22nd Jun2022

ການເສີມຂະຫຍາຍສາຍພົວພັນພິເສດ ແລະ ການຮ່ວມມືຮອບດ້ານ ຂອງກໍາລັງປ້ອງກັນຄວາມສະຫງົບປະຊາຊົນລາວ ແລະ ຫວຽດນາມ ນັບມື້ເຂົ້າສູ່ລວງເລິກ ແລະ ນໍາມາເຊິ່ງຜົນສໍາເລັດທີ່ມີປະສິດທິຜົນ.

by somchan

ສປປ ລາວ ແລະ ສສ ຫວຽດນາມ ແມ່ນສອງປະເທດ ແລະ ປະຊາຊົນລາວ ແລະ ຫວຽດນາມ ໄດ້ມີມູນເຊື້ອພົວພັນຮັກແພງ ສາມັກຄີຊ່ວຍເຫຼືອເຊິ່ງກັນ ແລະ ກັນ ດ້ວຍນໍໃຈບໍລິສຸດຜຸດຜ່ອງມາແຕ່ດົນນານ; ນອກນີ້ ປະຊາຊົນສອງຊາດ ລາວ-ຫວຽດນາມ ຍັງເຄີຍ ຕົກຢູ່ໃນຊະຕາກໍາດຽວກັນ ຄື: ຖືກຮຸກຮານ ແລະ ກົດຂີ່ຂູດຮີດ ຈາກພວກຈັກກະພັດລ່າເມືອງຂຶ້ນ; ຈງເດພອມກັນລຸກຂຶ້ນຕໍ່ສູ້ ຄຽງບ່າຄຽງໄຫຼ ແລະ ສູ້ຮົບຮ່ວມຂຸມຄອງດຽວກັນ ຢ່າງອົງອາດກ້າຫານ ແລະ ຄວາມເສຍສະຫຼະ, ຈົນສາມາດໄດ້ຮັບໄຊຊະນະທີ່ຍິ່ງໃຫຍ່ຂອງການປະຕິວັດລາວ ແລະ ຫວຽດນາມ ຄື: ຢູ່ຫວຽດນາມ ແມ່ນບັ້ນຮົບໂຮ່ຈີມິນໃນລະດູບານໃຫມ່ ຫຼື ການປົດປ່ອຍພາກໄຕ ຫວຽດນາມໄດ້ຢ່າງສົມບູນ ໃນເດືອນເມສາ 1975, ເຮັດໃຫ້ສໍາເລັດພາລະກິດປົດປ່ອຍຊາດ ແລະ ທ້ອນໂຮມປະເທດຊາດ ໃຫ້ເປັນເອກະພາບຢ່າງສົມບູນ; ສ່ວນຢູ່ລາວແມ່ນການຍຶດອໍານາດແບບບົວ ບໍ່ຊໍ້ານ້ໍາບໍ່ຂຸ່ນ, ປະເທດຊາດໄດ້ຮັບການປົດປ່ອຍ ແລະ ສະຖາປະນາ ສປປ ລາວ ຂຶ້ນໃນວັນທີ 2 ທັນວາ ປີ 1975, ເຊິ່ງເຫດການດັ່ງກ່າວ ໄດ້ກາຍເປັນເຫດການທີ່ສໍາຄັນຂອງປະຫວັດສາດ ແລະ ເປັນ ຂີດຫມາຍຂອງການສິ້ນສຸດການຕໍ່ສູ້ ເພື່ອຍາດເອົາເອກະລາດ ແລະ ອິດສະຫຼະພາບ ຂອງທັງສອງຊາດ, ເຮັດໃຫ້ທັງສອງປະເທດໄດ້ສໍາເລັດການປະຕິວັດຊາດປະຊາທິປະໄຕ ແລະ ກ້າວຂຶ້ນຕາມເສັ້ນທາງ ສັງຄົມນິຍົມ.

