06th Jul2022

ສະພາແຫ່ງຊາດພິຈາລະນາຄົ້ນຄ້ວາ ຮ່າງກົດໝາຍວ່າດ້ວຍຄວາມປອດໄພຂອງເຂື່ອນ

by Peaung Thanonkeo

ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດ ຊຸດ IX ໃນວັນທີ 5 ກໍລະກົດ 2022 ທີ່ຫໍສະພາແຫ່ງຊາດ ເປັນປະທານຂອງທ່ານ ຈະເລີນ ເຢຍປາວເຮີ ຮອງປະທານສະພາແຫ່ງຊາດ ເປັນກຽດເຂົ້າຮ່ວມຂອງທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ໃນກອງປະຊຸມ ທ່ານນາງ ຈັນສະຫວາດ ບຸບຜາ ຮອງລັດຖະມົນຕີກະຊວງພະລັງງານ ແລະ ບໍ່ແຮ່ ໄດ້ສະເໜີຮ່າງກົດໝາຍວ່າດ້ວຍຄວາມປອດໄພຂອງເຂື່ອນ ເຊີ່ງເປັນກົດໝາຍ(ສ້າງໃໝ່) ແລະ ບັນດາສະມາຊິກສະພາແຫ່ງຊາດ ໄດ້ປະກອບຄຳຄິດເຫັນໃສ່ບົດສະເໜີດັ່ງກ່າວ. (more…)

06th Jul2022

ສອງກໍາລັງຕາຫຼວດ ລາວ ແລະ ຫວຽດນາມໄລຍະຜ່ານມາໄດ້ພົວພັນຮ່ວມມືກັນຢ່າງແໜ້ນແຟ້ນແລະມີຜົນງານຮ່ວມກັນຫຼານດ້ານ.

by somchan

ພົນຕີ ຄໍາກິ່ງ ຜຸຍຫຼ້າມະນີວົງ ຄະນະປະຈໍາພັກກະຊວງ,ຫົວໜ້າກົມໃຫ່ຍຕໍາຫຼວດ,ກະຊວງປ້ອງກັນຄວາມສະຫງົບ,ໄດ້ໃຫ້ສໍາພາດຕໍ່ສື່ມວນຊົນປ້ອງກັນຄວາມສະຫງົບ,ເນື່ອງໃນໂອກາດສະເຫຼີມສະຫຼອງປີສາມັກຄີມິດຕະພາບລາວ-ຫວຽດນາມຄື: ວັນສ້າງຕັ້ງສາຍພົວພັນການທູດລາວຫວຽດນາມ ຄົບຮອບ 60 (more…)

06th Jul2022

ນາຍົກລັດຖະມົນຕີ ຕ້ອນຮັບ ປະທານຄະນະ ກຳມະການປະຊາຊົນ ແຂວງຮ່າຕິ້ງ ສສ ຫວຽດນາມ.

by somchan

ທ່ານ ພັນຄຳ ວິພາວັນ ນາຍົກລັດຖະມົນຕີ ໄດ້ໃຫ້ກຽດຕ້ອນຮັບ ການເຂົ້າຢ້ຽມຂໍ່ານັບຂອງ ທ່ານ ຫວໍ ຈ້ອງ ຫ້າຍ ຮອງເລຂາພັກແຂວງ, ປະທານຄະນະກຳມະການປະຊາ ຊົນແຂວງຮ່າຕິ້ງ ສສ ຫວຽດນາມ ພ້ອມດ້ວຍຄະນະ ໃນວັນທີ 5 ກໍລະກົດ 2022 ນີ້, ໃນໂອກາດເດີນທາງມາຢ້ຽມຢາມ ແລະ ເຮັດວຽກ ຢູ່ ສປປ ລາວ ໃນລະຫວ່າງວັນທີ 4-7 ກໍລະກົດນີ້. (more…)

