05th May2020

ລັດຖະບານລາວຮັບເຄື່ອງຊ່ວຍເຫຼືອ ຕ້ານ ແລະ ສະກັດກັ້ນ ພະຍາດໂຄວິດ-19 ຈາກບັນດາບໍລິສັດຕ່າງໆ.

by somchan

ໃນວັນທີ 1 ພຶດສະພາ 2020 ນີ້ ທີ່ກະຊວງສາທາລະນະສຸກ ບໍລິສັດ ເອັສທີ ກຣຸບ ແລະ ທະນາຄານເອັຣທີ ຈຳກັດ ໄດ້ມອບກ້ອງຈັບອຸນນະພູມ ຈຳນວນ 5 ຊຸດ ລວມມູນຄ່າ 650 ລ້ານກີບ ແລະ ກຸ່ມບໍລິສັດສັດ ດີເອຊເຄ ຈຳກັດ ມອບເງິນຈຳນວນ 100 ລ້ານກີບ ໃຫ້ລັດຖະບານລາວ ເພື່ອປະກອບສ່ວນເຂົ້າໃນການຊຸກຍູ້ວຽກງານສະກັດກັ້ນ, ປ້ອງກັນ ຄວບຄຸມ ແລະ ແກ້ໄຂການລະບາດໂຄວິດ-19. ກ່າງຮັບໂດຍທ່ານ ສົມດີ ດວງດີ ຮອງນາຍົກລັດຖະມົນຕີ ກະຊວງການເງິນ ຫົວໜ້າຄະນະສະເພາະກິດເພື່ອຕ້ານສະກັດກັ້ນ ແລະ ປ້ອງກັນການລະບາດຂອງພະຍາດໂຄວິດ-19. ໂອກາດດັ່ງກ່າວ ທ່ານສົມດີ ດວງດີ ໄດ້ກ່າວສະແດງຄວາມຂອບໃຈເປັນຢ່າງສູງຕໍບັນດາບໍລະສັດ ທີໃຫ້ການຊ່ວຍເຫຼືອເຂົ້າໃນການປະຕິບັດໜ້າທີ່ວຽກງານຂອງຄະນະສະເພາະກິດ, ພ້ອມທັງຈະນຳເອົາເຄື່ອງ ແລະ ເງິນຈຳນວນດັ່ງກ່າວໄປໜູນໃຊ້ເຂົ້າໃນວຽກງານສະກັດກັ້ນ ແລະ ແກ້ໄຂການລະບາດຂອງພະຍາດໂຄວິດ-19 ໃຫ້ໄດ້ຮັບຜົນປະໂຫຍດສູງສຸດ.

Off

Comments are closed.