ນອກຈາກນີ້ ລາວ ແລະ ຫວຽດນາມ ຍັງໄດ້ເຊັນສັນຍາສ້າງຕັ້ງສາຍພົວພັນການທູດຮ່ວມກັນ ໃນວັນທີ 5 ກັນຍາ 1962 ແລະ ໄດ້ເຊັນສົນທິສັນຍາມິດຕະພາບ ແລະ ການຮ່ວມມື ລາວຫວຽດນາມ ຫວຽດນາມ-ລາວ ໃນວັນທີ 18 ກໍລະກົດ 1977. ເຊິ່ງໄດ້ກາຍເປັນສອງວັນ ປະຫວັດສາດ ທີ່ມີຄວາມຫມາຍສໍາຄັນ ແລະ ໃນປີ 2022 ນີ້ ການນໍາຂັ້ນສູງພັກ-ລັດ ຂອງທັງສອງ ປະເທດ ກໍໄດ້ເປັນເອກະພາບຮ່ວມກັນຈັດຕັ້ງສະເຫຼີມສະຫຼອງປີສາມັກຄີມິດຕະພາບ ລາວ – ຫວຽດນາມ, ຫວຽດນາມ – ລາວ ເພື່ອສະເຫຼີມສະຫຼອງໃຫ້ແກ່ສອງວັນປະຫວັດສາດດັ່ງກ່າວ ກໍຄື ວັນ ເຊັນສັນຍາສ້າງຕັ້ງສາຍພົວພັນການທູດ ຄົບຮອບ 60 ປີ ແລະ ວັນເຊັນສົນທິສັນຍາມິດຕະພາບ ແລະ ການຮ່ວມມື ລາວ-ຫວຽດນາມ ຫວຽດນາມ-ລາວ ຄົບຮອບ 45 ປີ ຢ່າງສົມກຽດ. ເພື່ອເປັນໂອກາດ ໃຫ້ທັງສອງປະເທດ ໄດ້ພ້ອມກັນສືບຕໍ່ຢັ້ງຢືນຄວາມຕັດສິນໃຈສູ້ຊົນສືບທອດ ແລະ ເພີ່ມພູນຄຸນ ສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ໃຫ້ນັບມື້ສວຍສົດງົດງາມ ແລະ ຫມັ້ນຄົງທະ ນົງແກ່ນຕະຫລອດກາລະນານ.

ເຊິ່ງໃນນີ້ ສືບທອດ ແລະ ເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ – ຫວຽດນາມ ຫວຽດນາມ – ລາວ ໃນດ້ານວຽກງານປ້ອງກັນຊາດ-ປ້ອງກັນຄວາມສະຫງົບ ໂດຍສະເພາະແມ່ນການພົວພັນຮ່ວມມືລະຫ່າງກໍາລັງປ້ອງກັນຄວາມສະຫງົບ ລາວ ແລະ ຫວຽດນາມ ນັບຕັ້ງແຕ່ກະຊວງປ້ອງກັນຄວາມສະຫງົບ ຫວຽດນາມ ໄດ້ສົ່ງຫນ່ວຍປະຕິບັດງານ ຫຼື ຫນ່ວຍຊ່ຽວຊານ ປ້ອງກັນຄວາມສະຫງົບ ເພື່ອມາຊ່ວຍປະເທດລາວ ໃນການຄົ້ນຄວ້າທາງດ້ານວຽກງານປ້ອງກັນຄວາມ ສະຫງ0 ອບ ເຊ ເຫຸກພາລະກິດຕໍ່ສູ້ກູ້ຊາດ ຂອງສູນກາງພັກປະຊາຊົນລາວ ໃນປີ 1961 ຫຼື 61 ປີ ກອນຫນານ ຈົນມາເຖິງປັດຈຸບັນນີ້ ບັນດາຫມາກຜົນຂອງການພົວພັນຮ່ວມມືຮອບດ້ານ ລະຫວ່າງ ກໍາ ລັງປ້ອງກັນຄວາມສະຫງົບ ຂອງທັງສອງປະເທດ ທີ່ໄດ້ຜ່ານການທົດສອບ ແລະ ຫຼຫຼອມ ຕາມ ຂະບວນການວຽກງານຕົວຈິງ ຢູ່ໃນແຕ່ລະໄລຍະຂອງການປະຕິວັດ ແລະ ຄວາມເສຍສະຫຼະຂອງຫຼາຍ ຮຸ້ນຄົນ; ຈົນມາເຖິງປັດຈຸບັນນີ້ ກໍຍິ່ງນັບມື້ກ້າວຂະຫຍາຍເຂົ້າສູ່ລວງເລິກ ແລະ ນໍາມາເຊິ່ງຜົນສໍາເລັດທີ ມີປະສິດທິຜົນ.