06th Jul2022

ຜົນສຳເລັດຂອງກອງປະຊຸມລັດຖະມົນຕີຕ່າງປະເທດຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ ຄັ້ງທີ 7

by Peaung Thanonkeo

ໃນວັນທີ 4 ກໍລະກົດ 2022, ທ່ານ ສະເຫລີມໄຊ ກົມມະສິດ, ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ນໍາພາຄະນະຜູ້ແທນລາວເຂົ້າຮ່ວມກອງປະຊຸມລັດຖະມົນຕີຕ່າງປະເທດຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ ຄັ້ງທີ 7 ທີ່ ເມືອງບາກັນ, ສະຫະພາບມຽນມາ ພາຍໃຕ້ຫົວຂໍ້: ສາມັກຄີປອງດອງ ເພື່ອສະຖຽນລະພາບ ແລະ ຄວາມຈະເລີນຮຸ່ງເຮືອງ, ໂດຍການເປັນປະທານຮ່ວມຂອງ ທ່ານ ວຸນາ ມ່ອງວິນ, ລັດຖະມົນຕີກະຊວງການຕ່າງປະເທດ ສະຫະພາບມຽນມາ ແລະ ທ່ານ ຫວາງອີ້, ທີ່ປຶກສາແຫ່ງລັດ, ລັດຖະມົນຕີຕ່າງປະເທດ ສປ ຈີນ ໄດ້ມີບັນດາຄະນະຜູ້ແທນຈາກປະເທດສະມາຊິກເຂົ້າຮ່ວມຢ່າງພ້ອມພຽງ.

ກອງປະຊຸມໄດ້ຕີລາຄາ ແລະ ທົບທວນຄືນຜົນຂອງການຮ່ວມມືໃນຕະຫຼອດໄລຍະ 6 ປີຜ່ານມາ ໂດຍເຫັນວ່າເປັນຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ ໄດ້ມີການຂະຫຍາຍຕົວຢ່າງວ່ອງໄວ ແລະ ນໍາເອົາຜົນປະໂຫຍດອັນເປັນຮູບປະທໍາມາສູ່ພາກພື້ນແມ່ນໍ້າຂອງ ໂດຍສະເພາະ ການຈັດຕັ້ງຜັນຂະຫຍາຍຜົນກອງປະຊຸມລັດຖະມົນຕີຕ່າງປະເທດຂອບການຮ່ວມ ມືແມ່ນໍ້າຂອງ-ແມ່ນໍ້າລ້ານຊ້າງ ຄັ້ງທີ 6 ແລະ ແຜນປະຕິບັດງານ 5 ປີ (2018 -2022) ພາຍໃຕ້ 3 ເສົາຄໍ້າ (ການເມືອງ- ຄວາມໝັ້ນຄົງ, ການພັດທະນາແບບຍືນຍົງ ແລະ ການແລກປ່ຽນວັດທະນະທໍາ-ສັງຄົມ) ແລະ 5 ຂົງເຂດບູລິມະສິດ (ການເຊື່ອມຈອດ, ການຄຸ້ມຄອງຊັບພະຍາກອນນ້ຳ, ການຄ້າຂ້າມຊາຍແດນການສ້າງຂີດຄວາມອາດສາມາດໃນການຜະລິດ ແລະ ກະສິກຳ ແລະ ລຶບລ້າງຄວາມທຸກຍາກ) ໂດຍຜ່ານການປະຕິບັດບັນດາກິດຈະກຳ ແລະ ໂຄງການກອງທຶນພິເສດແມ່ນ້ຳຂອງ-ແມ່ນ້ຳລ້ານຊ້າງ ອັນໄດ້ນໍາຜົນປະໂຫຍດຕົວຈິງມາສູ່ປະເທດສະມາຊິກ ກໍ່ຄືພາກພື້ນແມ່ນ້ຳຂອງ ເຖິງວ່າຈະໄດ້ຮັບຜົນກະທົບຈາກການແຜ່ລະບາດຂອງເຊື້ອພະຍາດ ໂຄວິດ-19 ໃນຊຸມປີຜ່ານມາກໍ່ຕາມ. ກອງປະຊຸມໄດ້ສະແດງຄວາມຊົມເຊີຍຕໍ່ ສປ ຈີນ ທີ່ໄດ້ປະກອບສ່ວນທຶນ 300 ລ້ານໂດລາສະ ຫະລັດ ເຂົ້າໃນກອງທຶນພິເສດແມ່ນໍ້າຂອງ-ແມ່ນໍ້າລ້ານຊ້າງ ນັບແຕ່ປີ 2017 ເປັນຕົ້ນມາ ເຊິ່ງກອງທຶນດັ່ງກ່າວໄດ້ປະກອບສ່ວນສໍາຄັນເຂົ້າໃນບັນດາໂຄງການເພື່ອການພັດທະນາເສດຖະກິດ-ສັງຄົມ ຢູ່ພາກພື້ນແມ່ນໍ້າຂອງ. ມາຮອດປັດຈຸບັນ ມີຫລາຍກ່ວາ 600 ໂຄງການລວມເປັນມູນຄ່າທັງຫມົດ 80 ລ້ານກ່ວາໂດລາສະຫະລັດ ທີ່ໄດ້ຮັບການສະຫນັບສະຫນູນຈາກກອງທຶນພິເສດດັ່ງກ່າວ, ໃນນັ້ນ ສປປ ລາວ ເຮົາໄດ້ຮັບ 68 ໂຄງການ ຄິດເປັນມູນຄ່າລວມ 18 ລ້ານກ່ວາໂດລາສະຫະລັດ. ພ້ອມດຽວກັນນັ້ນ, ບັນດາປະເທດສະມາຊິກ MLC ຍັງໄດ້ສະແດງຄວາມຂອບໃຈຕໍ່ການຊ່ວຍເຫຼືອຂອງ ສປ ຈີນ ຕໍ່ບັນດາປະເທດສະມາຊິກໃນໄລຍະທີ່ມີ ການແຜ່ລະບາດຂອງພະຍາດໂຄວິດ-19 ເປັນຕົ້ນແມ່ນການສະໜອງວັກຊີນ, ການຊ່ວຍເຫຼືອເຕັກນິກການແພດ, ການຈັດສົ່ງ/ແລກປ່ຽນຊ່ຽວຊານແພດ ແລະ ອື່ນໆ.

