27th Feb2020

ກະຊວງປ້ອງກັນປະເທດ ແຫ່ງ ສປປ ລາວ ມອບເງີນໃຫ້ ສປປ ຈີນ ມູນຄ່າ 2 ຕື້ ກວ່າກີບ ຊ່ວຍໃນການປ້ອງກັນສະກັດກັ້ນ  ພະຍາດ ໂຄວິດ-19

by somchan

ກະຊວງປ້ອງກັນປະເທດ ແຫ່ງ ສປປ ລາວ ມອບເງີນເພື່ອສະໜັບສະໜູນ ຊື້ອຸປະກອນການແພດ ໃຫ້ກະຊວງປ້ອງກັນປະເທດ ແຫ່ງ ສປປ ຈີນ ມູນຄ່າ 2 ຕື້ 667 ລ້ານກີບ. ໃນວັນທີ 25 ກຸມພາ 2020 ນີ້, ດ້ວຍການເຂົ້າຮ່ວມເປັນສັກຄີພະຍານ ຂອງ ພົຕ ພູວົງ ວົງພົມ ຮອງ ລມຕ ກະຊວງປ້ອງກັນປະເທດ ຕາງໜ້າມອບໂດຍ ພົຈວ ຄຳມ່ວນ ເລືອງວັນທະລ້າ ຮອງຫົວໜ້າຫ້ອງວ່າການກະຊວງປ້ອງກັນປະເທດ ແລະ ຮັບໂດຍ ທ່ານ ເສີນຍົງ ເວີ່ນຈີ້ນ ທີ່ປືກສາທູດ ປ້ອງກັນປະເທດຈີນ ໂດຍຊ້ອງໜ້າພະນັກງານທີ່ກ່ຽວຂ້ອງທັງສອງຝ່າຍ. ການມອບເງິນຈຳນວນດັ່ງກ່າວ ເພື່ອເປັນການສະໜັບສະໜູນໃຫ້ແກ່ການຈັດຊື້ ອຸປະກອນການແພດ ແລະ ເຄື່ອງໃຊ້ທີ່ຈຳເປັນຕ່າງໆ ໃນການປ້ອງກັນສະກັດກັ້ນ  ພະຍາດອັກເສບປອດ ສາຍພັນໃໝ່ ຫຼືໂຄວິດ 19 ທີ່ພວມລະບາດຢູ່ໃນປັດຈຸບັດ, ເຊິ່ງເປັນການປະກອບສ່ວນແບ່ງເບົາພາລະ ດ້ວຍຄວາມເຫັນອົກເຫັນໃຈ ໃນຖານະເພື່ອນມິດຍຸດທະສາດ ແລະ ໃຫ້ກຳລັງໃຈຕໍ່ຜູ້ຕິດເຊື້ອ ແລະ ປິ່ນປົ່ວຮັກສາຢູ່ທົ່ວ ສປ ຈີນ ກໍ່ຄືໃນທົ່ວໂລກ.

Off

Comments are closed.