11th May2020

ກອງປະຊຸມປຶກສາຫາລືກຽມຄວາມພ້ອມ ເພື່ອສ້າງຂະບວນການຮັບຕ້ອນກອງປະຊຸມໃຫຍ່ຂອງຄະນະພັກກະຊວງ ປກສ ຄັ້ງທີ 5

by somchan

ອະນຸກຳມະການຂະບວນການເພື່ອສ້າງຂະບວນການຂ່ຳນັບຮັບຕ້ອນກອງປະຊຸມໃຫຍ່ຂອງຄະນະພັກກະຊວງປ້ອງກັນຄວາມສະຫງົບ ຄັ້ງທີ 5 ໄດ້ຈັດກອງປະຊຸມປຶກສາຫາລືກຽມຄວາມພ້ອມ ໃນການສ້າງຂະບວນການຕ່າງໆ ໃນວັນທີ 11 ພຶດສະພາ ນີ້ ເປັນປະທານໂດຍ ພົຕ ປອ ທອງເຫຼັກ ມັງໜໍ່ເມກ ຮອງລັດຖະມົນຕີກະຊວງປ້ອງກັນຄວາມສະຫງົບ ຫົວໜ້າອະນຸກຳມະການຂະບວນການ, ມີຄະນະຮັບຜິດຊອບ, ອະນຸກຳມາການຂະບວນການຈາກກົມໃຫຍ່, ກົມກອງອ້ອມຂ້າງກະຊວງ ເຂົ້າຮ່ວມ.

ໃນກອງປະຊຸມບັນດາອະນຸກຳມະການ ໄດ້ປຶກສາຫາລືກັນໃນການຈັດຕັ້ງປະຕິບັດວຽກງານຂອງແຕ່ລະກົມກອງ ເພື່ອເຮັດໃຫ້ການກະກຽມ ແລະ ດຳເນີນກອງປະຊຸມໃຫຍ່ຄັ້ງທີ 5 ຂອງອົງຄະນະພັກກະຊວງ ປກສ ຖືກຕ້ອງຕາມລະບຽບພັກ, ຮັບປະກັນການຊີ້ນຳ-ນຳພາຂອງຄະນະພັກຂັ້ນເທິງ ແລະ ບັນລຸຜົນສຳເລັດ. ເພື່ອກວດກາ ຕີລາຄາຄືນການຊີ້ນຳ-ນຳພາ ການຈັດຕັ້ງປະຕິບັດມະຕິກອງປະຊຸມໃຫຍ່ໃນໄລຍະຜ່ານມາ. ເພື່ອຊຸກຍູ້ ແລະ ປຸກລະດົມການສ້າງຂະບວນການຕ່າງໆ ໃຫ້ເປັນຂະບວນຟົດຟື້ນ ແລະ ຕໍ່ເນື່ອງ ຜ່ານຂະບວນດັ່ງກ່າວ ສາມາດເລືອກໄດ້ການຈັດຕັ້ງພັກ, ຄະນະພັກປອດໃສ, ເຂັ້ມແຂງ, ໜັກແໜ້ນ, ສະມາຊິກພັກຜູ້ດີເດັ່ນ ຮັບປະກັນໃຫ້ແກ່ການປະຕິບັດໜ້າທີ່ການເມືອງໄດ້ເປັນຢ່າງດີ, ເພື່ອເປັນການປັບປຸງການຈັດຕັ້ງພັກ ແລະ ບຸກຄະລາກອນ ທີ່ມີຄວາມໜັກແໜ້ນທາງດ້ານການເມືອງ, ເຂັ້ມແຂງທາງດ້ານການຈັດຕັ້ງ ແລະ ມີແບບແຜນການນຳພາທີ່ທັນສະໄໝ ສາມາດຕອບສະໜອງໄດ້ກັບຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໄໝ.

Off

Comments are closed.