16th Apr2020

ນາຍົກລັດຖະມົນຕີ ຖະຫຼ່ງການໃນວັນທີ 15 ເມສາ 2020

by somchan

ໃນວັນທີ 15 ເມສາ 2020 ນີ້ ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ໄດ້ຖະແຫຼ່ງການກ່ຽວກັບສະພາບການສະກັດກັ້ນ ແລະຕ້ານການແຜ່ລະບາດຂອງພະຍາດໂຄວິດ-19 ພ້ອມທັງປະກາດການນຳໃຊ້ຄຳສັ່ງ ເລກທີ 06/ນຍ ແກ່ຍາວຕື່ມໄປອີກ 14 ວັນ ຮອດວັນທີ 3 ພຶດສະພາ 2020 ພ້ອມນີ້ ທ່ານຍັງໄດ້ຮຽກຮ້ອງທຸກໃນທົ່ວສັງຄົມ ສືບຕໍ່ປະຕິບັດຢ່າງເຂັ້ມງວດ ແລະ ຖືກຕ້ອງ ຕາມຄຳສັ່ງເລກທີ 06 ບັນດານິຕິກຳ ຄຳແນະນຳຂອງຄະນະສະເພາະກິດ ໃນການປ້ອງກັນ ສະກັດກັ້ນ ແລະ ແກ້ໄຂການລະບາດຂອງພະຍາດໂຄວິດ-19 ການຕົວຕື່ນປະຕິບັດບັນດານິຕິກຳທີ່ປະກາດໃຊ້ມາແລ້ວ ແມ່ນພັນທະ ຫນ້າທີ່ ແລະຄວາມຮັບຜິດຊອບຂອງທຸກພາກສ່ວນ ທຸກການຈັດຕັ້ງ ບຸກຄົນ ນິຕິບຸກຄົນ ເພື່ອປ້ອງກັນຕົນເອງ ປ້ອງກັນຄອບຄົວ ຍາດພີ່ນ້ອງທີ່ຕົນຮັກ ປ້ອງກັນຄົນອື່ນໃນສັງຄົມ ໃນການຕັດວົງຈອນຂອງການແຜ່ລະບາດ ຕ້ອງຖືສະເໝີວ່າ ພວກເຮົາທຸກຄົນ ລ້ວນແຕ່ມີຄວາມສ່ຽງເທົ່າທ່ຽມກັນທີ່ຈະຕິດເຊື້ອຈາກພະຍາດທີ່ຮ້າຍກາດນີ້ໄດ້ໃນທຸກໆຄົນ ແລະທຸກເວລາ. ການປະຕິບັດທີ່ເຂັ້ມງວດຂອງແຕ່ລະຄົນ ແມ່ນການຊ່ວຍພັກ-ລັດ ຊ່ວຍແບ່ງເບົາ ລະພາຂອງຄະນະສະເພາະກິດ ແລະແພດໝໍ ທີ່ກຳລັງເຮັດວຽກດ້ວຍຄວາມອິດເມື່ອຍທີ່ເຕັມໄປດ້ວຍຄວາມສ່ຽງ. ຊ່ວຍແບ່ງເບົາ ພາລະຂອງສັງຄົມ ຊ່ວຍກອບກູ້ເອົາຊີວິດຂອງປະຊາຊົນເຮົາ ທັງທາງກົງ ແລະ ທາງອ້ອມ.

ນອກນັ້ນ ທ່ານຍັງໄດ້ຮຽກຮ້ອງໃຫ້ທຸກຄົນ ຈົ່ງມີສະຕິ ຈົ່ງຢ່າສວຍໂອກາດໃນຍາມທີ່ຫຍຸ້ງຍາກນີ້ໃຫ້ເປັນໂອກາດຂອງບຸກຄົນ ກຸ່ມຄົນ ເພື່ອຫາຜົນປະໂຫຍດໃສ່ຕົນເອງ ສ້າງຄວາມເດືອດຮ້ອນໃຫ້ປະຊາຊົນ ແລະ ສັງຄົມ ທຸກຄົນຕ້ອງມີສະຕິ ຢ່າເຊື້ອຂ່າວລື ຂ່າວປັ່ນປ່ວນໃດໆ ຂໍໃຫ້ຕິດຕາມຂ່າວທາງການ.

Off

Comments are closed.