ກອງປະຊຸມ ໄດ້ຮັບຮອງເອົາເອກະສານສຳຄັນ ຈຳນວນ 5 ສະບັບ ຄື: ຖະແຫຼງຂ່າວຮ່ວມ ກອງປະຊຸມລັດຖະມົນຕີຕ່າງປະເທດ ຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ ຄັ້ງທີ7;ຖະແຫຼງການວ່າດ້ວຍ “ການຮ່ວມມືຮັບປະກັນດ້ານສະບຽງອາຫານແມ່ນໍ້າຂອງ-ແມ່ນໍ້າລ້ານຊ້າງ”;ຖະແຫຼງການວ່າດ້ວຍ “ການຄຸ້ມຄອງ ແລະ ບໍລິຫານດ້ານໄພພິບັດ”;ຖະແຫຼງການວ່າດ້ວຍ “ລົງເລິກການແລກປ່ຽນ ແລະ ຄວາມເຂົ້າໃຈເຊິ່ງກັນ ແລະ ກັນ ເພື່ອຄວາມຈະເລີນຮຸ່ງເຮືອງໃນປະເທດແມ່ນໍ້າຂອງ-ແມ່ນໍ້າລ້ານຊ້າງ”;ຖະແຫຼງການວ່າດ້ວຍ “ລົງເລິກການຮ່ວມມືດ້ານພາສີ ເພື່ອຮັບປະກັນສະຖຽນລະພາບດ້ານການຄ້າ ແລະ ອໍານວຍຄວາມສະດວກໃນການຊໍາລະສະສາງ ພາຍໃຕ້ຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ” ເພື່ອເປັນພື້ນຖານໃຫ້ແກ່ການຮ່ວມມືໃນຕໍ່ໜ້າ ເພື່ອຮັບປະກັນສະຖຽນລະພາບ ແລະ ການພັດທະນາຮອບດ້ານ ແລະ ຍືນຍົງ.