ຕະຫຼອດໄລຍະຜ່ານມາ ພັກ, ລັດ ແລະ ປະຊາຊົນຫວຽດນາມ ໂດຍສະເພາະ ກະຊວງປ້ອງ ກັນຄວາມສະຫງົບຫວຽດນາມ ນອກຈາກຈະໄດ້ຊຸກຍູ້ຊ່ວຍເຫຼືອກໍາລັງປ້ອງກັນຄວາມສະຫງົບ ປະຊາຊົນລາວ, ໂດຍສະເພາະວຽກງານຈັດຕັ້ງກໍ່ສ້າງກໍາລັງ ແລະ ອື່ນໆ ເພື່ອເຮັດຫນ້າທີ່ປົກປັກຮັກສາ ຄວາມສະຫງົບ, ຄວາມເປັນລະບຽບຮຽບຮ້ອຍ ຢູ່ເຂດປົດປ່ອຍ ແລະ ເຂດທີ່ຫມັ້ນຂອງການປະຕິວັດ ລາວ ໃຫ້ມີຄວາມປອດໄພດີແລ້ວ, ພາຍຫຼັງປະເທດຊາດໄດ້ຮັບການປົດປ່ອຍ ແລະ ສະຖາປານາເປັນ ສປປ ລາວ ນັບແຕ່ປີ 1975 ມາເຖິງປັດຈຸບັນ; ກະຊວງປ້ອງກັນຄວາມສະຫງົບຫວຽດນາມ ກໍໄດ້ ສືບຕໍ່ປະສານສົມທົບ, ຊຸກຍູ້ຊ່ວຍເຫຼືອການພັດທະນາກໍ່ສ້າງກໍາລັງ, ປະກອບສ່ວນເຫື່ອເເຮງ, ສະຕິ ປັນຍາ ແລະ ອຸປະກອນເຕັກນິກວິຊາສະເພາະ ໃຫ້ແກ່ກໍາລັງປ້ອງກັນຄວາມສະຫງົບປະຊາຊົນລາວ ເລື້ອຍໆມາ; ນັບຕັ້ງແຕ່ຢູ່ຂັ້ນສູນກາງ ຫຼື ກະຊວງ ແລະ ທ້ອງຖິ່ນ, ເປັນຕົ້ນແມ່ນ ບັນດາກອງບັນຊາ ການ ປກສ ແຂວງທີ່ມີຊາຍແດນຕິດຈອດ ແລະ ກອງບັນຊາການ ປກສ ແຂວງແຮກສ່ຽວ, ຜ່ານມາ ໄດ້ມີກໍາລັງປ້ອງກັນຄວາມສະຫງົບປະຊາຊົນລາວ ທີ່ໄດ້ສໍາເລັດການສຶກສາ ແລະ ພວມສຶກສາ ໃນ ລະດັບຕ່າງໆ ຕະຫຼອດຮອດການຄົ້ນຄວ້າ, ການຝຶກອົບຮົມຕ່າງໆ ຢູ່ທີ່ ສສ ຫວຽດນາມເປັນຈໍານວນ ຫຼວງຫຼາຍ; ພ້ອມດຽວກັນ ກໍຍັງໄດ້ຊ່ວຍເຫຼືອກໍ່ສ້າງວັດທະນະທໍາ ໃຫ້ລູກຫຼານຂອງປະຊາຊົນລາວຕື່ມອີກ. ນອກນີ້ ກໍາລັງປ້ອງກັນຄວາມສະຫງົບປະຊາຊົນລາວ ກໍຄືນາຍ ແລະ ພົນຕໍາຫຼວດ ທີ່ໄດ້ສໍາເລັດ ການສຶກສາ ຈາກ ສສ ຫວຽດນາມ ເປັນຈໍານວນຫຼວງຫຼາຍ ລ້ວນແຕ່ໄດ້ຮັບຄວາມໄວ້ເນື້ອເຊື່ອໃຈ ແລະ ໄດ້ຮັບການມອບຫມາຍຫນ້າທີ່ສໍາຄັນໃນຂັ້ນຕ່າງໆ ຈາກພັກ, ລັດ ແລະ ປະຊາຊົນລາວ; ນັບຕັ້ງແຕ່ໃນຂັ້ນ ຄະນະພັກ-ຄະນະນໍາກະຊວງປ້ອງກັນຄວາມສະຫງົບ ຕະຫຼອດຮອດຖືກບັນຈຸສັບຊ້ອນ ຢູ່ໃນຄະນະພັກ-ຄະນະບັນຊາ, ເປັນພະນັກງານຫຼັກແຫຼ່ງ ແລະ ພະນັກງານ-ນັກຮົບ ຢູ່ບັນດາກົມກອງ ອ້ອມຂ້າງກະຊວງປ້ອງກັນຄວາມສະຫງົບ, ບັນດາກອງບັນຊາການ ປກສ ແຂວງ, ກອງບັນຊາການ ປກສ ເມືອງ, ປກສ ບໍລິການປະຊາຊົນ ຂອງບັນດາກຸ່ມບ້ານ, ກອງກໍ່ສ້າງຮາກຖານການເມືອງ ແລະ ບັນດາບ້ານຕ່າງໆ ໃນທົ່ວປະເທດ.

