19th Mar2020

ກອງປະຊຸມໃຫຍ່ ຜູ້ແທນຊາວໝຸ່ມ ກະຊວງປ້ອງກັນຄວາມສະຫົງບ ຄັ້ງທີ V

by somchan

ກອງປະຊຸມໃຫຍ່ ຜູ້ແທນຊາວໝຸ່ມ ກະຊວງປ້ອງກັນຄວາມສະຫົງບ ຄັ້ງທີ V ໄດ້ຈັດໃນວັນທີ່ 19 ມີນານີ້ ພາຍໃຕ້ການເປັນປະທານຂອງ ພັທ ບຸນຈັນ ອິນພົມມາ ເລຂາຄະນະບໍລິຫານງານຊາວໜຸ່ມ ກະຊວງປ້ອງກັນຄວາມສະຫົງບ. ເປັນກຽດເຂົ້າຮ່ວມຂອງທ່ານ ອາລຸນໄຊ ສູນນະລາດ ເລຂາຄະນະບໍລິຫານງານສູນກາງຊາວໜຸ່ມ ປະຊາຊົນ ປເະຕິວັດລາວ, ພົຕ ວັນທອງ ກອງມະນີ ຫົວໜ້າກົມໃຫຍ່ການເມືອງ ປ້ອງກັນຄວາມສະຫົງບ, ມີຄະນະຊາວໝຸ່ມ, ຊາວໜຸ່ມຮາກຖານ , ແຂກຖືກເຊີນ ແລະ ໜ່ວຍຊາວໜຸ່ມກົມກອງອ້ອມຂ້າງເຂົ້າຮ່ວມ.

ພັທ ບຸນຈັນ ອິນພົມມາ ໄດ້ຜ່ານບົດລາຍງານການເມືອງຕີລາຄາການຈັດຕັ້ງເຄື່ອນໄຫວວຽກງານໃນໄລຍະ 5 ປີຜ່ານມາ ເຊິ່ງຄະນະບໍລິຫານຊາວໜຸ່ມກະຊວງ ປກສໄດ້ເອົາໃຈໃສ່ສຶກສາອົບຮົມການເມືອງ ແນວຄິດໃຫ້ແກ່ຄະນະຊາວໜຸ່ມ, ສະມາຊິກຊາວໜຸ່ມ ແລະ ເຍົາວະຊົນ 18 ກົມກອງອ້ອມຂ້າງກະຊວງດ້ວຍຫຼາຍຮູບການ ຕິດພັນກັບການຈັດຕັ້ງປະຕິບັດຂໍ້ແຂ່ງຂັນ 4 ບຸກ ໃນ 5 ປີຜ່ານມາ ສາມາດຈັດແບ່ງປະເພດສະມາຊິກຊາວໜຸ່ມແຂງ 2 ໝື່ນກ່ວາສະຫາຍ ເທົ່າກັບ 97% ສະມາຊິກຊາວໜຸ່ມກາງ- ອ່ອນ 410 ສະຫາຍ, ບໍໄດ້ຈັດປະເພດ 272 ສະຫາຍ, ຄະນະຊາວໜຸ່ມປະເພດແຂງ 18 ຄະນະ ເທົ່າກັບ 100% ໃນນັ້ນໄດ້ຮັບທຸງໄຊ 4 ບຸກ ຄື: ຄະນະຊາວໜຸ່ມກົມໃຫຍ່ການເມືອງປ້ອງກັນຄວາມສະຫົງບ, ໄດ້ມອບໃບຍ້ອງຍໍ ແລະ ໃບຊົມເຊີຍໃຫ້ສະມາຊິກຊາວໜຸ່ມ, ເຍົາວະຊົນຜູ້ມີຜົນງານ ຈຳນວນ 2 ໝື່ນກ່ວາສະຫາຍ, ຄະນະຊາວໜຸ່ມກະຊວງປ້ອງກັນຄວສມສະຫົງບໄດ້ຮັບນາມຍົດເປັນຄະນະຊາວໜຸ່ມກະຊວງ 4 ບຸກ 3 ສະໄໝຊ້ອນ.

