29th Nov2022

ສະພາແຫ່ງຊາດ ຊຸດທີ IX ຈະດຳເນີນກອງປະຊຸມສະໄໝສາມັນ ເທື່ອທີ 4 ໃນເດືອນທັນວາ 2022.

by somchan

ໃນວັນທີ 28 ພະຈິກ 2022, ທ່ານ ນາງ ປິ່ງຄຳ ລາຊະສິມມາ ເລຂາທິການສະພາແຫ່ງຊາດ ໄດ້ຖະແຫລງຂ່າວວ່າ: ກອງປະຊຸມສະໄໝສາມັນ ເທື່ອທີ 4 ຂອງສະພາແຫ່ງຊາດ ຊຸດທີ IX ຈະໄດ້ໄຂຂຶ້ນແຕ່ວັນທີ 5-30 ທັນວາ 2022 ເພື່ອພິຈາລະນາ ແລະ ຮັບຮອງເອົາບັນຫາສຳຄັນພື້ນ ຖານຂອງປະເທດ. (more…)

29th Nov2022

ການນຳຂັ້ນສູງຂອງລາວຕ້ອນຮັບການເຂົ້າອວຍພອນ ຂອງທູຕານຸທູດ ໃນໂອກາດວັນຊາດແຫ່ງ ສປປລາວ

by somda phoneor

ໃນຕອນເຊົ້າວັນທີ 28 ພະຈິກ 2022, ທີ່ ທຳນຽບປະທານປະເທດ ນະຄອນຫຼວງວຽງຈັນ, ການນຳຂັ້ນສູງພັກ-ລັດ ແຫ່ງ ສປປ ລາວ ນຳໂດຍ ທ່ານ ທອງລຸນ ສີສຸລິດ, ປະທານປະເທດ ພ້ອມດ້ວຍພັນລະຍາ, ທ່ານ ພັນຄຳ ວິພາວັນ, ນາຍົກລັດຖະມົນຕີ ພ້ອມດ້ວຍພັນລະຍາ, ທ່ານ ໄຊສົມພອນ ພົມວິຫານ, ປະທານສະພາແຫ່ງຊາດ ພ້ອມດ້ວຍພັນລະຍາ, ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ (more…)

29th Nov2022

ກົງສຸນໃຫຍ່ຫວຽດນາມ ປະຈຳພາກໃຕ້ ອວຍພອນເຈົ້າແຂວງອັດຕະປື ໂອກາດວັນຊາດ 2 ທັນວາ.

by somda phoneor

ວັນທີ 28 ພະຈິກ 2022 , ທີ່ຫ້ອງວ່າການແຂວງອັດຕະປື, ສະຫາຍ ຫງວຽນ ວັນ ຈຸງ ກົງສຸນໃຫຍ່ແຫ່ງ ສສ ຫວຽດນາມ ປະຈຳພາກໃຕ້ຂອງລາວ ພ້ອມຄະນະ ໄດ້ເຂົ້າອວຍພອນ ສະຫາຍ ເລັດ ໄຊຍະພອນ ກຳມະການສູນກາງພັກ, ເລຂາພັກແຂວງ ເຈົ້າແຂວງອັດຕະປື ພ້ອມດ້ວຍຄະ ນະ ໃນໂອກາດວັນຊາດ ທີ 2 ທັນວາ ຄົບຮອບ 47 ປີ. (more…)

25th Nov2022

ປະທານສູນກາງແນວລາວສ້າງຊາດ ຕ້ອນຮັບຜູ້ແທນສູນກາງແນວໂຮມປະເທດຊາດຫວຽດນາມ.