ທ່ານ ສະເຫລີມໄຊ ກົມມະສິດ, ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ຕີລາຄາສູງຕໍ່ໝາກຜົນຂອງການຮ່ວມມືພາຍໃຕ້ຂອບການຮ່ວມມື MLC ເຊິ່ງຕະຫຼອດໄລຍະ 6 ປີຜ່ານມາ ສປ ຈີນ ໄດ້ປະກອບສ່ວນຢ່າງຕັ້ງໜ້າເຂົ້າໃນການພັດທະນາເສດຖະກິດ-ສັງຄົມ ໃນພາກພື້ນແມ່ນໍ້າຂອງ ເວົ້າລວມ, ເວົ້າສະເພາະ ກໍ່ຄືການປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ຂອງ ສປປ ລາວ ເປັນຕົ້ນແມ່ນການກໍສ້າງພື້ນຖານໂຄງລ່າງທາງດ່ວນວຽງຈັນ-ບໍ່ເຕັນ ທີ່ໄດ້ສຳເລັດ ໄລຍະທີ 1 ແລະ ກຳລັງດຳເນີນການກໍ່ສ້າງ ໄລຍະທີ 2 ແລະ ການເປີດນຳໃຊ້ເສັ້ນທາງລົດໄຟລາວ-ຈີນ ໃນປີ 2021 ຜ່ານມາ ເຊິ່ງໄດ້ຊ່ວຍຊຸກຍູ້ນະໂຍບາຍການຫັນຈາກປະເທດບໍ່ມີທາງອອກສູ່ທະເລ ໄປສູ່ການເປັນປະເທດເຊື່ອມຈອດພາກພື້ນ ແລະ ອະນຸພາກພື້ນ ໃຫ້ປະກົດຜົນເປັນຈິ່ງຫຼາຍຂຶ້ນ, ພ້ອມທັງ, ໄດ້ສະເໜີບາງທິດທາງການຮ່ວມມືໃນຕໍ່ໜ້າ ໂດຍສະເພາະ ການຟື້ນຟູເສດຖະກິດ-ສັງຄົມ ໂດຍສະເພາະ ການນໍາໃຊ້ເຕັກໂນໂລຊີທີທັນສະໄໝເຂົ້າໃນຂະແໜງການຄ້າລະຫວ່າງຊາຍແດນ, ການຜະລິດສິນຄ້າທີ່ມີຄຸນນະພາບສູງ, ການເພີ່ມທະວີການຜະລິດກະສິກໍາເພື່ອຮັບປະກັນຄວາມໝັ້ນຄົງດ້ານສະບຽນອາຫານ ແລະ ການຂະຫຍາຍການຊ່ວຍເຫຼືອລົງສູ່ທ້ອງຖິ່ນ. ພ້ອມດຽວກັນນີ້, ທ່ານ ຮອງນາຍົກລັດຖະມົນຕີ, ລັດຖະມົນຕີ ກະຊວງການຕ່າງປະເທດ ແຫ່ງ ສປປ ລາວ ກໍໄດ້ສະແດງຄວາມຊົມເຊີຍຕໍ່ປະເທດປະທານຮ່ວມ ສະຫະພາບມຽນມາ ແລະ ສປ ຈີນ ຕໍ່ຜົນສໍາເລັດຂອງການຈັດກອງປະຊຸມຄັ້ງນີ້.

ໃນໂອກາດດຽວກັນນີ້, ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ຍັງໄດ້ພົບປະສອງຝ່າຍ ກັບ ລັດຖະມົນຕີຕ່າງປະເທດ ສສ. ຫວຽດນາມ, ຣາຊະອານາຈັກ ກຳປູເຈຍ, ສປ ຈີນ ແລະ ໄທ. ສອງຝ່າຍໄດ້ປຶກສາຫາລື ແລະ ແລກປ່ຽນຄຳຄິດເຫັນ ກ່ຽວກັບການຮ່ວມມືດ້ານເສດຖະກິດ-ການຄ້າ, ການລົງທຶນ ໃນຂະແໜງການຕ່າງໆ, ການໄປມາຫາສູ່ຂອງປະຊາຊົນ, ການເປີດປະເທດ ພາຍຫລັງການແຜ່ລະບາດຂອງພະຍາດໂຄວິດ 19, ໂດຍສະເພາະການປຶກສາຫາລືກ່ຽວກັບການແກ້ໄຂບັນຫາເສດຖະກິດ ໃນປັດຈຸບັນ ທີ່ໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ 19 ແລະ ສະພາບການຂອງໂລກ ທີ່ພວມພະເຊີນໜ້າກັບສິ່ງທ້າທາຍຫລາຍຢ່າງ ເປັນຕົ້ນແມ່ນການແກ້ໄຂວິກິດດ້ານພະລັງງານ ແລະ ອື່ນໆ.

