ເມື່ອບໍ່ດົນມານີ້ເຈົ້າໜ້າທີ່ຕໍາຫຼວດ ປກສ ກຸ່ມ VI ໄຮຄໍາ ແລະ ເຈົ້າໜ້າທີ່ຕໍາຫຼວດໜ່ວຍງານທາງລົດໄຟໄດ້ສົມທົບກັບອໍານາດການປົກບ້ານນາຄວາຍໃຕ້ ເມືອງ ໄຊເສດຖາ ນະຄອນຫຼວງວຽງຈັນ ລົງແກ້ໄຂມ້າງກຸ່ມແກ້ງລັກເຫຼັກລາງລົດໄຟ,ຢູ່ເຂດບ້ານນາຄວາຍໃຕ້,ເມືອງ ໄຊເສດຖາ, ນະຄອນຫຼວງວຽງຈັນ, (more…)
ໃນວັນທີ 1 ກໍລະກົດ 2022 ຜ່ານມານີ້ ແຂວງວຽງຈັນ ໄດ້ຈັດພິທີສະເຫຼີມສະຫຼອງວັນສາກົນຕ້ານຢາເສບຕິດ ຄົບຮອບ 35 ປີ (26 ມີຖຸນາ 1987 ຫາ 26 ມີຖຸນາ 2022) ແລະ ຈັດພິທີຈູດທຳລາຍຢາເສບຕິດຂື້ນ, ໂດຍພາຍໃຕ້ການເປັນປະທານຂອງທ່ານ ຄໍາພັນ ສິດທີດໍາພາ ເຈົ້າແຂວງ ປະທານປ້ອງກັນຊາດ-ປ້ອງກັນຄວາມສະຫງົບແຂວງວຽງຈັນ ມີການນຳພັກ-ລັດ, ພະແນກການ, ອົງການ, ກົມກອງ ຂັ້ນແຂວງ, ຂັ້ນເມືອງ, ພ້ອມດ້ວຍນັກສຶກສາຂອງວິທະຍາໄລເຕັກນິກແຂວງວຽງຈັນເຂົ້າຮ່ວມ.
ກຳລັງວິຊາສະເພາະ ປກສ ເມືອງຈັນທະບູລີ ເຂົ້າຈັບຕົວກຸ່ມຜູ້ຄ້າຂາຍຢາເສບຕິດກ່ອນ 1 ຄົນ ແລ້ວນຳໄປສອບສວນຜູ້ກ່ຽວໄດ້ຊັດທອດເຖິງຜູ້ຮ່ວມຂະບວນການ 3 ຄົນ, ເຈົ້າໜ້າທີ່ຈິ່ງໄດ້ເລັ່ງຕິດຕາມຊອກຄົ້ນຈັບກຸມ ແລະ ກວດຄົ້ນເຄຫະສະຖານ ພົບເຫັນຂອງຢາບ້າ 299 ມັດ ແລະ 04 ຖົງນ້ອຍ ຫລື 598,690 ເມັດ ແລະ ສິ່ງເສບຕິດທີ່ຜິດກົດໝາຍອີກຫຼາຍລາຍການ ຈິ່ງໄດ້ນຳຕົວພວກກ່ຽວມາດໍາເນີນຄະດີ
ພັທ ບຸນມີ ກັນຕິຍະວົງ ຮອງຫົວໜ້າກອງບັນຊາການ ປກສ ເມືອງນາຊາຍທອງ ນະຄອນຫຼວງວຽງຈັນ ໃຫ້ຮູ້ວ່າ: ວັນທີ 27 ມິຖຸນາ 2022, ໄດ້ຮັບແຈ້ງຈາກບ້ານຜາງແຫ້ງວ່າ ໄດ້ພົບເຫັນຊາກສົບຄົນຢູ່ໜອງນໍ້າ ເຂດບ້ານຜາງແຫ້ງ ຈິ່ງໄດ້ແຕ່ງຕັ້ງກຳລັງລົງກວດກາຊັນນະສູດສະ ຖານທີ່ເກີດເຫດ ພົບເຫັນຊາກສົບເປັນເພດຍິງ ແລະ ຊາບຊື່ໃນເວລາຕໍ່ມາ ຊື່ ນາງ ຄໍາຫວານ ອາຍຸ 55 ປີ ພັກເຊົາຢູ່ບ້ານຜາງແຫ້ງ ເມືອງນາຊາຍທອງ.