by somda phoneor

ທ່ານ ສິນລະວົງ ຄຸດໄພທູນ ກໍາມະການກົມການເມືອງສູນກາງພັກ, ປະທານສູນກາງແນວລາວສ້າງ ຊາດ ຕ້ອນຮັບການເຂົ້າພົບປະຢ້ຽມຢາມຂອງ ທ່ານ ເລຕຽນເຈົ່າ ກໍາມະການສູນກາງພັກກອມມູນິດ ຫວຽດນາມ, ຮອງປະທານ ຜູ້ປະຈໍາການສູນກາງ ແນວໂຮມປະເທດຊາດ ຫວຽດນາມ ພ້ອມ ຄະນະ ໃນວັນທີ 23 ພະຈິກ 2022 ທີ່ເມືອງຫນອງບົກ ແຂວງຄໍາມ່ວນ, ມີຮອງປະທານສູນກາງແນວລາວສ້າງ ຊາດ, ຄະນະນໍາຂອງແຂວງຄໍາມ່ວນ ແລະ ພາກສ່ວນກ່ຽວຂ້ອງ ເຂົ້າຮ່ວມຕ້ອນຮັບ. (more…)

23rd Nov2022

ແຕ່ນີ້ຮອດທ້າຍເດືອນທັນວາ ລັດຖະບານຈະສຸມໃສ່ປະຕິບັດ 14 ວຽກງານສຳຄັນ.

by somchan
ກອງປະຊຸມລັດຖະບານ ສະໄໝສາມັນ ປະຈຳເດືອນພະຈິກ 2022 ໄດ້ໄຂຂຶ້ນຢ່າງເປັນທາງການ ໃນຕອນເຊົ້າຂອງວັນທີ 21 ແລະ ອັດລົງໃນວັນທີ 22 ພະຈິກ 2022 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງທ່ານ ພັນຄໍາ ວິພາວັນ ນາຍົກລັດຖະມົນຕີ, ມີບັນດາທ່ານຮອງນາຍົກລັດຖະມົນຕີ, ສະມາຊິກລັດຖະບານ ແລະ ຜູ້ຕາງໜ້າບັນດາກະຊວງເຂົ້າຮ່ວມ.
ກອງປະຊຸມຄັ້ງນີ້, ໄດ້ປຶກສາຫາລື, ຄົົ້ນຄວ້າ, ຕົກລົງ ແລະ ມີທິດຊີ້ນຳຕໍ່ວາລະທີ່ສໍາຄັນຕ່າງໆ. ສຳລັບແຕ່ນີ້ຮອດທ້າຍເດືອນທັນວາ 2022  ເນື່ອງຈາກ ສະພາບການຂອງສາກົນ ແລະ ພາກພື້ນ ຍັງຈະສືບຕໍ່ຜັນແປຢ່າງສັບສົນ ຄາດເດົາໄດ້ຍາກ ເຊິ່ງຍັງຈະສືບຕໍ່ກະທົບຕໍ່ປະເທດເຮົາ ຢ່າງຫລີກລ່ຽງບໍ່ໄດ້, ສະນັ້ນ ລັດຖະບານ ຍັງຈະໄດ້ສືບຕໍ່ສຸມໃສ່ແກ້ໄຂບັນຫາຫຍຸ້ງຍາກຕ່າງໆ ທີ່ຈະເກີດຂຶ້ນໃຫ້ທັນການ ແລະ ຈະສຸມໃສ່ປະຕິບັດບາງວຽກງານທີ່ສຳຄັນ ຄື:
 
