05th May2020

ມື້ທີ 18 ທີ່ບໍ່ພົບຜູ້ຕິດເຊື້ອໂຄວິດ-19 ເພີ່ມ

by somchan

ຄະນະສະເພາະກິດ ເພື່ອປ້ອງກັນຄວບຄຸມ ແລະ ແກ້ໄຂພະຍາດໂຄວິດ-19 ໄດ້ຖະແຫຼ່ງຂ່າວໃນວັນທີ 30 ເມສານີ້ ໂດຍທ່ານ ລັດຕະນະໄຊ ເພັດສຸວັນ ຫົວໜ້າກົມຄວບຄຸມ ພະຍາດ ຕິດຕໍ່ ກະຊວງສາທາລະນະສຸກ ທ່ານໄດ້ກ່າວວ່າ: ໃນວັນທີ 29 ເມສາ 2020 ໄດ້ເກັບຕົວຢ່າງມາກວດທັງໝົດ 10 ຄົນ ໃນນັ້ນ ນະຄອນຫຼວງວຽງຈັນ 6 ຄົນ ແຂວງຈຳປະສັກ 1 ຄົນ, ແຂວງບໍ່ລິຄຳໄຊ 1 ຄົນ ແລະ ແຮງງານລາວທີ່ີກັບຈາກປະເທດໄທ 2 ຄົນ. ຜົນກວດທັງໝົດບໍພົບເຊື້ອ. ເປັນມື້ທີ 18 ທີ່ບໍ່ພົບຜູ້ຕິດເຊື້ອເພີ່ມ.

ນັບແຕ່ເດືອນມັງກອນຮອດວັນທີ 29 ເມສາ 2020 ໄດ້ເກັບຕົວຢ່າງມາກວດທັງ 1,927 ຄົນ, ກວດເຊື້ອ 19 ຄົນ. ໃນຈຳນວນ 19 ຄົນ ປິ່ນປົວດີອອກໂຮງໝໍ 8 ຄົນ. ຍັງນອນປິ່ນປົວຢູ່ໂຮງໝໍ 11 ຄົນ.

Off

Comments are closed.