ພ້ອມນີ້ຍັງໄດ້ນຳພາແຂ່ງຂັນກັນສ້າງຂະບວນການຕ່າງໆຢ່າງເປັນຂະບວນການຟົດຟື້ນສະແດງອອກການປະຕິບັດໜ້າທີ່ວຽກງານວິຊາສະເພາະ ສະມາຊິກຊາວໜຸ່ມທົ່ວກະຊວງໄດ້ຍົກສູງຄວາມຮັບຜິດຊອບ ໃນການປະຕິບັດໜ້າທີການເມືອງທີ່ ພັກ-ລັດ, ປະຊາຊົນມອບໝາຍໃຫ້, ຕັ້ງໜ້າສະກັດກັ້ນແກ້ໄຂປະກົດການຫຍໍ້ທໍ້ໃນສັງຄົມ ສະແດງອອກໃນ 5 ປີ ຜ່ານມາ, ຊາວໜຸ່ມໄດ້ສ້າງຜົນງານວິຊາສະເພາະຫຼາຍດ້ານຄື: ແກ້ໄຂຄົນຕ່າງປະເທດເຂົ້າເມືອງຜິດກົດໝາຍໄດ້ 425 ຄົນ, ມີ 19 ສັນຊາດ, ກວດພົບບັນຊີເປົ້າໝາຍບຸກຄົນຫ້າມເຂົ້າ ສປປ ລາວ 2,698 ຄົນ, ມີ 81 ສັນຊາດ, ແກ້ໄຂຄະດີຄົນຕ່າງປະເທດທີ່ກະທຳຜິດຕໍ່ກົດໝາຍ ສປປ ລາວ 700 ຄົນ, ມີ 77 ສັນຊາດ, ສາມາດມ້າງຄະດີໄດ້ 3 ໝື່ນເລື່ອງ, ປ້ອງກັນຜູ້ນຳພັກ-ລັດ, ປ້ອງກັນຜູ້ນຳຂັ້ນສູງແຕ່ລະປະເທດທີ່ມາເຮັດວຽກ ແລະ ຢ້ຽມຢາມ ສປປ ລາວ, ປ້ອງກັນກອງປະຊຸມລະດັບຊາດ, ລະດັບສາກົນ, ປ້ອງກັນສຳນັກງານອົງການ ມີຄວາມສະຫົງບປອດໄພໂດຍພື້ນຖານ ແລະ ວຽກງານດ້ານອື່ນໆ.

ນອກນີ້ຍັງໄດ້ເອົາໃຈໃສ່ຢ່າງໃກ້ສິດຕໍ່ວຽກງານສຶກສາອົບຮົມເຍົາວະຊົນໂດຍນຳເອົາຄຳສອນ ແລະ ຮຽນຮູ້ຄຸນສົມບັດສິນທຳປະຕິວັດຂອງບັນດາທ່ານຜູ້ນຳແນ່ໃສ່ສ້າງຮຸ້ນສືບທອດໃຫ້ມີຄຸນສົມບັດ, ດຸໝັ່ນໃນການອອກແຮງງານ ແລະ ພັດທະນາຕົນເອງໃຫ້ມີຄວາມຮູ້, ຄວາມສາມາດ, ມີພອນສະຫັວນ, ໃຫ້ຮູ້ຈັກມູນເຊື້ອອັນດີງາມຂອງພັກຂອງຊາດ, ຂອງກຳລັງປະກອບອາວຸດໂດຍຜ່ານການນຳພາທັດສະນະຢ້ຽມຊົມຫໍພິພິຕະພັນ, ສະຖານທີ່ປະຫັວດສາດ, ຫໍມູນເຊື້ອ, ຜ່ານການອ່ານໜັງສື, ວາລະສານສິ່ງພີມຕ່າງໆ, ເຄື່ອນໄຫວຕັ້ງຄ້າຍ, ຈັດຕັ້ງໂຄງການອ້າຍ-ເອື້ອຍຊ່ວຍເຫຼືອນ້ອງຮ່ວມກັບ ສູນກາງຊາວໜຸ່ມປະຊາຊົນ ປະຕິວັດລາວ.

Off

Comments are closed.