02nd Apr2020

ຈັບໄດ້ແລ້ວ ຜູ້ທີ່ທຳຮ້າຍຮ່າງກາຍຈົນເສຍຊີວິດ ຢູ່ສວນປະຕູໄຊ

by somchan

ໃນວັນທີ 1 ເມສາ 2020 ນີ້ ພັທ ສຸລິວັນ ລາດສຸວົງ ຫົວໜ້າຫ້ອງ ຕຳຫຼວດກອງບັນຊາການ ປກສ ນະຄອນຫຼວງວຽງຈັນ ໄດ້ຖະແຫ່ງຂ່າວວ່າ: ສາມາດຈັບຕົວຜູ້ທີ່ທຳຮ້າຍຮ່າງກາຍ ທ້າວ ສີສະຫວາດ ອາຍຸ 55 ປີ ພັກເຊົາຢູ່ບ້ານໂພນທັນເໜືອ ເມືອງໄຊເສດຖາ ນະຄອນຫຼວງວຽງຈັນ ຈົນເສຍຊີວິດຢູ່ສວນປະຕູໄຊ ໃນວັນທີ 30 ມີນາ.  ໂດຍມາຮອດວັນທີ 31 ມີນາທີ່ຜ່ານມາ ເຈົ້າໜ້າທີ່ສາມາດຈັບຕົວຜູ້ກໍ່ເຫດໄດ້ຄື: ທ້າວ ໄຊປ່ຽນ ຫຼືເງິນ ອາຍຸ 45 ປີ ອາຊີບ ກຳມະກອນ ຢູ່ບ້ານບໍໂອ ເມືອງຫາດຊາຍຟອງ ນະຄອນຫຼວງວຽງຈັນ, ສາເຫດແມ່ນຍ້ອນດື່ມສິ່ງມື່ນເມົາແລ້ວມີການຜິດຖຽງກັນ ຈຶ່ງລົງມືທຳຮ້າຍຮ່າງກາຍຈົນເສຍຊີວິດ.

ປັດຈຸບັນ ທາງເຈົ້າໜ້າທີ່ພວມດຳເນີນຄະດີຕໍ່ຜູ້ກະທຳຜິດຕາມລະບຽບກົດໝາຍ.

Off

Comments are closed.