ນອກນີ້ ກໍາລັງປ້ອງກັນຄວາມສະຫງົບລາວ ແລະ ຫວຽດນາມ ຍັງໄດ້ປະສານສົມທົບ, ພວພນ ຮ່ວມມື ຈັດຕັ້ງປະຕິບັດແຜນການຮ່ວມມືທາງດ້ານວຽກງານວິຊາສະເພາະຕ່າງໆຕື່ມອີກເຊັ່ນ: ການ ຮ່ວມມືປົກປັກຮັກສາຄວາມສະຫງົບ, ຄວາມເປັນລະບຽບຮຽບຮ້ອຍ ຕາມຊາຍແດນ, ການປ້ອງກັນ ສະກັດກັ້ນ ແລະ ແກ້ໄຂອາຊະຍາກໍາ ຫຼື ປະກົດການຫຍໍ້ທໍ້ຕ່າງໆ: ເປັນຕົ້ນແມ່ນບັນຫາຢາເສບຕິດ, ຄ້າຂາຍເຖື່ອນ, ຄ້າມະນຸດ ແລະ ອາຊະຍາກໍາຂ້າມຊາດອື່ນໆ. ເພື່ອຮັບປະກັນເຮັດໃຫ້ທັງສອງປະເທດ ລາວ, ຫວຽດນາມ ມີສະຖຽນລະພາບທາງດ້ານການເມືອງ, ປະເທດຊາດມີຄວາມສະຫງົບ, ປອດໄພ ແລະ ມີຄວາມເປັນລະບຽບຮຽບຮ້ອຍ, ພ້ອມທັງ ເປັນການສ້າງເງື່ອນໄຂທີ່ດີ ໃຫ້ແກ່ການໄປມາຫາສູ່. ການຢ້ຽມຢາມ, ການພົວພັນຄ້າຂາຍ, ການດໍາລົງຊີວິດຂອງປະຊາຊົນ ແລະ ການສ້າງສາພັດທະນາ ເສດຖະກິດ-ສັງຄົມ ຢູ່ທັງສອງປະເທດ ລາວ ແລະ ຫວຽດນາມ ເພື່ອນໍາພາປະເທດຊາດກ້າວຂຶ້ນສູ່ຈຸດ ຕາມເສັ້ນທາງສັງຄົມນິຍົມ.

10th Jun2022

ລັດຖະບານສຸມໃສ່ຈັດຕັ້ງປະຕິບັດຫຼາຍມາດຕະການ ເພື່ອແກ້ໄຂບັນດາສາເຫດຂອງອັດຕາເງິນເຟີ້.

by somchan

ພາຍຫຼັງປະເທດເຮົາໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ-19 ເລີ່ມ ແຕ່ທ້າຍປີ 2019 ເປັນຕົ້ນມາ, ສະພາບການເໜັງຕີງແຮງຂອງຄ່າເງິນຂອງຫຼາຍປະເທດຢູ່ຕະຫຼາດສາກົນ ແລະ ພາກພື້ນ, ການເພີ່ມຂຶ້ນຂອງລາຄານໍ້າມັນເຊື້ອໄຟໃນຕະຫຼາດໂລກ ສົມທົບກັບປັດໄຈພາຍໃນປະເທດເຮົາເອງທີ່ຕິດພັນກັບພື້ນຖານໂຄງສ້າງເສດຖະກິດ, (more…)

Off
05th May2022

ການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ຂອງສານປະຊາຊົນສູງສຸດ.

