05th Mar2020

ຄະນະຜູ້ແທນກະຊວງ ປກສ ລາວ ແລະ ກະຊວງພາຍໃນລາສະອານາຈັກກຳປູເຈຍ ເຂົ້າວາງກະຕ່າດອກໄມ້ຢູ່ຕໍ່ໜ້າຮູບປັ້ນ ປະທານ ໄກສອນ ພົມວິຫານ

by somchan

 

ໃນຕອນເຊົ້າທີ 5 ມີນາ 2020 ຄະນະຜູ້ແທນກະຊວງປ້ອງກັນຄວາມສະຫງົບ ສປປ ລາວ ແລະ ກະຊວງພາຍໃນ ແຫ່ງລາຊະອານາຈັກກຳປູເຈຍ ໄດ້ເຂົ້າວາງກະຕ່າດອກໄມ້ຢູ່ຕໍ່ໜ້າຮູບປັ້ນປະທານໄກສອນ ພົມວິຫານ ນຳໂດຍ ພົຕ ປອ ສົມຫວັງ ທຳມະສິດ ຮອງລັດຖະມົນຕີກະຊວງປ້ອງກັນຄວາມສະຫງົບ ແລະ ສົມເດັດ ກຼໍ່ລາໂຮມ ຊໍເຄັງ ຮອງນາຍົກລັດຖະມົນຕີ ລັດຖະມົນຕີກະຊວງພາຍໃນ ແຫ່ງລາສະອານາຈັກກຳປູເຈຍ ພ້ອມດ້ວຍຄະນະ

ໃນໂອກາດທີຄະນະນຳ ກະຊວງພາຍໃນ ລາສະອານາຈັກກຳປູເຈຍ ມາຢ້ຽມຢາມ ແລະ ເຮັດວຽກຮ່ວມກັບກະຊວງ ປກສ ສປປ ລາວ ໃນລະຫວ່າງວັນທີ 3-6 ມີນາ 2020 ນີ້ ທັງນີ້ກໍ່ເພືອສະແດງເຖີງຄວາມເຄົາລົບຮັກ, ຄວາມກະຕັນຍູຮູ້ບຸນຄຸນ ສັນລະເສີນເຖີງຜົນງານຄຸນງາມຄວາມດີ ແລະ ຜົນງານອັນໃຫ່ຍຫຼວງ ທີທ່ານປະທານ ໄກສອນ ພົມວິຫານ  ຜູ້ທີແສນເຄົາລົບຮັກ ຂອງທົ່ວປວງຊົນລາວທັງຊາດ ທີ່ໄດ້ອຸທິດຕົນເພື່ອປະເທດຊາດ ເພື່ອການປະຕິວັດ ແລະ ທ່ານເປັນຜູ້ນຳພາກໍ່ຕັ້ງພັກປະຊາຊົນປະຕິວັດລາວ ນຳພາກຳລັງປະກອບອາວຸດ ແລະ ນຳພາປະຊາຊົນລາວຕໍ່ສູ້ ເພື່ອພາລະກິດປະຕິວັດ ຈົນສາມາດປົດປ່ອຍປະເທດຊາດໄດ້ຢ່າງສົມບູນ ໃນວັນທີ 2 ທັນວາ 1975 ພາຍຫຼັງປະເທດຊາດໄດ້ຮັບການປົດປ່ອຍ ທ່ານໄດ້ນຳພາປຸກລະດົມປະຊາຊົນປະກອບສ່ວນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດໃຫ້ຈະເລີນກ້າວໜ້າ ແລະ ຮຸ່ງເຮືອງມາເຖີງທຸກວັນນີ້

ແລະ ໃນຕອນເຊົ້າວັນດຽວກັນ ຄະນະຜູ້ແທນກະຊວງພາຍໃນ ແຫ່ງລາສະອານາຈັກກຳປູເຈຍ ນຳໂດຍ ທ່ານ ງີ ຈັນພຼອນ ຮອງ ລມຕ ກະຊວງພາຍໃນ ແຫ່ງລາສະອານາຈັກກຳປູເຈຍ ຍັງໄດ້ເຂົ້າຢ້ຽມຊົມ ຫໍພິພິຕະພັນ ປ້ອງກັນຄວາມສະຫງົບ ໂດຍການຕ້ອນຮັບ ພັອ ປອ ມາລາວິລະຈິດ ຫົວໜ້າກົມຄົ້ນຄົ້ວາວິທະຍາສາດ-ປະຫວັດສາດ ພ້ອມດ້ວຍຄະນະພັກ-ຄະນະບັນຊາ ແລະ ພະນັກງານ-ນັກຮົບ ໃນໂອກາດນີ້ຄະນະຜູ້ແທນກະຊວງພາຍໃນ ແຫ່ງລາສະອານາຈັກກຳປູເຈຍ ໄດ້ຢ້ຽມຊົມຮູບພາບ ການເຄື່ອນໄຫວຂອງກຳລັງ ປກສ ລາວ ໃນແຕ່ລະໄລຍະ ແລະ ໄດ້ຮັບຮູ້ເຖີງຄວາມເຕີບໃຫ່ຍເຂັ້ມແຂງ ແລະ ຜົນງານໄຊຊະນະ ຂອງແຕ່ລະເລົ່າລົບວິຊາສະເພາະ ມູນເຊື້ອອັນສະຫ່ງາ ອົງອາດກ້າແກ່ນ ຂອງກຳລັງ ປກສ

Off

Comments are closed.