ຄອບຄົວບັນດາການນຳຂັ້ນສູງ, ອົງການຈັດຕັ້ງສະຫະພັນແມ່ຍິງ ຫ້ອງວ່າການສຳນັກງານ ນາຍົກລັດ ຖະມົນຕີ ນຳໂດຍທ່ານ ນາງ ວຽງເງິນ ໄຂຄຳພິທູນ ພັນລະຍາຂອງ ທ່ານ ກິແກ້ວ ໄຂຄຳພິທູນ ຮອງນາຍົກລັດຖະມົນຕີ ແລະ ອົງການປົກຄອງ ແຂວງສາລະວັນ ໄດ້ນຳເອົາເຄື່ອງ ອຸປະໂພກ-ບໍລິໂພກ ໄປຊ່ວຍເຫລືອ ປະຊາຊົນ ແລະ ນັກຮຽນທີ່ທຸກຍາກ-ດ້ອຍໂອກາດ ຢູ່ແຂວງສາລະວັນ ໃນວັນທີ 26 ພະຈິກ 2022 ໂດຍມີການນຳ ຂອງແຂວງ, ການນຳຂອງເມືອງ, ອົງການປົກຄອງບ້ານ, ປະຊາຊົນ, ຄູອາຈານ ແລະ ນັກຮຽນ ໃຫ້ການຕ້ອນຮັບ.
ບໍລິສັດເອັສທີສີຣິ ຈັດຫາງານຈຳກັດ ແຂວງອຸດົມໄຊ ໄດ້ຈັດສົ່ງແຮງງານລາວຈຳນວນ 98 ຄົນ ຊາຍ 17 ຄົນ. ໄປອອກແຮງງານຢູ່ຣາດຊະອານາຈັກໄທ ໃນວັນທີ 23 ພະຈິກ 2022 ທີ່ດ່ານສາກົນມິດຕະພາບລາວ-ໄທ 1 ນະຄອນຫຼວງວຽງຈັນ ໂດຍການໃຫ້ກຽດເຂົ້າຮ່ວມ ຈັດສົ່ງແຮງງານໃນຄັ້ງນີ້ ມີທ່ານ ຄຳພັນ ຊາມົນຕີ ປະທານບໍລິສັດ ເອັສທີສີຣ ຈັດຫາງານຈຳກັດ (more…)
ໃນວັນທີ 21 ພະຈິກ 2022, ທີ່ສໍານັກງານປົກຄອງ ນະຄອນຫຼວງວຽງຈັນ ໄດ້ເຜີຍແຜ່ກົດໝາຍ ວ່າດ້ວຍການປະຕິບັດຄໍາຕັດສິນຂອງສານ (ສະບັບປັບປຸງ); ເປັນກຽດເຂົ້າຮ່ວມຂອງທ່ານ ພູວົງ ວົງຄໍາຊາວ ຮອງເຈົ້າຄອງນະຄອນຫຼວງວຽງຈັນ, ທ່ານ ກອງສີ ສາຍສຸດທາ ຫົວໜ້າກົມຄຸ້ມຄອງການປະຕິບັດຄໍາຕັດສິນຂອງສານ ກະຊວງຍຸຕິທໍາ ມີບັນດາຫົວໜ້າພະແນກການ, ຫົວໜ້າອົງການທຽບເທົ່າ, ເຈົ້າເມືອງ 9 ເມືອງ, ຜູ້ອໍານວຍການທະນາຄານ ທຸລະກິດຂອງລັດ ແລະ ເອກະຊົນ ເຂົ້າຮ່ວມ. (more…)
ສູນກາງສະຫະພັນແມ່ຍີງລາວ ຈັດກອງປະຊຸມປຶກສາຫາລືປັບປຸງກົດໝາຍວ່າດ້ວຍການພັດທະນາ ແລະ ປົກປ້ອງແມ່ຍີງ ແລະ ກົດໝາຍວ່າດ້ວຍສະຫະພັນແມ່ຍີງລາວ,ວັນທີ 17 ພະຈິກ 2022ນີ້, ເພື່ອກະກຽມຜ່ານ ແລະ ຮັບຮອງໃນກອງປະຊຸມສະພາແຫ່ງຊາດໃນປີ 2024 ,ໂດຍການເປັນປະທານຂອງທ່ານ ນາງ ສິລິກິດ ບຸບຜາ ຮອງປະທານສູນກາງສະຫະພັນແມ່ຍີງລາວ,ມີຕາງໜ້າອົງການສະຫະປະຊາຊາດເພື່ອການພັດທະນາປະຈຳ ສປປລາວ,ປະທານສະຫະພັນແມ່ຍີງກະຊວງ-ອົງການ,ແຂວງ,ຄະນະຮັບຜິດຊອບປັບປຸງກົດໝາຍ ແລະ ພະນັກງານກ່ຽວຂ້ອງເຂົ້າຮ່ວມ. (more…)
ການແຂ່ງຂັນກິລາເປຕັງທົ່ວປະເທດຄັ້ງທີ10 ຊີງຂັນ ປະທານສະພາແຫ່ງຊາດ,ໄດ້ຈັດຂຶ້ນໃນວັນທີ 10 ພະຈິກ2022ນີ້,ທີ່ສະໜາມກິລາເປຕັງແຫ່ງຊາດ, ນະຄອນຫຼວງວຽງຈັນ,ພາຍໃຕ້ການເປັນປະທານຂອງ ທ່ານ ຄໍາໃບ ດໍາລັດ ຮອງປະທານສະພາແຫ່ງຊາດ, ທ່ານຄໍາຫຼ້າ ວິນໄລທອງ ຄະນະກໍາມະການໂອແລມປິກແຫ່ງຊາດລາວ, ປະທານສະຫະພັນເປຕັງອາຊຽນ, (more…)
ການຕີຄີ ແມ່ນກີລາພື້ນເມືອງ ເປັນກິດຈະກໍາ ໜຶ່ງທີ່ຈັດຂຶ້ນໃນຕອນບ່າຍມື້ສຸດທ້າຍຂອງບຸນ ນະມັດສະການ ພະທາດຫຼວງ ເພື່ອເຕົ້າໂຮມ ຄວາມສາມັກຄີລະຫວ່າງບ້ານຕໍ່ບ້ານ ແລະ ສ້າງ ຄວາມສາມັກຄີຮັກແພງລະ ຫວ່າງພະນັກງານ ກັບປະຊາຊົນທັງຍັງເປັນກິດຈະກຳທີ່ສາມາດດຶງ ດູດຄວາມສົນໃຈຂອງມວນຊົນທັງລາວ ແລະ ຕ່າງປະເທດ.
ໃນວັນທີ 8 ພະຈິກ 2022 ນີ້, ຢູ່ທີ່ເດີ່ນພະທາດຫຼວງນະຄອນຫຼວງວຽງຈັນ ໄດ້ມີພິທີໃສ່ບາດຖວາຍສັງຄະທານແດ່ພະສົງ-ສາມະເນນ ເນື່ອງໃນໂອກາດບຸນນະມັດສະການພະທາດຫຼວງວຽງຈັນ ປະຈຳປີ 2022 ໂດຍການເຂົ້າຮວ່ມຂອງທາ່ນ ທອງລຸນ ສີສຸລິດ ປະທານປະເທດແຫ່ງ ສປປ ລາວ ພ້ອມດ້ວຍທາ່ນ ພັນຄຳ ວິພາວັນ ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍການນຳພັກ-ລັດຂັ້ນສູນກາງ, ນະຄອນຫຼວງວຽງຈັນ,
ໃນວັນທີ 7 ພະຈິກ 2022 ນີ້ ໄດ້ຈັດຂະບວນແຫ່ຜາສາດເຜິ້ງໃນງານບຸນນະມັດສະການພະທາດຫຼວງວຽງຈັນ ປະຈໍາ ປີ 2022 ໂດຍມີພະສົງ, ສາມະເນນ, ການນໍາພັກ-ລັດ ແລະ ມວນຊົນຊາວ ນະ ຄອນຫຼວງເຂົ້າຮ່ວມຢ່າງເປັນຂະບວນຄຶກຄື້ນມ່ວນຊື່ນ.
