03rd Mar2020

ປກສ ແຂວງອັດຕະປືຈັບກຸ່ມແກ້ງຄົນລັກຊັບພົນລະເມືອງ ໄດ 5 ຄົນ

by somchan

ໃນທ້າຍອາທິດຜ່ານມານີ້ ພະແນກສືບສວນ – ສອບສວນ ຫ້ອງຕຳຫຼວດ ກອງບັນຊາການ ປກສ ອັດຕະປື ສາມາດຈັບຕົວກຸ່ມແກງ ລັກຊັບພົນລະເມືອງ ໄດ້ 5 ຄົນ ພັທ ວົງລະຄອນ ປະທຸມມະແສງ ຮອງຫ້ອງຕໍາຫຼວດຜູ້ຊີ້ນໍາວຽກງານ ສືບສວນ – ສອບສວນ. ໄດ້ໃຫ້ຮູ້ວ່າ: ໄດ້ຮັບແຈ້ງຈາກພໍ່ແມ່ປະຊາຊົນ ວ່າມີກຸ່ມຄົນບໍ່ດີເຄື່ອນໄຫວ ລັກຊັບພົນລະເມືອງ ດັ່ງນັ້ນທາງເຈົ້າໜ້າທີ່ ໜ່ວຍງານ ສືບສວນ – ສອບສວນ ລົງຕິດຕາມກຸ່ມຄົນດັ່ງກ່າວ ແລະ ສາມາດຈັບກຸ່ມແກງດັ່ງກ່າວໄດ້ ໃນວັນທີ 27 ກຸມພາ 2020 ທັງໝົດ 5 ຄົນ ຍິງ 1 ຄົນຄື: ທ້າວ ສຸກວີໄລ ( ໂຫຼຍ ) ອາຍຸ 26 ປີ ຢູ່ບ້ານເຊໃຫ່ຍ, ທ້າວແອ ອາຍຸ 27 ປີ ທັງສອງຢູ່ບ້ານເຊໃຫ່ຍ, ທ້າວ ເຕື່ອຍ ອາຍຸ 26 ຢູ່ບ້ານເຊກອງ, ທ້າວ ດຳ ອາຍຸ 28 ປີ ຢູ່ບ້ານໂສກຄຳ ທັງສີ່ຄົນແມ່ນຢູ່ເມືອງສາມັກຄີໄຊ ແຂວງອັດຕະປື ແລະ ນາງ ດວງໃຈ ( ໂຢດ ) ອາຍຸ 24 ປີ ຢູ່ບ້ານໂພໄຊ ເມືອງໄຊເສດຖາ ແຂວງອັດຕະປື, ຜ່ານການສອບສວນພວກກ່ຽວໄດ້ສາລະພາບວ່າ: ໄດ້ລັກຊັບພົນລະເມືອງເປັນຕົ້ນ ແມ່ນລົດຈັກ ຈໍານວນ 15 ຄັນ ປັດຈຸບັນທາງເຈົ້າໜ້າທີ່ ໄດ້ຢຶດໄວ້ 5 ຄັນ ສ່ວນທີ່ເຫຼືອທາງເຈົ້າໜ້າທີ່ ຈະສືບຕໍ່ຕິດຕາມນໍາເອົາຕາມສະຖານທີ່ທີ່ພວກກ່ຽວໄດ້ໄປຊຸກເຊື່ອງ ຫຼື ໄປຂາຍຕໍ່ໃຫ້ກັບບຸກຄົນອື່ນ

ສວນພວກຖືກຫາທັງ 5 ແມ່ນພວມດຳເນີນຄະດີຕາມລະບຽບກົດໝາຍ

 

Off

Comments are closed.