ພັທ ເກດສະໜາ ພີຈິດ ຫົວຫນ້າພະແນກຕໍາຫຼວດ ກອງບັນຊາການ ປກສ ເມືອງຫາດຊາຍຟອງ ນະຄອນຫຼວງວຽງຈັນ ໃຫ້ຮູ້ວ່າ: ກ່ອນຫນ້ານີ້ ເຈົ້າຫນ້າທີ່ວິຊາສະເພາະ ກອງບັນຊາການ ປກສ ເມືອງຫາດຊາຍຟອງ ຈັບເປົ້າໝາຍຄ້າຂາຍຢາເສບຕິດໄດ້ 3 ກຸ່ມໃຫ່ຍ, ໃນນັ້ນ, ຜູ້ຖືກຫາ ໄດ້ໃຫ້ການຊັດຖອດ ຫາຜູ້ມີສ່ວນພົວພັນເຄືອຂ່າຍ ຊື່ ນາງ ວິໄລພອນ ຫຼື ຈັນ ອາຍຸ 33 ປີ ຢູ່ ບ້ານທົ່ງຂັນຄໍາ ເມືອງຈັນທະບູລີ ນະຄອນຫຼວງວຽງຈັນ, ເຈົ້າຫນ້າທີ່ຈຶ່ງໄດ້ຕິດຕາມ ມາຮອດວັນທີ 26 ມີຖຸນາ 2012 ສາມາດຈັບຕົວ ນາງ ວິໄລພອນ ໄດ້ພ້ອມຢາບ້າ 21 ມັດ ຫຼື 42.000 ເມັດ, ໂທລະສັບມືຖື 1 ຫນ່ວຍ, ເງີນ 300.000 ກີບ ແລະ ເງິນໂດລາ 100 ໂດລາ.
ພັທ ບຸນເພັງ ວໍລະລາດ ຮອງຫົວໜ້າ ກອງບັນຊາການ ປກສ ເມືອງສີໂຄດຕະບອງ ນະຄອນຫຼວງວຽງຈັນ ໃຫ້ຮູ້ວ່າ:ໃນວັນທີ 11 ມິຖຸນາ 2022 ປກສ ເມືອງສີໂຄດຕະບອງ ນະຄອນຫຼວງວຽງຈັນໄດ້ຮັບແຈ້ງມີເຫດການລັກຊັບພົນລະເມືອງ (ລົດຈັກ) ຢູ່ໂຮງແຮມດາວຄໍາ ຈິ່ງໄດ້ສົມທົບກັບ ປກສ ກຸ່ມໜອງດ້ວງ ລົງເກັບກໍາຂໍ້ມູນ ຫຼັກຖານ ຈິ່ງຮູ້ຕົວຜູ້ກະທຳຜິດສາມາດຈັບຕົວຕ້ອງາໄດ້ ຢູ່ຫ້ອງແຖວ ເຂດບ້ານໜອງດ້ວງເໜືອ ເມືອງສີໂຄດຕະບອງ ຊື່ ທ້າວ ກົບນ້ອຍ ອາຍຸ 32 ປີ ບ້ານພູໝອກ ນະຄອນຫຼວງພະບາງ ແຂວງຫຼວງພະບາງ ພັກເຊົາຢູ່ບ້ານ ໜອງດ້ວງເໜືອ ເມືອງສີໂຄດຕະບອງ ກວດຄົ້ນພົບເຫັນລົດຈັກ ຊູໂມ້ເອັກ ໝາຍເລກທະບຽນ ຕກ 5264 ກໍາແພງນະຄອນ ທີ່ຜູ້ກ່ຽວລັກມາຈາກໂຮງແຮມດາວຄໍາ, ປືນສັ້ນ 9 mm 1 ກະບອກ, ປືນຫັນລີ 1 ກະບອກ, ປືນ GLOCK 19 ສີດໍາ 1 ກະບອກ, ລູກປືນ 8 ລູກ ແລະ 1 ກັບ, ຜົງສີຂາວ 1 ຖົງນ້ອຍ, ໂທລະສັບ 4 ໜ່ວຍ ແລະ ເງິນຈຳນວນໜຶ່ງ.
ໃນຕອນເຊົ້າຂອງວັນທີ 29 ມິຖຸນາ 2022 ໄດ້ມີຜູ້ໃຊ້ເຟສບຸກຄົນໜຶ່ງ ເຜີຍແຜ່ກ່ຽວກັບການເຄື່ອນໄຫວແລກປ່ຽນເງິນຕາຜິດກົດໝາຍຂອງ ທ້າວ ເດຊາ ອາຍຸ 29 ປີ ຢູ່ບ້ານສີສັງວອນ ເມືອງໄຊເສດຖາ ນະຄອນຫຼວງວຽງຈັນ ເຊິ່ງຜູ້ກ່ຽວໄດ້ກ່າວຜ່ານວິດີໂອວ່າເຈົ້າໜ້າທີ່ມີການສຶກສາອົບຮົມ ທ້າວ ເດຊາ ກ່ຽວກັບການເຄື່ອນໄຫວແລກປ່ຽນເງິນຕາຜິດກົດໝາຍ ເຖິງ 2 ຄັ້ງ ແລ້ວປ່ອຍຕົວ.
