06th Mar2020

ຄະນະຜູ້ແທນຂັ້ນສູງ ກຳປູເຈຍ ເຂົ້າຢ້ຽມຂ່ຳນັບ ທ່ານນາຍົກລັດຖະມົນຕີ ແຫ່ງ ສປປລາວ

by somchan

ພາຍຫຼັງສຳເລັດກອງປະຊຸມສອງຝ່າຍຂອງຄະນະຜູ້ແທນຂັ້ນສູງ ລະຫວ່າງກະຊວງປ້ອງກັນຄວາມສະຫງົບລາວ ແລະ ກະຊວງພາຍໃນ ແຫ່ງ ຣາຊະອານຈັກ ກຳປູເຈຍ ຢູ່ທີ່ກະຊວງປ້ອງກັນຄວາມສະຫງົບ ສປປ ລາວ.

ຈາກນັ້ນຄະນະຜູ້ແທນຂັ້ນສູງທັງສອງກໍໄດ້ເຂົ້າຢ້ຽມຂ່ຳນັບ ພະນະທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ຢູ່ທີ່ສຳນັກງານນາຍົກ ນຳໂດຍ ພົນໂທ ວິໄລຫຼ້າ ຄຳຟອງ ລັດຖະມົນຕີກະຊວງປ້ອງກັນຄວາມສະຫງົບລາວ ແລະ ສົມເດັດ ກຣລາໂຮມ ຊໍເຄັງ ຮອງນາຍົກລັດຖະມົນຕີ ລັດຖະມົນຕີກະຊວງພາຍໃນ ແຫ່ງ ຣາຊະອານາຈັກ ກຳປູເຈຍ ພ້ອມດ້ວຍຄະນະຜູ້ແທນຂັ້ນສູງທັງສອງຝ່າຍ.

ໂອກາດນີ້, ຄະນະຜູ້ແທນກະຊວງພາຍໃນ ກຳປູເຈຍ ກໍໄດ້ລາຍງານສະພາບ ໃນການເດີນທາງຢ້ຽມຢາມສັນຖະວະໄມຕີ ຢູ່ທີ່ ສປປ ລາວໃຫ້ ພະນະທ່ານນາຍົກລັດຖະມົນຕີ ຮັບຊາບ. ພ້ອມທັງ, ສະແດງຄວາມຂອບໃຈຢ່າງສູງມາຍັງ ພັກ-ລັດຖະບານ ສປປ ລາວ ໄປໃນການມາຢ້ຽມຢາມສັນຖະວະໄມຕີໃນຄັ້ງນີ້.

ພ້ອມນີ້, ພະນະທ່ານ ທອງລຸນ ສີສຸລິດ ນາຍົກລັດຖະມົນຕີລາວ ກໍໄດ້ສະແດງການຕ້ອນຮັບດ້ວຍໄມຕີຈິດມິດຕະພາບ ພ້ອມທັງໄດ້ຕີລາຄາສູງຕໍ່ການ ມາຢ້ຽມຢາມ ແລະ ເຮັດວຽກຂອງຄະນະຜູ້ແທນຂັ້ນສູງ ຂອງກະຊວງພາຍໃນ ແຫ່ງ ຣາຊະອານາຈັກ ກຳປູເຈຍ ເຊິ່ງເປັນການສະແດງໃຫ້ເຫັນເຖິງໄມຕີຈິດມິດຕະພາບແຫ່ງຄວາມສາມັກຄີຮັກແພງ ລະຫວ່າງສອງພັກ-ລັດ ກໍ່ຄືສອງຊາດ ລາວ-ກຳປູເຈຍ ໃຫ້ນັບມື້ແໜ້ນແຟ້ນຍິ່ງໆຂຶ້ນ.

Off

Comments are closed.