24th Apr2020

ຍັງມີການລະເມີດມາດຕະການຫ້າມອອກຈາກເຮືອນຂອງປະຊາຊົນເພີ່ມຂຶ້ນ

by somchan

ສຳລັບຂ່າວທີ່ໜ້າທີ່ຍິນດີຂອງປະຊາຊົນລາວ ໃນປັດຈຸບັນນີ້ ກໍຄືເປັນເວລາ 10 ມື້ຕິດຕໍ່ກັນແລ້ວທີ່ ບໍ່ພົບວ່າມີຜູ້ຕິດເຊື້ອພະຍາດອັກເສບປອດສາຍພັນໃຫມ່ຫຼື ໂຄິດວິດ-19 ຢູ່ພາຍໃນ ສປປ ລາວ ແລະ ຍັງມີຈຳນວນຜູ້ເຊື້ອພຽງ 19 ຄົນ ໃນນີ້ ປິ່ນປົວຮັກສາຫາຍດີແລ້ວ ແລະ ກັບບ້ານໄດ້ແລ້ວ 4 ຄົນ.

ແຕ່ໃນຂະນະດຽວກັນນີ້ ສະພາບການແຜ່ລະບາດຂອງເຊື້ອພະຍາດໂຄວິດ-19 ຢູ່ບັນດາປະເທດຕ່າງໆໃນໂລກ ແມ່ນຍັງມີລັກສະນະກວ້າງຂວາງ, ໄວວາ ແລະ ຮຸນແຮງຂຶ້ນ ປັດຈຸບັນ ມີຜູ້ຕິດເຊື້ອພະຍາດໂຄວິດ-19 ຈຳນວນລ້ານກວ່າຄົນ ມີຜູ້ເສຍຊີວິດຫຼາຍແສນຄົນ  ແລະ ຄາດວ່າຍັງຈະເພີ່ມຂຶ້ນອີກເລື່ອຍໆ ໂດຍບໍຮູ້ວ່າຈະສິ້ນສຸດ. ສຳລັບຢູ່ ສປປ ລາວກໍ່ບໍ່ສາມາດເຊື້ອໝັ້ນໄດ້ວ່າ ຜູ້ຕິດເຊື້ອຈະສິ້ນສຸດພຽງ 19 ຄົນເທົ່ານີ້. ດັ່ງນັ້ນ ວັນທີ 15 ເມສາ 2020 ທ່ານທອງລຸນ ສີສຸລິດ ນາຍົກລັດຖະມົນຕີ ຈຶ່ງໄດ້ອອກຖະແຫຼ່ງການ ແລະ ເນັ້ນໜັກໃຫ້ສືບຕໍ່ປະຕິບັດຄຳສັ່ງເລກທີ 06 ວ່າດ້ວຍການເພີ່ມທະວີມາດຕະການສະກັດກັ້ນ, ກັນການລະບາດ,​ຄວບຄຸມ ແລະ ກຽມພ້ອມຢ່າງຮອບດ້ານ ເພື່ອຕ້ານພະຍາດໂຄວິດ-19 ຢູ່ທົ່ວ ສປປ ລາວ ຕື່ມອີກເປັນເວລາ 14 ວັນ ຈົນເຖິງວັນທີ 3 ພຶດສະພາ 2020.

ຫຼັງຈາກທີ່ທ່ານນາຍົກລັດຖະມົນຕີໄດ້ຖະແຫຼ່ງການທາງເປັນທາງການ ບັນດາອົງການຈັດຕັ້ງ, ຫົວໜ່ວຍທຸລະກິດ, ຄອບຄົວ ແລະ ບຸກຄົນ ສ່ວນຫຼວງຫຼາຍແມ່ນໄດ້ເປັນເຈົ້ານປະຕິບັດຄຳສັ່ງ ເລກທີ 06 ຢ່າງເຂັ້ມງວດ. ເຖິງຢ່າງໃດກໍ່ຕາມ ກໍຍັງເຫັນວ່າ ການປະຕິບັດຄຳສັ່ງດັ່ງກ່າວຂອງຫຼາຍພາກສ່ວນ, ຫຼາຍບຸກຄົນ ແລະ ນິຕິບຸກຄົນ ມີລັກສະນະຖືເບົາແລະ ຢ່ອນຢານລົງ ສະແດງອອກເຊັ່ນ: ມີການອອກຈາກເຮືອນ ຫຼື ທີ່ພັກອາໄສ ໂດຍບໍ່ມີຄວາມຈຳເປັນ ຈຳນວນຫຼາຍຂຶ້ນ ທີ່ເຫັນໄດ້ຢ່າງຈະແຈ້ງ ທີ່ສຸດກໍ່ຄືການເດີນທາງສັນຈອນໄປມາ ຕາມເສັ້ນທາງຕ່າງໆເພີ່ມຂຶ້ນ ມີບາງຈຸດ ບາງເວລາກໍເຫັນມີ ລົດຕິດຂັດອັ່ງອໍ, ມີບາງສຳນັກງານ ອົງການ ໂຮງຈັກ ໂຮງງານ ຫ້າງຮ້ານ ກໍໄດ້ມີການເປີດດຳເນີນກິດຈະການ ເປີດໃຫ້ບໍລິການ ພ້ອມທັງສົ່ງໃຫ້ພະນັກງານຫຼືກຳມະກອນເຂົ້າເຮັດວຽກຕາມປົກກະຕິແລ້ວ, ຕໍ່ກັບບັນຫາດັ່ງກ່າວນີ້ ພັທ ແກ້ວມາລາ ແສງທອງ ຮອງຫົວໜ້າກົມຕຳຫຼວດຈະລາຈອນ ກົມໃຫຍ່ຕຳຫຼວດ ກະຊວງ ປກສ ກໍໄດ້ມີຄຳເຫັນວ່າ:

(ຟັງສຽງ)

Off

Comments are closed.