ໃນວັນທີ 4 ພະຈິກ 2022. ງານເປີດບຸນນະມັດສະການພະທາດຫຼວງວຽງຈັນ ແລະ ງານວາງສະແດງສິນຄ້າ ໄດ້ເປີດຂຶ້ນຢ່າງເປັນທາງການໂດຍເປັນກຽດເຂົ້າຮ່ວມຂອງ ທ່ານ ພັນຄຳ ວິພາວັນ ນາຍົກລັດຖະມົນຕີ ແຫ່ງ ສປປລາວ, ມີ ບັນດາລັດຖະມົນຕີ, ຫົວໜ້າອົງການທຽບເທົ່າຂັ້ນສູນກາງ, ເຈົ້າຄອງນະຄອນຫຼວງວຽງຈັນ, ເອກອັກຄະລັດຖະທູດ, ອຸປະທູດ, ອົງການຈັດຕັ້ງສາກົນ, ນັກທຸລະກິດ, ຜູ້ປະກອບການ ແລະ ຊາວນະຄອນຫຼວງ, ມວນຊົນທັງພາຍໃນ ແລະ ຕ່າງປະເທດເຂົ້າຮ່ວມ.
ທ່ານ ພູວົງ ວົງຄຳຊາວ ຮອງເຈົ້າຄອງນະຄອນຫຼວງວຽງຈັນ ຫົວໜ້າຄະນະຈັດງານໄດ້ກ່າວວ່າ: ການຈັດງານບຸນນະມັດສະການພຣະທາດຫຼວງວຽງຈັນ ປະຈຳປີ 2022 ແມ່ນມີງານວາງສະແດງສິນຄ້າໄປນຳ ເຊິ່ງເລີ່ມຢ່າງເປັນທາງການ ແຕ່ວັນທີ 4 – ວັນທີ 8 ພະຈິກ
ເລີ່ມຕົ້ນການຄົບງັນ – ວັນທີ 6 ພະຈິກ 2022, ເວລາ 16:30 ໂມງ ມີສູດປະລິຕະມຸງຄຸນ ຢູ່ທີ່ເດີ່ນພະທາດຫຼວງ. ວັນທີ 7 ພະຈິກ 2022, ເວລາ 13 30 ໂມງ ມີພິທີແຫ່ຜາສາດເຜີ້ງ ແລະ ງານປະເພນີຕ່າງໆ
ວັນທີ 8 ພະຈິກ 2022 ເວລາ 7:00 ໂມງ ມີພິທີຕັກບາດ ຖວາຍສັງກະທານແດ່ພະສົງມາຈາກທົ່ວປະເທດ ແລະຕ່າງປະເທດ, ໃນວັນດຽວກັນນີ້ ເວລາ 13 : 00 ໂມງ ມີການແຂ່ງຂັນກິລາພື້ນບ້ານ (ຕີຄີ ). ເວລາ 19:30 ໂມງ ມີພິທີວຽນທຽນ ແລະ ຈຸດບັ້ງໄຟສັກກາລະບູຊາອົງພະທາດຫຼວງ ຄົບງັນຕາມຮີດຄອງປະເພນີ ທີ່ເຄີຍປະຕິບັດກັນມາ ( ເປັນມື້ປິດງານ). ແລະ ສໍາລັບງານວາງສະແດງສິນຄ້າ ແມ່ນຈະເປີດໃຫ້ມວນຊົນເຂົ້າທ່ຽວຊົມເລີ່ມແຕ່ເວລາ 8:00ໂມງ – 23:30 ໂມງ, ໃນງານແມ່ນມີ ສິນຄ້າໂອ້ດ໋ອບ, ສິນຄ້າຕອບຄົວຕົວແບບ, ສິນຄ້າອຸດສາຫະກໍາ, ກະສິກຳ ແລະ ບໍລິການ ເຊິ່ງນຳມາຈາກນະຄອນຫຼວງວຽງຈັນ, ຈາກ 16 ແຂວງທົ່ວປະເທດ, ຈາກນະຄອນ, ແຂວງມິດຕະພາບ ຄື: ນະຄອນຫຼວງຮ່າໂນ້ຍ ສສ ຫວຽດນາມ, ນະຄອນຄຸນໝິງ, ແຂວງຫູໜານ, ແຂວງຢຸນໜານ ສປ ຈີນ, ແຂວງໜອງຄາຍລາດຊະອານາຈັກໄທ ລວມທັງໝົດ 536 ຫ້ອງ; ມີການວາງສະແດງການທ່ອງ ທ່ຽວ, ເຂດທ່ອງທ່ຽວເຮືອນລາວ, ສະແດງນະວັດຕະກໍາໃໝ່ ທາງລົດໄຟຄວາມໄວສູງ ແລະ ສິນຄ້າທົ່ວໄປອື່ນໆ ຈາກພາຍໃນ ແລະ ຕ່າງປະເທດ 669 ຫ້ອງ. 