ໃນໂອກາດດັ່ງກ່າວນີ້, ລັດຖະມົນຕີຕ່າງປະເທດທັງ 4 ທ່ານ ໄດ້ສະແດງຄວາມຊົມເຊີຍຕໍ່ ທ່ານ ສະເຫລີມໄຊ ກົມມະສິດ ໃນໂອກາດທີ່ໄດ້ຮັບການແຕ່ງຕັ້ງເປັນຮອງນາຍົກລັດຖະມົນຕີ ແຫ່ງ ສປປ ລາວ.

ໃນໂອກາດພົບປະສອງຝ່າຍ ກັບຄະນະຜູ້ແທນຈາກ ສສ ຫວຽດນາມ ສອງຝ່າຍ ໄດ້ແລກປ່ຽນກ່ຽວກັບການກະກຽມສະເຫລີມສະຫລອງ 2 ວັນປະຫວັດສາດ ລາວ-ຫວຽດນາມ ແລະ ການຮ່ວມມືແກ້ໄຂດ້ານເສດຖະກິດ ແລະ ພະລັງງານ.

ພິເສດ ໃນໂອກາດພົບປະກັບສະຫາຍ ຫວັງ ອີ້, ທີ່ປຶກສາແຫ່ງລັດ, ລັດຖະມົນຕີກະຊວງການຕ່າງປະເທດ ແຫ່ງ ສປ ຈີນ, ສອງຝ່າຍ ໄດ້ມີການແລກປ່ຽນກ່ຽວກັບຂໍ້ລິເລີ່ມ ຂອງຝ່າຍ ຈີນ ກ່ຽວກັບແລວທາງເສດຖະກິດ ຈີນ-ລາວ-ໄທ ໂດຍ ນຳໃຊ້ເສັ້ນທາງລົດໄຟລາວຈີນ, ແລວເສດຖະກິດລາວ-ຈີນ ເພື່ອເປັນກົນໄກຊຸກຍູ້ການຮ່ວມມືໃນຂໍ້ລິເລີ່ມດັ່ງກ່າວ. ສອງຝ່າຍ ຍັງໄດ້ແລກປ່ຽນຄວາມຄິດເຫັນກ່ຽວກັບສະພາບການຂອງພາກພື້ນ ແລະ ສາກົນ. ໃນວາລະສຸດທ້າຍຂອງການພົບປະ ໄດ້ມີການແລກປ່ຽນເອກະສານການຊ່ວຍເຫລືອ ສປປ ລາວ ໃນການສ້າງໂຮງຮຽນວິຊາຊີບ ແລະ ໂຮງຮຽນມັດທະຍົມ 5 ແຫ່ງ. ນອກຈາກນັ້ນ, ຝ່າຍລາວ ຍັງໄດ້ເຊື້ອເຊີນສະຫາຍ ຫວັງ ອີ້ ມາຢ້ຽມຢາມ ສປປ ລາວ ໃນໄວໆນີ້.

 

04th Jul2022

ສະມາຊິກສະພາແຫ່ງຊາດໄດ້ຄົ້ນຄວ້າພິຈາລະນາ ແລະ ປະກອບຄໍາເຫັນໃສ່ຮ່າງກົດໝາຍວ່າດ້ວຍວິຈິດສິນ.