ສືບຕໍ່ຜັນຂະຫຍາຍຜົນສຳເລັດຂອງກອງປະຊຸມຄົບຄະນະຄັ້ງທີ 5 ຂອງຄະນະບໍລິຫານງານສູນກາງພັກ ສະໄໝທີ XI ໃຫ້ເຂົ້າສູ່ລວງເລິກ ໂດຍສ້າງເປັນແຜນການລະອຽດ ໃນການຈັດຕັ້ງປະຕິບັດແຕ່ລະດ້ານ ໃຫ້ໄດ້ຮັບຜົນສຳເລັດ ແລະ ມີປະສິດທິຜົນຫລາຍຂຶ້ນ ໂດຍສະເພາະການແບ່ງຄວາມຮັບຜິດຊອບ ໃນການປະຕິບັດມະຕິວ່າດ້ວຍວຽກງານທີ່ດິນ ໃນໄລຍະ ໃໝ່; ສຸມໃສ່ຈັດຕັ້ງຜັນຂະຫຍາຍຜົນສຳເລັດກອງປະຊຸມວຽກງານການເມືອງ-ແນວຄິດທົ່ວປະເທດ ຄັ້ງທີ 5 ໃຫ້ເລິກເຊິ່ງ ແລະ ກວ້າງຂວາງ, ລວມທັງກອງປະຊຸມສະຫລຸບການຈັດຕັ້ງປະຕິບັດຂະບວນການແຂ່ງຂັນຮັກຊາດ ແລະ ພັດທະນາ, ວຽກງານກໍ່ສ້າງຮາກຖານການເມືອງ, ພັດທະນາຊົນນະບົດ ແກ້ໄຂຄວາມທຸກຍາກ ແລະ ວຽກງານ 3 ສ້າງ ໃຫ້ໄດ້ຮັບຜົນດີ; ສຸມໃສ່ກະກຽມບົດລາຍງານ 7 ຫົວຂໍ້ ແລະ ການປັບປຸງກົດໝາຍ 10 ສະບັບ ທີ່ລັດຖະບານ ຈະລາຍງານຕໍ່ກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດ ຊຸດທີ IX ໃຫ້ມີເນື້ອໃນ ຊັດເຈນ, ຖືກຕ້ອງ, ຄົບຖ້ວນ ແລະ ສຳເລັດຕາມກຳນົດເວລາ; ສືບຕໍ່ຈັດຕັ້ງປະຕິບັດ 2 ວາລະແຫ່ງຊາດ ດ້ວຍຈິດໃຈບຸກບືນສູ້ຊົນ, ແຂງແຮງ ແລະ ໄດ້ຮັບຜົນດີຂຶ້ນກວ່າເກົ່າ ພ້ອມທັງສະຫລຸບຕີລາຄາ ການຈັດຕັ້ງປະຕິບັດວຽກດັ່ງກ່າວ ໃນປີ 2022 ແລະ ສະເໜີແຜນ ປີ 2023 ເພື່ອລາຍງານຕໍ່ກອງປະຊຸມສະພາແຫ່ງຊາດ; ສືບຕໍ່ເອົາໃຈໃສ່ນຳພາ ຊີ້ນຳວຽກງານປ້ອງກັນຊາດ-ປ້ອງກັນຄວາມສະຫງົບ ທົ່ວປວງຊົນຮອບດ້ານ ຢ່າງຕັ້ງໜ້າ ໂດຍສະເພາະຮັບປະກັນຄວາມສະຫງົບ ແລະ ປອດໄພໃຫ້ແກ່ງານສຳຄັນຕ່າງໆ ເຊັ່ນ: ງານສະເຫລີມສະຫລອງທົ່ງໄຫຫີນເປັນມໍຣະດົກໂລກ, ການສະເຫລີມສະຫລອງວັນຊາດທີ 2 ທັນວາ, ມະຫະກຳກິລາແຫ່ງຊາດ ທີ່ຈະຈັດຂຶ້ນທີ່ແຂວງຊຽງຂວາງ ແລະ ອື່ນໆ. ພ້ອມນີ້, ກໍເພີ່ມທະວີການແກ້ໄຂປະກົດການຫຍໍ້ທໍ້ໃນສັງຄົມ ໂດຍສະເພາະຂີ້ລັກງັດແງະ ລວມທັງບັນຫາສື່ສັງຄົມອອນລາຍ ທີ່ສະເໜີຂ່າວບິດເບືອນ, ຂ່າວປອມ ແລະ ຂ່າວລື ໃຫ້ຫລຸດໜ້ອຍຖອຍລົງເທື່ອລະກ້າວ; ກະກຽມຈັດກອງປະຊຸມແຜນການ-ການເງິນ ທົ່ວປະເທດ ໃຫ້ມີເນື້ອໃນເລິກເຊິ່ງ, ຮັດກຸມ ແລະ ມີການຫັນປ່ຽນໃໝ່ທາງດ້ານການເກັບລາຍຮັບ, ການປະຕິບັດໂຄງການລົງທຶນຂອງລັດ; ສືບຕໍ່ສ້າງສະພາບແວດລ້ອມທີ່ດີ ໃນການດຶງດູດ ແລະ ສົ່ງເສີມການລົງທຶນ ທັງພາຍໃນ ແລະ ຕ່າງປະເທດ ໃຫ້ມີຄວາມສະດວກ ແລະ ວ່ອງໄວ ກວ່າເກົ່າ; ສືບຕໍ່ປະຕິບັດຄຳສັ່ງຂອງນາຍົກລັດຖະມົນຕີ ວ່າດ້ວຍການເພີ່ມທະວີການຄຸ້ມຄອງ ແລະ ຕ້ານການຮົ່ວໄຫລຂອງງົບປະມານ, ດຳລັດວ່າດ້ວຍການປະຢັດ ແລະ ຕ້ານການຟູມເຟືອຍ, ດຳລັດ ວ່າດ້ວຍລັດຂອງລັດ ແລະ ນິຕິກຳກ່ຽວຂ້ອງອື່ນໆ ໃຫ້ເຂັ້ມງວດ ແລະ ມີປະສິດທິຜົນກວ່າເກົ່າ; ສືບຕໍ່ປະຕິຮູບບັນດາລັດວິສາຫະກິດ ຢ່າງແຂງແຮງ ຕາມມະຕິຂອງລັດຖະບານ ເລກທີ 10 ປີ 2021 ໃຫ້ສໍາເລັດຕາມແຜນ;
ສືບຕໍ່ສຸມໃສ່ແກ້ໄຂສະພາບການວ່າງງານ, ຍົກສູງຄຸນນະພາບຂອງສີມືແຮງງານລາວ ເພື່ອຕອບສະໜອງໃຫ້ແກ່ຕະຫລາດພາຍໃນ ທັງກ້າວໄປສູ່ການສົ່ງອອກແຮງງານໄປຕ່າງປະເທດໃຫ້ຫລາຍຂຶ້ນ ເພື່ອປະກອບສ່ວນນຳເງິນຕາຕ່າງປະເທດ ເຂົ້າສູ່ເສດຖະກິດລາວເພີ່ມຂຶ້ນ; ສຸມໃສ່ກະກຽມຄວາມພ້ອມໃຫ້ແກ່ພິທີເຫລີມສະຫລອງ ແລະ ງານສຳຄັນຕ່າງໆ ທີ່ຈະຈັດຂຶ້ນໃນທ້າຍເດືອນພະຈິກ ຫາເດືອນທັນວາ ບົນຈິດໃຈກະທັດຮັດ ແລະ ປະຢັດມັດທະຍັດ; ສືບຕໍ່ຈັດຕັ້ງປະຕິບັດແນວທາງການຕ່າງປະເທດ ຂອງພັກ ໃຫ້ມີປະສິດທິຜົນ, ໃນນີ້ ຈັດຕັ້ງຜັນຂະຫຍາຍຜົນສໍາເລັດ ຂອງກອງປະຊຸມສຸດຍອດອາຊຽນ ຄັ້ງທີ 40 ແລະ 41, ປະຕິບັດຜົນການຕົກລົງ ຂອງການພົບປະຂອງການນຳຂັ້ນສູງ ກັບບັນດາປະເທດເພື່ອນມິດໃຫ້ຖືກຕ້ອງ, ທັນການ ແລະ ໄດ້ຮັບຜົນດີ. ພ້ອມກັນນີ້, ກໍກະກຽມຮອບດ້ານໃຫ້ແກ່ການໄປເຄື່ອນໄຫວຕ່າງປະເທດ ແລະ ການຕ້ອນຮັບແຂກຕ່າງປະເທດ ທີ່ຈະມາຢ້ຽມຢາມ ເຮັດວຽກ ຢູ່ ສປປ ລາວ; ກະກຽມຄວາມພ້ອມຮອບດ້ານ ໃຫ້ແກ່ການເດີນມາຢ້ຽມຢາມ ສປປ ລາວ ຢ່າງເປັນທາງການ ຂອງທ່ານ ນາຍົກລັດຖະມົນຕີ ແຫ່ງ ສສ ຫວຽດນາມ, ພ້ອມທັງເຂົ້າຮ່ວມພິທີປິດປີສາມັກຄີມິດຕະພາບ ລາວ-ຫວຽດນາມ ປີ 2022 ແລະ ເຂົ້າຮ່ວມກອງປະຊຸມ ຄະນະກຳມະການຮ່ວມມືສອງຝ່າຍ ລາວ-ຫວຽດນາມ ຄັ້ງທີ 45 ແລະ ສືບຕໍ່ສຸມໃສ່ກະກຽມສ້າງແຜນດຳເນີນງານ ຂອງລັດຖະບານ ປີ 2023 ໃຫ້ສຳເລັດ ເພື່ອພິຈາລະນາໃນກອງປະຊຸມລັດຖະບານ ໃນເດືອນທັນວາ.
ໃນຕອນທ້າຍ, ປະທານກອງປະຊຸມ ໄດ້ຮຽກຮ້ອງໃຫ້ບັນດາທ່ານ ສະມາຊິກລັດຖະບານ ຈົ່ງນຳເອົາມະຕິກອງປະຊຸມລັດຖະບານຄັ້ງນີ້ ໄປຫັນເປັນແຜນຈັດຕັ້ງປະຕິບັດຂອງ ຂະແໜງການຕົນໃຫ້ລະ ອຽດ, ມີການແບ່ງຄວາມຮັບຜິດຊອບໃຫ້ການຈັດຕັ້ງ, ບຸກຄະລາກອນຢູ່ໃນແຕ່ລະຂັ້ນ ແລະ ມີຄາດໝາຍ ໃນແຕ່ລະໄລຍະໃຫ້ຊັດເຈນ, ສອດຄ່ອງກັບເງື່ອນໄຂສະພາບຄວາມເປັນຈິງ ຂອງແຕ່ຂະແໜງການ ແລະ ຈັດຕັ້ງປະຕິບັດໃຫ້ໄດ້ຮັບຜົນດີ.
23rd Nov2022