by somda phoneor

ຍ້ອນບັນຫາຢາເສບຕິດ ໄດ້ແຜ່ລະບາດຮ້າຍແຮງ ສົ່ງຜົນກະທົບຕໍ່ສຸຂະພາບ ແລະ ຊີວິດຂອງຊາວຫນຸ່ມຮຸ່ນສືບທອດ, ເປັນສາເຫດພາໃຫ້ເກີດປະກົດການຫຍໍ້ທໍ້ ແລະ ບັນຫາອາຊະຍາກໍາປະເພດຕ່າງໆ ເປັນການກົດຫນ່ວງຖ່ວງດຶງການພັດທະນາເສດຖະກິດ, ວັດທະນະທໍາ-ສັງຄົມ, ສົ່ງຜົນກະທົບຕໍ່ຄວາມຫມັ້ນຄົງທາງດ້ານການເມືອງ ແລະ ຄວາມເປັນລະບຽບຮຽບຮ້ອຍ-ປອດໄພຂອງສັງຄົມ. (more…)

Off
12th Apr2022

ສະເຫຼີມສະຫຼອງບຸນປີໃຫມ່ລາວ ໃຫ້ມີບັນຍາກາດມ່ວນຊື່ນ ແລະ ສະຫງົບ-ປອດໄພ.

by somda phoneor

ການສະເຫຼີມສະຫຼອງບຸນປີໃຫມ່ລາວ ແມ່ນປາງບຸນໃຫຍ່ຂອງງານບຸນປະເພນີ ຕາມຮີດ 12 ທີ່ຊາວລາວ ໄດ້ມີການສືບທອດປະຕິບັດກັນມາແຕ່ບູຮານນະການໃນທຸກໆປີ; ສຳລັບການສະເຫຼີມສະຫຼອງບຸນປີໃຫມ່ລາວໃນປີນີ້ແມ່ນຈະເລີ່ມແຕ່ມື້ຂຶ້ນ 13 ຄໍ່າ ຫາ ມື້ຂຶ້ນ 15 ຄໍ່າ ເດືອນ 5 ຂອງປີປະຕິທິນ ທາງສຸລິຍະຄະຕິ ຄືການສະເຫຼີມສະຫຼອງສົ່ງທ້າຍປີ ພຸດທະສັງກາດ 2564 ແລະ ຕ້ອນຮັບປີໃຫມ່ ພຸດທະສັງກາດ 2565; ເຊິ່ງກົງກັບລະຫວ່າງ ວັນພະຫັດ ທີ 14 ຫາ ວັນເສົາ ທີ 16 ເມສາ  ຄິດຕະສັງກາດ 2022; (more…)

Off
31st Dec2021

ເອົາໃຈໃສ່ຈັດຕັ້ງປະຕິບັດມາດຕະການປ້ອງກັນການແຜ່ລະບາດພະຍາດໂຄວິດ-19 ຢ່າງເຂັ້ມງວດ ເພື່ອຮັບປະກັນເຮັດໃຫ້ການສົ່ງທ້າຍປີເກົ່າ ແລະ ຕ້ອນຮັບປີໃໝ່ສາກົນນີ້ ມີຄວາມປອດໄພ.

by somchan

ອີງຕາມຂໍ້ມູນການລາຍງານຂອງຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງເຊື້ອພະຍາດໂຄວິດ-19 ກໍຄື ກົມຄວບຄຸມພະຍາດຕິດຕໍ່ ກະຊວງ ສາທາລະນະສຸກ ໄດ້ໃຫ້ຮູ້ວ່າ: ປັດຈຸບັນ, ຫຼາຍປະເທດໃນທົ່ວໂລກກຳລັງພະເຊີນໜ້າກັບການລະບາດຢ່າງໜັກຂອງສາຍພັນໂອໄມຄຣອນ (more…)

Off
28th Oct2021

ບົດຖະແຫຼງຂ່າວ ກ່ຽວກັບການດໍາເນີນກອງປະຊຸມສະໄໝສາມັນ ເທື່ອທີ 2 ຂອງສະພາແຫ່ງຊາດ ຊຸດທີ IX

by Peaung Thanonkeo

ບົດຖະແຫຼງຂ່າວ ກ່ຽວກັບການດໍາເນີນກອງປະຊຸມສະໄໝສາມັນ ເທື່ອທີ 2 ຂອງສະພາແຫ່ງຊາດ ຊຸດທີ IX