by somda phoneor

ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ 9 ໃນວັນທີ 4 ກໍລະກົດ 2022ນີ້, ທີ່ຫໍສະພາແຫ່ງຊາດ ນະຄອນຫລວງວຽງຈັນ ສະມາຊິກສະພາແຫ່ງຊາດໄດ້ຄົ້ນຄວ້າ ພິຈາລະນາ ແລະ ປະກອບຄໍາເຫັນໃສ່ຮ່າງກົດໝາຍວ່າດ້ວຍວິຈິດສິນ ຊື່ງເປັນກົດໝາຍສ້າງຂື້ນໃໝ່ທີ່ສະເໜີໂດຍ ທ່ານ ວັນສີ ກົວມົວ ຮອງລັດຖະມົນຕີກະຊວງຖະແຫລງຂ່າວ ວັດທະນາທຳ ແລະທ່ອງທ່ຽວ ໂດຍທ່ານຍົກໃຫ້ເຫັນເຫດຜົນ ແລະ ຄວາມຈໍາເປັນໃນການສ້າງຮ່າງກົດໝາຍສະບັບນີ້ ພາຍຫລັງຈັດຕັ້ງປະຕິບັດດຳລັດວ່າດ້ວຍວິຈິດສິນໃນໄລຍະ 6 ປີຜ່ານມາ ຊື່ງເປັນບ່ອນອີງດ້ານນິຕິກຳໃນການເຄື່ອນໄຫວຄຸ້ມຄອງ, ກວດກາ ແລະສົ່ງເສີມວຽກງານວິຈິດສິນ ແຕ່ຜ່ານການຈັດຕັ້ງປະຕິບັດເຫັນວ່າດຳລັດດັ່ງກ່າວຍັງມີຂອບເຂດການນໍາໃຊ້ທີ່ຈໍາກັດ, ເນື້ອໃນບໍ່ທັນລະອຽດຈະແຈ້ງເທົ່າທີ່ຄວນ, ການຄຸ້ມຄອງ, ພັດທະນາ, ປະດິດສ້າງວຽກງານວິຈິດສິນບໍ່ທັນໂດດເດັ່ນ ແລະ ບັນຫາອື່ນໆ

(more…)

04th Jul2022

ທ່ານນາຍົກລັດຖະມົນຕີ ພົບປະໂອ້ລົມການນຳຫຼັກແຫຼ່ງເມືອງລ້ອງແຈ້ງ.

by somda phoneor

ທ່ານ ພັນຄຳ ວິພາວັນ ນາຍົກລັດຖະມົນຕີ ພ້ອມດ້ວຍຄະນະ ຈາກບັນດາກະຊວງ -ອົງການທີ່ກ່ຽວຂ້ອງ ໄດ້ເຄື່ອນໄຫວຢ້ຽມຢາມ ແລະ ພົບປະໂອ້ລົມການນຳຫຼັກແຫຼ່ງເມືອງລ້ອງແຈ້ງ, ແຂວງໄຊສົມບູນ ໃນວັນທີ 1 ກໍລະກົດ 2022 ນີ້, ໂດຍການຕ້ອນຮັບ ແລະ ເຂົ້າຮ່ວມຮັບຟັງການພົບປະໂອ້ລົມ ມີທ່ານ ພອຍຄຳ ຮຸ່ງບຸນຍວງ ເຈົ້າແຂວງໄຊສົມບູນ ພ້ອມດ້ວຍຄະນະນຳຂອງແຂວງ, ການນຳ-ພະນັກງານຫຼັກແຫຼ່ງ ເມືອງລ້ອງແຈ້ງ ແລະ ພາກທຸລະກິດ ທີ່ມີສ່ວນຮ່ວມໃນການພັດທະນາແຂວງໄຊສົມບູນ ຈຳນວນໜຶ່ງ.

(more…)

01st Jul2022

ສະພາແຫ່ງຊາດພິຈາລະນາກົດໝາຍວ່າດ້ວຍຊັບສິນຂອງລັດ

by somda phoneor

ໃນການດຳເນີນກອງປະຊຸມສະໄໝສາມັນເທື່ອທີ3 ຂອງສະພາແຫ່ງຊາດຊຸດທີ IX. ໃນວັນທີ 1 ກໍລະກົດນີ້ ໂດຍການເປັນປະທານຂອງ ທ່ານ ນາງ ສູນທອນ ໄຊຍະຈັກ ຮອງປະທານສະພາແຫ່ຊາດ, ໃນກອງປະຊຸມໄດ້ພິຈາລະນາ ກົດໝາຍວ່າດ້ວຍ ຊັບສິນຂອງລັດ ສະບັບປັບປຸງ ສະເໜີໂດຍ ທ່ານ ບຸນໂຈມ ອຸບົນປະເສີດ ລັດຖະມົນຕີ ກະຊວງການເງິນ ທ່ານໄດ້ຍົກໃຫ້ເຫັນ