ເລຂາທິການໃຫຍ່ ຕ້ອນຮັບ ຄະນະຜູ້ແທນຫ້ອງວ່າການສູນກາງພັກກອມມູນິດ ຫວຽດນາມ

by somchan
ໃນວັນທີ 22 ພະຈິກ 2022 ທີ່ຫ້ອງວ່າການສູນກາງພັກ ປະຊາຊົນ ປະຕິວັດລາວ, ສະຫາຍ ທອງລຸນ ສີສຸລິດ ເລຂາທິການໃຫຍ່, ປະທານປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ສະຫາຍ ເລ ມິງ ຮຶງ ເລຂາທິການສູນກາງພັກ, ຫົວໜ້າຫ້ອງວ່າການສູນກາງພັກກອມມູນິດຫວຽດນາມ ພ້ອມຄະນະ ໃນໂອກາດເດີນທາງມາຢ້ຽມຢາມ ແລະ ພົບປະປຶກສາຫາລື

(more…)

22nd Nov2022

ຍົກສູງຄຸນນະພາບ ດ້ານເນື້ອໃນກະກຽມແກ່ກອງປະຊຸມສະພາແຫ່ງຊາດ

by somda phoneor

ກອງປະຊຸມຍົກສູງຄຸນນະພາບທາງດ້ານເນື້ອໃນກະກຽມໃຫ້ແກ່ກອງປະຊຸມສະໄໝສາມັນ ເທື່ອທີ 4 ຂອງສະພາແຫ່ງຊາດ ຊຸດທີ IX ໄດ້ຈັດຂຶ້ນລະຫວ່າງວັນທີ 21-26 ພະຈິກ 2022, ພາຍໃຕ້ການເປັນປະທານຂອງ ທ່ານ ນາງ ສູນທອນ ໄຊຍະຈັກ ຮອງປະທານສະພາແຫ່ງຊາດ ໂດຍມີບັນດາສະມາຊິກສະພາແຫ່ງຊາດ ທົ່ວປະເທດເຂົ້າຮ່ວມ.

(more…)

22nd Nov2022

ປະທານສະພາແຫ່ງຊາດລາວເຂົ້າຮ່ວມກອງປະຊຸມໃຫຍ່ສະມັດຊາລັດຖະສະພາລະຫວ່າງຊາດອາຊຽນ ຄັ້ງທີ 43

by somda phoneor

ໃນວັນທີ 21 ພະຈິກ 2022, ທີ່ ພະນົມເປັນ, ຣາຊະອານາຈັກກໍາປູເຈຍ, ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ພ້ອມດ້ວຍຄະນະຜູ້ແທນຂັ້ນສູງຂອງສະພາແຫ່ງຊາດ ແຫ່ງ ສປປ ລາວ ໄດ້ເຂົ້າຮ່ວມກອງປະຊຸມສະມັດຊາໃຫຍ່ລັດຖະສະພາລະຫວ່າງຊາດອາຊຽນ ຫລື ໄອປາ (AIPA) ຄັ້ງທີ 43. ໂດຍການເປັນປະທານຂອງ ທ່ານ ສົມເດັດ ອັກຄະມະຫາ ໂປເຢຍ ຈັກກຣີ ເຮັງຊໍາຣິນ ປະທານສະພາແຫ່ງຊາດ ແຫ່ງ ຣາຊະອານາຈັກກຳປູເຈຍ ໂດຍມີຄະນະຜູ້ແທນ ທີ່ນຳໂດຍປະທານ ແລະ ຮອງປະທານລັດຖະສະພາ ຈາກບັນດາປະເທດອາຊຽນ ພ້ອມດ້ວຍປະເທດສັງເກດການ ແລະ ແຂກຖືກເຊີນ ທີ່ເປັນຕົວແທນຈາກລັດຖະສະພາພາກພື້ນ ແລະ ສາກົນ ເຂົ້າຮ່ວມ.

(more…)

22nd Nov2022

ລັດຖະບານ ດໍາເນີນກອງປະຊຸມສະໄໝສາມັນ ປະຈໍາເດືອນພະຈິກ 2022

by somda phoneor

ກອງປະຊຸມລັດຖະບານ ສະໄໝສາມັນ ປະຈຳເດືອນພະຈິກ 2022 ໄດ້ຈັດໃນວັນທີ 21 ພະຈິກ 2022 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງທ່ານ ພັນຄໍາ ວິພາວັນ ນາຍົກລັດຖະມົນຕີ, ມີບັນດາທ່ານ ຮອງນາຍົກລັດຖະມົນຕີ, ສະມາຊິກລັດຖະບານ ແລະ ຜູ້ຕາງໜ້າຈາກບັນດາກະຊວງເຂົ້າຮ່ວມ.

(more…)

18th Nov2022

ລາວ-ໄທ-ມຽນມາ ຮ່ວມມື ຕ້ານອາຊະ ຍາກໍາຢາເສບຕິດ ເຂດສາມຫລ່ຽມຄຳ.