ພັທ ສຸລີວັນ ແກ້ວມະນີວົງ ຮອງຫົວຫນ້າກອງບັນຊາການ ປກສ ເມືອງໄຊທານີ ນະຄອນຫຼວງວຽງຈັນ ຜູ້ຊີ້ນຳວຽກງານຕຳຫລວດ ໄດ້ໃຫ້ສຳພາດວ່າ: ໃນເດືອນມີຖຸນາ 2022 ນີ້ສາມາດກັກຕົວຕ້ອງຫາຄະດີສໍ້ໂກງຊັບພົນລະເມືອງໄດ້ 3 ຄົນຄື: ນາງຄູນສະຫວັນ ອາຍຸ 31 ປີປະຈຸບັນຢູ່ບ້ານຫນອງພະຍາ ເມືອງໄຊທານີ ນະຄອນຫລວງວຽງຈັນ, ທ້າວທັນວາ ອາຍຸ 27 ປີ ຢູ່ບ້ານໂນນສະອາດ ເມືອງໄຊທານີ ແລະ ທ້າວຕູ່ຢ່າງ ອາຍຸ 21 ປີ ຢູ່ບ້ານດົງໂດກ ຜົນເສຍຫາຍ 500 ລ້ານກວ່າກີບ ໂດຍພວກກ່ຽວໄດ້ມີການເຄື່ອນໄຫວເຮັດເປັນກຸ່ມຄໍເຊັນເຕີ ແລະ ໂພສຮັບສະໝັກວຽກຜ່ານທາງເຟສບຸກໂດຍໃຫ້ເງິນ ເດືອນລະ 4 – 5 ລ້ານກີບ ແລະ ເປັນການເຮັດວຽກທາງອອນລາຍ ເມື່ອມີຜູ້ຫຼົງເຊື່ອສະໝັກວຽກ ກໍ່ຈະໃຫ້ສົ່ງຮູບພາບບັດປະຈໍາຕົວ, ສໍາມະໂນຄົວ ແລະ ເລກບັນຊີທະນາຄານ ຫຼື ຄິວອາໂຄສ ໃຫ້ກຸ່ມຄໍເຊັນເຕີ້ ໂດຍອ້າງວ່າຈະນຳໃຊ້ເອກະສານເຫຼົ່ານີ້ ເພື່ອຢັ້ງຢືນສະໝັກວຽກ ໂດຍການຕິດຕໍ່ແມ່ນເບີວັອດ ໂດຍອ້າງວ່າຜູ້ກ່ຽວຊື່ນາງດາ. ນອກຈາກນີ້ ພວກກ່ຽວຍັງໄດ້ໂພສຮັບແລກປ່ຽນເງິນຕາ ຫຼື ຕ້ອງການແລກປ່ຽນເງິນຕາ ທາງເຟສບຸກເພຈ “ຮ້ານແລກປ່ຽນເງິນຕາ ເງິນດ່ວນ CSN” ແລະ ເພຈອື່ນໆ ເພື່ອຫາລູກຄ້າ ເມື່ອມີຄົນຕິດຕໍ່ຫາເພື່ອແລກປ່ຽນເງິນຕາແລ້ວກໍ່ຈະໃຫ້ຜູ້ທີ່ສະໝັກວຽກທາງອອນລາຍ ຕ່າງໜ້າໄປ ພົບກັບລູກຄ້າ ໂດຍຈະມີການນັດ ແລະ ໃຫ້ບອກກັບລູກຄ້າວ່າ ນາງດາ ແລະ ພວກກ່ຽວ ເປັນພີ່ນ້ອງກັນ ແລະ ສະເໜີ ເງິນຄ່າຕອບແທນ ໂດຍລາຍລະອຽດທ່ານກ່າວວ່າ:
ພັທ ພອນໄຊ ທໍ່ຈົງເລຍຈື່ ຫົວໜ້າ ປກສ ກຸ່ມບ້ານຊ້າງ ເມືອງໄຊທານີ ນະຄອນຫຼວງວຽງຈັນ ໄດ້ຮຽກເອົາ ກຸ່ມມົ້ວສຸມຢາເສບຕິດ ຢູ່ບ້ານຫົວນາ ເມືອງໄຊທານີ 8 ຄົນ ມາສຶກສາອົບຮົມ ໃຫ້ປ່ຽນພຶດຕິກຳການເຄື່ອນໄຫວທີ່ຜິດຕໍ່ລະບຽບກົດໝາຍ ສໍາລັບກຸ່ມມົ້ວສຸມຢາເສບຕິດຈຳນວນດັ່ງກ່າວແມ່ນບໍ່ມີວຽກເຮັດ (more…)
ຕົ້ນເດືອນມີຖຸນາ 2022 ນີ້ ເຈົ້າໜ້າທີ່ກອງບັນຊາການ ປກສ ເມືອງຄູນຄຳ ແຂວງ ຄຳມ່ວນ ໄດ້ຈັບ ທ້າວ ຊ໋ອດກີ້ ວົງຄູນຄໍາ ອາຍຸ 27 ປີ, ຢູ່ບ້ານທົ່ງຈະເລີນ ເມືອງຄຳເກີດ ແຂວງບໍລິຄຳໄຊ ໃນຄະນະທີ່ຜູ້ກ່ຽວພວມຂົນກັນຊາແຫ້ງ ຫນັກ ເກືອບ 500 ກິໂລກຼາມ ໃສ່ລົດວິໂກ້ ຜ່ານດ່ານເຈົ້າຫນ້າທີ່ ຢູ່ ປ້ອມສາມແຍກກອງລໍ ເມືອງຄູນຄຳ ແຂວງຄຳມ່ວນ. (more…)