(more…)

01st Jul2022

ລັດຖະບານຈະຖອດຖອນບັດຮຽນໃນໄລຍະຜ່ານມາເພື່ອແນໃສ່ປັບປຸງ ໂຄງສ້າງການນຳເຂົ້າສິນຄ້າປະເພດຕ່າງໆ

by Peaung Thanonkeo

ລັດຖະບານຈະຖອດຖອນບົດຮຽນ ໃນໄລຍະຜ່ານມາແນໃສ່ປັບປຸງໂຄງສ້າງ ການນຳເຂົ້າສິນຄ້າປະເພດຕ່າງໆ ເພື່ອລຸດຜ່ອນການໄຫຼອອກຂອງເງີນຕາ ຕ່າງປະເທດ ເພາະເຫັນວ່າການຄວບຄຸມ ໃນດ້ານນີ້ຂອງລັດຖະບານ ໃນໄລຍະຜ່ານມາບໍ່ທັນໄດ້ດີເທົ່າທີ່ຄວນ ຕໍ່ບັນຫານີ້ ທ່ານ ພັນຄຳວິພາວັນ ນາຍົກລັດຖະມົນຕີ ໄດ້ຊີ້ແຈ້ງໃນກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ 9 ໃນວັນທີ 23 ມີຖຸນາ 2022 ທີ່ຜ່ານມານີ້ວ່າ: (more…)

01st Jul2022

ປະທານສະພາແຫ່ງຊາດ ອ່ານຄຳອວຍພອນວັນສ້າງຕັ້ງສະຫະພັນ ລັດຖະສະພາສາກົນ

by Peaung Thanonkeo

ເນື່ອງໃນໂອກາດວັນສ້າງຕັ້ງ ສະຫະພັນລະຖະສະພາສາກົນ ວັນທີ 30 ມີຖຸນາ ຄົບຮອບ 133 ປີ ທີ່ໝູນວຽນມາບັນຈົບຄົບຮອບ 133 ປີ ທ່ານ ໄຊສົມພອນ ພົມວິຫານ ກຳມະການກົມການເມືອງສູນກາງພັກ ປະທານສະພາແຫ່ງຊາດ ແລະ ໃນນາມປະທານຄະນະສະຫະພັນ ລັດຖະສະພາສາກົນ ຂອງສະພາແຫ່ງຊາດ ແຫ່ງສາທາລະນະລັດ ປະຊາທິປະໄຕ ປະຊາຊົນລາວ ໄດ້ອ່ານຄຳອວຍພອນ ແລະ ຊົມເຊີຍຕໍ່ວັນສ້າງຕັ້ງສຳຄັນດັ່ງກ່າວ ໃນກອງປະຊຸມສະໄໝສາມັນເທື່ອທີ່ 3 ຂອງສະພາແຫ່ງຊາດຊຸດທີ 9 ໄດ້ມີຄຳເຫັນວ່າ:

 

30th Jun2022

ສູນກາງພັກກອມມູນິດຈີນ ມອບລົດກວດສຸຂະພາບເຄື່ອນທີ່ ໃຫ້ສູນກາງພັກປະຊາຊົນປະຕິວັດລາວ.

by somchan

ໃນວັນທີ 29 ມິຖຸນາ ນີ້ ທີ່ ຄະນະພົວພັນຕ່າງປະເທດສູນກາງພັກ ໄດ້ມີພິທີ ມອບ-ຮັບ ລົດກວດສຸຂະພາບເຄື່ອນທີ່ ທີ່ສູນກາງພັກກອມມູນິດຈີນ ມອບໃຫ້ ສູນກາງພັກປະຊາຊົນປະຕິວັດລາວ ເພື່ອໝູນໃຊ້ເຂົ້າໃນວຽກງານສາທາລະນະສຸກ ຢູ່ ສປປ ລາວ. (more…)

Pages:1234567...139»