ໃນວັນທີ່ 28 ຕຸລາ 2021 ນີ້ວ່າ: ໃນນາມເລຂາທິການສະພາແຫ່ງຊາດ, ຫົວໜ້າກອງເລຂາກອງປະຊຸມສະໄໝສາມັນເທື່ອທີ 2 ຂອງສະພາແຫ່ງຊາດ ຊຸດທີ IX, ຂໍຕາງໜ້າຄະນະປະຈຳສະພາແຫ່ງຊາດ ມີຄວາມຍິນດີ ແລະ ຖືເປັນກຽດຢ່າງສູງແຈ້ງມາ​ຍັງບັນດາທ່ານ ພະນັກງານ, ທະຫານ, ຕຳຫຼວດ, ນັກຮຽນ, ນັກສຶກສາ, ປັນຍາຊົນ, ກຳມະກອນ, ຊາວຜູ້ອອກແຮງງານ, ພໍ່ແມ່ພີ່ນ້ອງປະຊາຊົນລາວບັນດາເຜົ່າ ໃນທົ່ວປະເທດ ແລະ ພີ່ນ້ອງຊາວລາວທີ່ອາໃສຢູ່ຕ່າງປະເທດ ຮັບຊາບກ່ຽວກັບການດໍາເນີນກອງປະຊຸມສະໄໝສາມັນເທື່ອທີ 2 ຂອງສະພາແຫ່ງຊາດ ຊຸດທີ IX ດັ່ງນີ້: (more…)

Off
20th Aug2021

ການຈັດຕັ້ງປະຕິບັດ ວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ໄລຍະປີ 2021 ຫາ 2023.

by somchan

ເນື່ອງຈາກໃນປັດຈຸບັນນີ້ ສະພາບການແຜ່ລະບາດຂອງບັນຫາຢາເສບຕິດຢູ່ໃນໂລກ ແລະ ພາກພື້ນ ໄດ້ຂະຫຍາຍວົງກວ້າງໄປທົ່ວທຸກມູມໂລກ ອັນໄດ້ເພີ່ມທະວີຄວາມຮຸນແຮງອັນຕະລາຍ; ເຊິ່ງໄດ້ຕິດພັນ – ເຊື່ອມໂຍງກັບບັນຫາການກໍ່ການຮ້າຍ, ອາຊະຍາກໍາຂ້າມຊາດ, ການຟອກເງິນ ແລະ ອາຊະຍາກໍາທີ່ໃຊ້ກໍາລັງຮຸນແຮງປະເພດຕ່າງໆ ທີ່ມີລັກສະນະເພີ່ມຂຶ້ນໃນແຕ່ລະປີ, (more…)

Off
11th Aug2021

ລັດຖະບານ ຊຸດທີ IX ເນັ້ນການຈັດຕັ້ງປະຕິບັດ 2 ວາລະແຫ່ງຊາດ ຕ້ອງຢຶດຫມັ້ນຕາມຫຼັກການນໍາພາຂອງພັກ, ການຄຸ້ມຄອງດ້ວຍກົດຫມາຍຂອງລັດ, ພ້ອມທັງ ເດັດຂາດ, ໂປ່ງໃສ ແລະ ມືອາຊີບ

by somchan

ດັ່ງທີ່ຮູ້ນຳກັນແລ້ວວ່າ: ໃນໄລຍະດໍາເນີນກອງປະຊຸມສະໄຫມວິສາມັນ ຄັ້ງທີ I  ຂອງສະພາແຫ່ງຊາດ ຊຸດທີ IX ໃນລະຫວ່າງວັນທີ 5-10 ສິງຫາ 2021; ທ່ານ ພັນຄໍາ ວິພາວັນ, ນາຍົກລັດຖະມົນຕີ ໄດ້ຕາງຫນ້າລັດຖະບານ ຊຸດທີ IX ລາຍງານກ່ຽວກັບຮ່າງວາລະເເຫ່ງຊາດ ວ່າດ້ວຍການເເກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ແລະ ຮ່າງວາລະເເຫ່ງຊາດ ວ່າດ້ວຍການເເກ້ໄຂບັນຫາຢາເສບຕິດ ຕໍ່ກອງປະຊຸມ ເພື່ອໃຫ້ບັນດາສະມາຊິກສະພາແຫ່ງຊາດ ພິຈາລະນາຮັບຮອງເອົາ ແລະ ສະຫນັບສະຫນູນລັດຖະບານໃນການຈັດຕັ້ງປະຕິບັດວາລະແຫ່ງຊາດດັ່ງກ່າວ ແນ່ໃສ່ສ້າງການຫັນປ່ຽນໃຫມ່ຢ່າງແຂງແຮງ, ເລິກເຊິ່ງ ແລະ ຮອບດ້ານ ຕາມມະຕິກອງປະຊຸມໃຫຍ່ ຄັ້ງທີ XI ຂອງພັກ ແລະ ຕາມແຜນດໍາເນີນງານຂອງລັດຖະບານທີ່ກໍານົດໄວ້ໃຫ້ບັນລຸຄາດຫມາຍ.

