07th May2020

ເກີດເຫດໄຟໄຫມ້ຢູ່ບ້ານໂພນໄຊ

by somchan

ຕາມການລາຍງານຂອງເຈົ້າຫນ້າທີ່ສະກັດກັ້ນ ແລະຕ້ານອັກຄີໄພ ນະຄອນຫລວງວຽງຈັນ ໄດ້ໃຫ້ຮູ້ວ່າ:  ເວລາ 20 ໂມງ ຂອງວັນທີ 6 ພຶດສະພາ ນີ້ ໄດ້ເກີດເຫດໄຟໄຫມ້ເຮືອນຂອງປະຊາຊົນ ຢູ່ບ້ານໂພນໄຊ ເມືອງໄຊເສດຖາ ນະຄອນຫລວງວຽງຈັນ ເຊິ່ງເປັນເຮືອນຂອງນາງ ບຸບຜາ ສົມໃຈ ອາຍຸ 70 ປີ. ເປັນເຮືອນວິລາ ຊັ້ນດຽວ ກໍ່ດ້ວຍຊີມັງ ມຸງດ້ວຍກະເບື່ອງ. ຜົນເສຍຫາຍໄຟໄຫມ້ຫມົດຫລັງ ມູນຄ່າເສຍຫາຍ 150 ລ້ານກີບ ສາເຫດຂອງການເກີດອັກຄີໄພຄັ້ງນີ້ ຍ້ອນໄຟຟ້າລັດວົງຈອນ.

ເຈົ້າຫນ້າທີ່ ຍັງໄດ້ຮຽກຮ້ອງໃຫ້ຊາວນະຄອນຫລວງວຽງຈັນ ກໍ່ຄືຊາວລາວໃນທົ່ວປະເທດ ໃຫ້ມີສະຕິໃນໃຊ້ໄຟຟ້າ ແລະກວດກາເຄື່ອງໃຊ້ໄຟຟ້າເປັນປະຈຳ ໂດຍສະເພາະໄລຍະທີ່ສະພາບອາກາດຮ້ອນອົບເອົ້າ ເຮັດໃຫ້ມີການໃຊ້ອຸປະກອນ ແລະໄຟຟ້າເປັນຈຳນວນຫລາຍ ກໍ່ຍິ່ງສ່ຽງໄຟຟ້າລັດວົງຈອນ ແລະເກີດອັກຄີໄພ.

Off

Comments are closed.