by somchan

ກອງ​ປະຊຸມ​ຮ່ວມມື ວຽກງານໄອຍະການ ໃນຂົງ​ເຂດ​ສາມຫລ່ຽມຄຳ ລາວ-ໄທ-ມຽນມາ​ ຄັ້ງ​ທີ II ໃນການຕ້ານ ແລະ ສະກັດກັ້ນ ອາຊະຍາກໍາຢາເສບຕິດ ​​ໄດ້​ໄຂຂຶ້ນໃນ​ວັນ​ທີ 16 ພະຈິກ 2022, ຢູ່ນະຄອນຫລວງພະບາງ, ແຂວງຫລວງພະບາງ ສປປ ລາວ ໂດຍພາຍ​ໃຕ້​ການ​ເປັນ​ປະທານຮ່ວມ​ຂອງ ​ທ່ານ ຄຳເພັດ ສົມວໍລະຈິດ ຮອງຫົວໜ້າອົງການ ໄອຍະການປະຊາຊົນສູງສຸດ ແຫ່ງ​ ສປປ ລາວ, ທ່ານ ຈຸມພົນ ພັນສໍາລິດ ຮອງໄອຍະການສູງສຸດ ແຫ່ງ ຣາຊະອານາຈັກໄທ, ທ່ານ ນາງ ສະເວ ສະເວ ອອງ ຫົວໜ້າກົມກົດໝາຍສາກົນ ສໍານັກງານໄອຍະການສູງສຸດ ແຫ່ງ ສະຫະພາບ ມຽນມາ ແລະ ໃຫ້ກຽດເຂົ້າຮ່ວມໂດຍ ທ່ານ ບຸນເລື່ອນ ມະນີວົງ ຮອງເຈົ້າແຂວງຫລວງພະບາງ.

ໃນກອງ​ປະຊຸມ ​ໄດ້​ທົບ​ທວນ​ການຈັດຕັ້ງປະຕິບັດ ຜົນຂອງກອງປະຊຸມຮ່ວມມື ວຽກງານໄອຍະການໃນຂົງເຂດສາມຫລ່ຽມຄຳ ລາວ-ໄທ-ມຽນມາ ຄັ້ງທີ I ທີ່ຈັດຂຶ້ນຢູ່ແຂວງ ຊຽງລາຍ ຣາຊະອານາຈັກໄທ ໃນປີ 2018; ກອງປະຊຸມໄດ້ຮັບຟັງ ການນໍາສະເໜີ ກ່ຽວກັບພື້ນຖານ ທາງດ້ານກົດໝາຍ ທີ່ກ່ຽວຂ້ອງໃນການຕ້ານ ແລະ ສະກັດກັ້ນ ອາຊະຍາກໍາຢາເສບຕິດ; ການສະເໜີກ່ຽວກັບກົດໝາຍ ແລະ ວິທີການຈັດຕັ້ງປະ ຕິບັດ ການຮ່ວມມືລະຫວ່າງປະເທດ ໃນການແກ້ໄຂບັນຫາການກະທຳຜິດທາງອາຍາ. ກອງປະຊຸມ ຍັງໄດ້ປຶກສາຫາຫລື ແລະ ຮ່ວມກັນຊອກຫາວິທີຮັບມື ແລະ ປາບປາມອາຊະຍາກໍາຂ້າມຊາດ ໂດຍສະເພາະ ການຄ້າ-ຂາຍຢາເສບຕິດ ໃນບໍລິເວນຊາຍແດນສາມຫລ່ຽມຄໍາ ຢ່າງມີປະສິດທິພາບ, ປະສິດທິຜົນ ແລະ ທັນການ. ກອງປະຊຸມເຫັນວ່າ ບັນຫາອາຊະຍາກຳຂ້າມຊາດ ໂດຍສະເພາະ ອາຊະຍາກໍາຢາເສບຕິດ ໄດ້ກາຍເປັນບັນຫາລວມຂອງໂລກ ອັນເປັນໄພຂົ່ມຂູ່ຕໍ່ຄວາມໝັ້ນຄົງ ຂອງບັນດາປະເທດ ໃນພາກພື້ນ ແລະ ໃນໂລກ. ໃນແຕ່ລະປີ ບັນຫາອາຊະຍາກໍາຢາເສບຕິດ ບໍ່ພຽງແຕ່ສ້າງຄວາມເສຍຫາຍໃຫ້ແກ່ຊີວິດ ແລະ ຊັບສິນຂອງປະຊາຊົນ ຢ່າງມະຫາສານເທົ່ານັ້ນ ແຕ່ຍັງເປັນອຸປະສັກ ຕໍ່ການພັດທະນາ ເສດຖະກິດ-ສັງຄົມ ຂອງບັນດາປະຊາຊາດ ແລະ ການຮ່ວມມືໃນພາກພື້ນອີກດ້ວຍ.