(more…)

Off
30th Jul2021

ການຄ້າມະນຸດແມ່ນປະກົດການຫຍໍ້ທໍ້ ແລະ ເປັນໄພອັນຕະລາຍຮ້າຍແຮງ

by somchan

ພັກ ແລະ ລັດຖະບານ ໄດ້ມີນະໂຍບາຍໃຫ້ປະຊາຊົນລາວບັນດາເຜົ່າ ທໍາການຜະລິດ, ທໍາມາຄ້າຂາຍ, ປະກອບທຸລະກິດທີ່ບໍ່ຂັດກັບກົດຫມາຍ ແລະ ສົ່ງເສີມ ບັນດາຫົວຫນ່ວຍທຸລະກິດຜະລິດເປັນສິນຄ້າ ເພື່ອຕອບສະຫນອງຄວາມຮຽກຮ້ອງຕ້ອງການ ຂອງສັງຄົມ ຊຶ່ງມາຮອດປະຈຸບັນນີ້, ເຫັນໄດ້ວ່າເສດຖະກິດຂອງ ສປປ ລາວ ໄດ້ຮັບການ ຂະຫຍາຍຕົວເປັນກ້າວໆມາ ເມື່ອເສດຖະກິດໄດ້ຮັບການຂະຫຍາຍຕົວພົນລະເມືອງມີຊີວິດ ການເປັນຢູ່ດີຂຶ້ນ ປະເທດຊາດຈຶ່ງມີຄວາມຈະເລີນສີວິໄລ. (more…)

Off
18th Jun2021

ບົດຄຳເຫັນລັດຖະມົນຕີ ກະຊວງສາທາລະນະສຸກ ເນື່ອງໃນວັນແພດລາວ 18 ມີຖຸນາ ຄົບຮອບ 56 ປີ

by somchan

ທ່ານ ບຸນແຝງ ພູມມະໄລສິດ ລັດຖະມົນຕີກະຊວງ ສາທາລະນະສຸກ ໄດ້ມີຄຳເຫັນ ເນື່ອງໃນໂອກາດວັນແພດລາວ ຄົບຮອບ 56 ປີ ໃນວັນທີ 18 ມິຖຸນາ 2021 ນີ້ ເຊິ່ງທ່ານໄດ້ກ່າວວ່າ: ວັນແພດລາວໄດ້ກໍາເນີດຂຶ້ນຜ່ານຂະບວນວິວັດແຫ່ງການເຕີບໃຫຍ່ຂອງການແພດລາວ ໃນແຕ່ລະສະໄໝ ແຕ່ດຶກດໍາບັນ ແລະ ຕິດພັນ ກັບການຕໍ່ສູ້ກູ້ຊາດແຕ່ລະໄລຍະຄື; ໃນປີ 1963 ສະໜາມຮົບຕໍ່ສູ້ກູ້ຊາດຕ້ານພວກລ່າເມືອງຂຶ້ນແບບໃໝ່ໄດ້ເປີດກວ້າງອອກທົ່ວປະເທດ, ເຂດປົດປ່ອຍກໍ່ນັບມື້ນັບຂະຫຍາຍຕົວ ແພດໝໍໄລຍະນັ້ນ ແມ່ນນອນຢູ່ໃນການຈັດຕັ້ງຂອງເສນາຮັກ ແລະ ໄດ້ເຮັດໜ້າທີ່ຂອງຕົນ ໃນການຮັກສາ ແລະ ປິ່ນປົວພະຍາດ ແລະ ບາດແຜ່ ສົງຄາມໃຫ້ແກ່ພະນັກງານນັກຮົບ ແລະ ປະຊາຊົນຢ່າງບໍ່ຮູ້ອິດຮູ້ເມື່ອຍ.

(more…)

Off
Pages:12345»