ນອກນັ້ນຍັງມີປະເພດອາຫານ ເຄື່ອງດື່ມ, ເຂົ້າຫຼາມ ປິ້ງໄກ່ ຢູ່ຂອບເຂດຮອບນອກ 146 ຫ້ອງ, ລວມທັງໝົດ 1.351 ຫ້ອງ, ໃນງານຍັງມີການສະແດງສິລະປະ-ວັນນະຄະດີຢູ່ເວທີກາງ ເຊີ່ງມີບົດຟ້ອນ ຂັບລຳຈາກກອງສິລະປະກອນສູນກາງ, ກອງສິລະປະກອນກອງທັບ, ໜ່ວຍສິລະປະກອນຈາກ 9 ເມືອງ ພາຍໃນນະຄອນຫຼວງວຽງຈັນ, ສູນວັດທະນະທຳເດັກ ແລະ ສະໂມສອນລ້ານຊ້າງ ມາເຂົ້າຮ່ວມສະແດງໃນແຕ່ລະວັນ ການຄົບງັນ ແລະທ່ຽວຊົມງານວາງສະແດງສິນຄ້າປີນີ້.
ນະຄອນຫຼວງວຽງຈັນ ຈະເອົາໃຈໃສ່ທີ່ສຸດ ໃນເລື່ອງການຮັກສາຄວາມສະຫງົບ, ຄວາມປອດໄພ, ວັດທະນະທຳ, ຮີດຄອງປະເພນີອັນດີງາມຂອງຊາດ, ການ ຮັກສາອະນາໄມ ປ້ອງກັນພະຍາດ, ລະບາຍການຈະລາຈອນແອອັດ, ມີບໍລິການລົດເມໂດຍສານຟຣີ ເຂົ້າສູ່ງານ ແລະ ອອກໄປຈາກງານ. ສິ່ງສຳຄັນ ແມ່ນຂໍໃຫ້ຊາວນະຄອນຫຼວງວຽງຈັນ ຊາວລາວທົ່ວປະເທດ ສານິກະຊົນ ແລະ ຜູ້ໃຈບຸນທັງຫຼາຍ ພ້ອມກັນມາຮ່ວມປົກປັກຮັກສາຜົນງານຄຸນງາມຄວາມດີຂອງບັນພະບຸລຸດພຣະສົງອົງຄະເຈົ້າຜູ້ນໍາພາປະພຶດປະຕິບັດຫຼັກທຳຄຳສອນຂອງພຣະສາດສະດາຈານ ພ້ອມກັນເຊີດຊູຮັກສາມໍລະດົກອັນລ້ຳຄ່າຂອງຊາດລາວໄວ້ໃຫ້ໝັ້ນຄົງຢືນຍົງຕະຫຼອດໄປ.
ໃນວັນທີ 3-4 ພະຈິກ 2022, ສະຖາບັນອຸດສາຫະກໍາ ແລະ ການຄ້າ, ກະຊວງອຸດສາຫະກໍາ ແລະ ການຄ້າ ໄດ້ຈັດກອງປະຊຸມກອງປະຊຸມເຜີຍແຜ່ວຽກງານຄົ້ນຄວ້າ ຫົວຂໍ້: “ການສ້າງຄວາມເຂັ້ມແຂງດ້ານການຄ້າອີ ເລັກໂຕຼນິກ ເພື່ອສົ່ງເສີມຮູບແບບການພົວພັນການຄ້າລະຫວ່າງທຸລະກິດ-ທຸລະກິດ ແລະ ທຸລະກິດກັບຜູ້ບໍລິໂພກ ພາຍໃຕ້ຂອບການຄ້າເສລີອາຊຽນ ແລະ ຮົງກົງ” (more…)