ສະນັ້ນ, ເພື່ອຕ້ານກັບບັນຫາ ອາຊະຍາກຳດັ່ງກ່າວ ໄດ້ຢ່າງມີປະສິດທິຜົນ ແລະ ທັນການ, ຮຽກ ຮ້ອງໃຫ້ບັນດາປະ ຊາຊາດ ກໍຄື ບັນດາປະເທດສະມາຊິກອາຊຽນ ຕ້ອງໄດ້ເພີ່ມທະວີ​ ການຮ່ວມມືກັນຢ່າງ ຮອບດ້ານ ຊຶ່ງລວມທັງການປະສານງານ, ການແລກປ່ຽນຂໍ້ມູນຂ່າວສານ ແລະ ການສົ່ງເສີມ ຄວາມສາ ມາດຂອງພະນັກງານ ໂດຍຜ່ານການ ຈັດຕັ້ງປະຕິບັດບັນດາ ນິຕິກໍາຕ່າງໆຂອງສາກົນ ແລະ ພາກພື້ນ ເຊັ່ນ ຖະແຫລງການອາຊຽນ ວ່າດ້ວຍການສະກັດກັ້ນ ແລະ ການກວດກາອາຊະຍາກໍາ ຂ້າມຊາດປີ 1997, ສົນທິສັນຍາວ່າດ້ວຍ ການຕ້ານການກໍ່ການຮ້າຍໃນປີ 2007, ສົນທິສັນຍາອາຊຽນວ່າດ້ວຍ ການຊ່ວຍ ເຫລືອ ຊຶ່ງກັນ ແລະ ກັນ ໃນບັນຫາອາຍາ ປີ 2004 ແລະ ແຜນແມ່ບົດສຳລັບເສົາຄໍ້າປະຊາຄົມການ ເມືອງ-ຄວາມຫມັ້ນຄົງອາຊຽນ ໃຫ້ໄດ້ຮັບຜົນສຳເລັດ.

ກອງປະຊຸມ ການຮ່ວມມືວຽກງານ ໄອຍະການໃນຂົງເຂດ ສາມຫລ່ຽມຄໍາ ລາວ-ໄທ-ມຽນມາ ຄັ້ງທີ II ກ່ຽວກັບການຕ້ານອາຊະຍາກໍາຢາເສບຕິດ ໃນຄັ້ງນີ້ ແມ່ນມີຄວາມໝາຍສຳຄັນ, ເປັນການຍົກສູງການຮ່ວມມື ວຽກງານໄອຍະການ ໃນຂົງເຂດສາມຫລ່ຽມຄໍາ ໃນການຕ້ານອາຊະຍາກຳຂ້າມຊາດ, ເປັນການ ຈັດຕັ້ງຜັນຂະຫຍາຍວິໄສທັດ ປະຊາຄົມອາຊຽນ ກໍຄື ການຈັດຕັ້ງປະຕິບັດ ແຜນແມ່ບົດ ສໍາລັບສາມເສົາຄໍ້າປະຊາຄົມອາຊຽນ, ແຜນວຽກ ຂໍ້ລິເລີ່ມເພື່ອການເຊື່ອມໂຍງອາຊຽນ ສະບັບທີສາມ ແລະ ແຜນແມ່ບົດ ເພື່ອການເຊື່ອມຈອດອາຊຽນ 2025 ຢ່າງມີປະສິດທິຜົນ.

 

Pages:1234567...151»