24th Apr2020

ແຈ້ງເຕືອນໄພພາຍຸລະດູຮ້ອນ ແຕ່ໄລຍະວັນທີ 24 – 26 ເມສາ 2020

by somchan

ແຈ້ງເຕືອນໄພພາຍຸລະດູຮ້ອນ ແຕ່ໄລຍະວັນທີ 24 26 ເມສາ 2020

ເນື່ອງຈາກວ່າບໍລິເວນຄວາມກົດດັນສູງຂອງອາກາດເຢັນທີ່ມີກໍາລັງປານກາງຫາແຮງຈາກປະເທດຈີນແຜ່ລົງ ມາປົກຄຸມເຂດພາກເຫນືອລົງຫາພາກກາງ ແລະ ພາກໃຕ້ ຂອງປະເທດລາວ, ພ້ອມດຽວກັນນີ້ທົ່ວທຸກພາກອາກາດ ຮ້ອນເອົ້າຍັງປົກຄຸມໄດ້ເກີດມີການກະທົບຂອງມວນອາກາດເຢັນ ແລະ ມວນອາກາດຮ້ອນ ຊຶ່ງຈະເຮັດໃຫ້ເກີດມີພາຍຸ ລະດູຮ້ອນໃນລັກສະນະຝົນຕົກຟ້າຮ້ອງຟ້າເຫຼື້ອມ, ຟ້າຜ່າ ແລະ ຫມາກເຫັບຕົກ ພ້ອມມີລົມພັດແຮງຢູ່ບາງທ້ອງຖິ່ນ ແຂວງພາກເຫນືອ ແລະ ພາກກາງ ໃນໄລຍະວັນທີ 24 ຫາ 26 ເມສາ 2020 ນີ້.

ດັ່ງນັ້ນ, ຈຶ່ງຂໍແຈ້ງເຕືອນເຖິງປະຊາຊົນ ແລະ ອໍານາດການປົກຄອງທຸກພາກສ່ວນທີ່ອາໃສຢູ່ບັນດາແຂວງ ພາກເຫນືອ ແລະ ພາກກາງເຊັ່ນ: ຜົ້ງສາລີ, ຫົວພັນ, ຊຽງຂວາງ, ຫຼວງນ້ໍາທາ, ອຸດົມໄຊ, ບໍ່ແກ້ວ, ຫຼວງພະບາງ, ໄຊ ຍະບູລີ, ວຽງຈັນ, ນະຄອນຫຼວງວຽງຈັນ, ໄຊສົມບູນ ແລະ ບໍລິຄໍາໄຊ ຈົ່ງມີສະຕິລະມັດລະວັງຕໍ່ສະພາບຝົນຕົກຟ້າ ຮ້ອງຜ້າເຫຼື້ອມ, ຟ້າຜ່າ, ຫມາກເຫັບຕົກ ແລະ ລົມພັດແຮງ ຫຼີກລ່ຽງການຢູ່ສະຖານທີ່ກາງແຈ້ງ, ກ້ອງຕົ້ນໄມ້ໃຫຍ່ ແລະ ເສົາໄຟຟ້າແຮງສູງ, ສະຖານທີ່ກໍ່ສ້າງ ແລະ ປ້າຍໂຄສະນາທີ່ບໍ່ແຫນ້ນຫນາ.

Off

Comments are closed.