16th Mar2020

ການແຂ່ງຂັນກິລາຂອງກະຊວງປ້ອງກັນຄວາມສະຫງົບ ປິດລົງດ້ວຍຜົນສຳເລັດຢ່າງຈົບງາມ

by somchan

 

ງານແຂ່ງຂັນກິລາຂ່ຳນັບຮັບຕ້ອນວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 59 ປີ ຂອງກະຊວງປ້ອງກັນຄວາມສະຫງົບ ໄດ້ສຳເລັດລົງຢ່າງຈົບງາມ ໃນວັນທີ 13 ມີນາ 2020 ນີ້ ພາຍຫຼັງດຳເນີນມາເປັນເວລາ 2 ວັນ ໂດຍການໃຫ້ກຽດເຂົ້າຮ່ວມຂອງ ພົຈວ ປອ ສຸວັນນີ ສີສຸພາບມີໄຊ ຄະນະປະຈຳພັກກົມໃຫຍ່ ຮອງຫົວໜ້າກົມໃຫຍ່ການເມືອງປ້ອງກັນຄວາມສະຫງົບ,ມີຄະນະພັກ ຄະນະບັນຊາ ພະນັກງານຫຼັກແຫຼ່ງ ກົມກອງອ້ອມຂ້າງກະຊວງປ້ອງກັນຄວາມສະຫງົບ ແລະ ນັກກິລາເຂົ້າຮ່ວມ.

 

ພັອ ທອງເພັດ ມະນີສະຫວັນ ຫົວໜ້າກົມກິລາປ້ອງກັນຄວາມສະຫງົບ, ຮອງຫົວໜ້າຄະນະຮັບຜິດຊອບຈັດງານແຂ່ງຂັນກິລາ ຂ່ຳນັບຮັບຕ້ອນວັນສ້າງຕັ້ງກຳລັງປ້ອງກັນຄວາມສະຫງົບຄົບຮອບ 59 ປີ ໄດ້ຜ່ານບົດສະຫຼຸບຜົນການແຂ່ງຂັນກິລາ ເຊິ່ງທ່ານໄດ້ກ່າວວ່າ: ຜ່ານການຈັດຕັ້ງປະຕິບັດຕາມຂໍ້ຕົກລົງວ່າດ້ວຍການເປີດຂະບວນການຂ່ຳນັບຮັບຕ້ອນວັນສ້າງຕັ້ງກຳລັງປ້ອງກັນຄວາມສະຫງົບຄົບຮອບ 59 ປີ, ວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 65 ປີ ແລະ ກອງປະຊຸມໃຫຍ່ຄັ້ງທີ 5 ຂອງອົງຄະນະພັກກະຊວງປ້ອງກັນຄວາມສະຫງົບ. ໂດຍມີ 4 ປະເພດກິລາເຂົ້າຮ່ວມໃນການແຂ່ງຂັ້ນຄື: ກິລາບານເຕະ, ກະຕໍ້ , ກິລາບານສົ່ງ ຊາຍ-ຍິງ ແລະ ກິລາເປ່ຕັ້ງ. ເຊິ່ງໄດ້ດຳເນີນມາແຕ່ວັນທີ 12 ມີນາ ແລະ ປິດລົງດ້ວຍຜົນສຳເລັດອັນຈົບງານ ໃນວັນທີ 13 ມີນາ 2020 ນີ້.

ຜົນຂອງການແຂ່ງຂັນຊະນະເລີດບານເຕະຊາຍ ໄດ້ແກ່ກົມໃຫຍ່ການເມືອງປ້ອງກັນຄວາມສະຫງົບ, ຮອງຊະນະເລີດແມ່ນກົມໃຫຍ່ຕຳຫຼວດ, ກິລາບານສົ່ງຊາຍ ຊະນະເລີດກົມຕຳຫຼວດຄຸມຂັງ-ດັດສ້າງ, ຮອງສະນະເລີດ ວິທະຍາຄານຕຳຫຼວດປະຊາຊົນ, ກິລາກະຕໍ້ຊາຍ ຊະນະເລີດ ວິທະຍາຄານຕຳຫຼວດປະຊາຊົນ, ຮອງຊະນະເລີດ ລັດວິສະຫະກິດບໍລິການຄວາມປອດໄພ, ກິລາເປຕັງຄູ່ຍິງ ຊະນະເລີດ ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ, ຮອງຊະນະເລີດ ວິທະຍາຄານຕຳຫຼວດປະຊາຊົນ ແລະ ກິລາເປຕັງຄູ່ຊາຍ ຊະນະເລີດໄດ້ແກ່ ປກສ ນະຄອນຫຼວງວຽງຈັນ, ແລະ ຮອງຊະນະເລີດແມ່ນກົມສື່ສານ ປ້ອງກັນຄວາມສະຫງົບ.

ຊຶ່ງທຸກປະເພດກິລາ ແມ່ນໄດ້ຮັບຂັນລາງວັນ ພ້ອມເງິນສົດ ໂດຍໃຫ້ກຽດມອບລາງວັນໃນຄັ້ງນີ້ ແມ່ນ ພົຈວ ປອ ສຸວັນນີ ສີສຸພາບມີໄຊ ຄະນະປະຈຳພັກກົມໃຫຍ່ ຮອງຫົວໜ້າກົມໃຫຍ່ການເມືອງ ປ້ອງກັນຄວາມສະຫງົບ ຮອງປະທານຄະນະຮັບຜິດຊອບຈັດງານແຂ່ງຂັນໃນຄັ້ງນີ້ ແລະ ໃນໂອກາດທີ່ມີຄວາມໝາຍສຳຄັນນີ້ ທ່ານໄດ້ມີຄຳເຫັນກ່າວປິດງານແຂ່ງຂັນກິລາເພື່ອຂ່ຳນັບຮັບຕ້ອນວັນສ້າງຕັ້ງກຳລັງປ້ອງກັນຄວາມສະຫງົບຄົບຮອບ 59 ປີ ແລະ ວັນສຳຄັນຕ່າງໆຂອງພັກຂອງຊາດ, ຢ່າງເປັນທາງການ ເຊິ່ງບາງຄຳເຫັນທ່ານໄດ້ກ່າວວ່າ:

Off

Comments are closed.