູນປະເສີດ ເປັນຮອງສູນຝືກອົບຮົມ ວິຊາສະເພາະ ປ້ອງກັນເຄື່ອນທີ່ຄົບວົງຈອນ. ທັງນີ້ກໍ່ເພື່ອເປັນການປັບປຸງລະບົບກົງຈັກ ການຈັດຕັ້ງຂອງກໍາລັງປ້ອງກັນຄວາມສະຫງົບ ຢູ່ແຕ່ລະຂັ້ນໃຫ້ມີຄວາມຫນັກແຫນ້ນທາງດ້ານການເມືອງ ແນວຄິດ, ເຂັ້ມແຂງທາງດ້ານການຈັດຕັ້ງ ແລະ ສາມາດຕອບສະຫນອງກັບຄວາມຮຽກຮ້ອງຕ້ອງການ ຂອງຫນ້າທີ່ການເມືອງໃນໄລຍະໃຫມ່.

ຕອນທ້າຍທ່ານຮອງລັດຖະມົນຕີ ຍັງໄຫ້ກຽດໂອ້ລົມຕື່ມມອີກ.

 

Off

Comments are closed.