25th Apr2021

ພ້ອມກັນເປັນເຈົ້າການສະກັດກັ້ນ ແລະ ຕ້ານອັກຄີໄພ

by somchan

ທ່ານຜູ້ຟັງ ! ໃນໄລຍະນີ້ ສະພາບອາກາດກໍຮ້ອນອົບເອົ້າ, ເຮັດໃຫ້ການຊົມໃຊ້ໄຟຟ້າໃນການດຳລົງຊີວິດປະຈຳວັນກໍເພີ່ມຂຶ້ນ ດັ່ງນັ້ນ ບັນດາທ່ານຕ້ອງໄດ້ມີສະຕິໃນການນຳໃຊ້ໄຟເຂົ້າໃນກິດຈະກຳຕ່າງໆ ເພື່ອປ້ອງກັນ ແລະ ສະກັດກັ້ນການເກີດອັກຄີໄພ; ໂດຍສະເພາະ ໃນໄລຍະນີ້ ທີ່ພວມຢູ່ໃນໄລຍະຂອງການຈັດຕັ້ງປະຕິບັດ ຄຳສັ່ງ ຂອງນາຍົກລັດຖະມົນຕີ ວ່າດ້ວຍການເພີ່ມທະວີມາດຕະການສະກັດກັ້ນ, ຄວບຄຸມ ແລະ ກຽມພ້ອມຮອບດ້ານ ເພື່ອຕ້ານພະຍາດໂຄວິດ-19; (more…)

Off
13th Apr2021

ສະເຫຼີມສະຫຼອງບຸນປີໃຫມ່ລາວ ໃຫ້ມີບັນຍາກາດມ່ວນຊື່ນ ແລະ ສະຫງົບ-ປອດໄພ

by somchan

ການສະເຫຼີມສະຫຼອງບຸນປີໃຫມ່ລາວ ແມ່ນປາງບຸນໃຫຍ່ເປັນງານບຸນປະເພນີ ຕາມຮີດ 12 ທີ່ຊາວລາວ ໄດ້ມີການສືບທອດປະຕິບັດກັນມາແຕ່ບູຮານນະການ; ສຳລັບການສະເຫຼີມສະຫຼອງບຸນປີໃຫມ່ລາວໃນປີນີ້ແມ່ນຈະເລີ່ມແຕ່ມື້ຂຶ້ນ 3 ຄໍ່າ ຫາ ມື້ຂຶ້ນ 5 ຄໍ່າ ເດືອນ 6 ຂອງປີປະຕິທິນ ທາງສຸລິຍະຄະຕິ ຄື ການສະເຫຼີມສະຫຼອງສົ່ງທ້າຍປີ ພຸດທະສັງກາດ 2563 ແລະ ຕ້ອນຮັບປີໃຫມ່ (more…)

Off
22nd Mar2021

ຄໍາເຫັນຂອງ ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນປະຕິວັດລາວ, ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ເນື່ອງໃນໂອກາດ ວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 66 ປີ

by somchan

ພີ່ນ້ອງຮ່ວມຊາດ, ບັນ​ດາ​ສະ​ຫາຍ​ສະ​ມາ​ຊິກ​ພັກ ທີ່​ຮັກ​ແພງ​ທັງຫລາຍ!

ວັນທີ 22 ມີນາ 1955 ແມ່ນ​ວັນ​ສ້າງ­ຕັ້ງ​ພັກ​ ປະ­ຊາ­ຊົນປະ­ຕິ­ວັດ​ລາວ ເຊິ່ງເປັນວັນທີ່ ໄດ້ໃຫ້ກຳເນີດພັກ ຂອງຊົນຊັ້ນຜູ້ອອກແຮງງານ, ພັກທຳອິດ ຂອງປະເທດລາວ ແລະ ເປັນພັກທີ່ຖືໄດ້ວ່າເປັນຜູ້ຈັດຕັ້ງ, ນໍາພາ ພາລະກິດປະຕິວັດ ຊາດ-ປະຊາທິປະໄຕ ແລະ ການປົກ ປັກຮັກສາ ແລະພັດທະ ນາປະເທດຊາດ ຕະຫລອດໄລຍະ 66 ປີ. (more…)

Off
18th Jan2021

ທຸກພາກສ່ວນເປັນເຈົ້າການປ້ອງກັນຄວາມສະຫງົບ ໄປພ້ອມໆກັບການດຳເນີນກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກ ມີຜົນສຳເລັດຢ່າງຈົບງາມ.

by somchan

ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກ ທີ່ໄດ້ດຳເນີນໃນລະຫວ່າງວັນທີ 13-15 ມັງກອນ 2021 ໄດ້ມີຜົນສຳເລັດຢ່າງຈົບງາມເຕັມໄປດ້ວຍບັນຍາກາດປິຕິຊົມຊືນຂອງທົ່ວພັກ, (more…)

Off
16th Jan2021

ຊົມເຊີຍຜົນສຳເລັດຂອງກອງປະຊຸມໃຫຍ່ ຜູ້ແທນທົ່ວປະເທດ ຄັ້ງທີ XI ຂອງພັກປະຊາຊົນປະຕິວັດລາວ

by somchan

ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກປະຊາຊົນປະຕິວັດລາວ ​ແມ່ນດຳເນີນເປັນເວລາ 3 ວັນ, ​ເຊິ່ງ​ໄດ້​ໄຂ​ຂື້ນ​ຢ່າງ​ເປັນ​ທາງ​ການ​ໃນ​ວັນ​ທີ 13 ​ແລະ ປິດ​ລົງຢ່າງສະຫງ່າງາມ​ໃນ​ວັນ​ທີ 15 ມັງກອນ 2021, ທີ່ນະຄອນຫຼວງວຽງຈັນພາຍໃຕ້ຄຳຂວັນ “ຍົກສູງຄວາມສາມາດນໍາພາຂອງພັກ, ເພີ່ມທະວີຄວາມສາມັກຄີເປັນປຶກແຜ່ນຂອງປະຊາຊົນໃນຊາດ,  ຮັບປະກັນສະຖຽນລະພາບດ້ານການເມືອງຢ່າງໜັກແໜ້ນ,  ຜັນຂະຫຍາຍແນວທາງປ່ຽນແປງໃໝ່ສູ່ລວງເລິກ,  ສ້າງການຫັນປ່ຽນການພັດທະນາເສດຖະກິດ-ສັງຄົມໄປສູ່ຄຸນນະພາບໃໝ່ ຢ່າງແຂງແຮງ, ຍົກລະດັບຄຸນນະພາບຊີວິດຂອງປະຊາຊົນໃຫ້ສູງຂຶ້ນ,  ສືບຕໍ່ນໍາປະເທດຊາດພົ້ນຈາກສະຖານະພາບດ້ອຍພັດທະນາ ແລະ ກ້າວເດີນສູ່ຈຸດໝາຍສັງຄົມນິຍົມ”. ກອງປະຊຸມຄັ້ງນີ້ແມ່ນພາຍໃຕ້ການເປັນປະທານຂອງ ສະຫາຍ ບຸນຍັງ ວໍລະຈິດ ເລຂາທິການໃຫຍ່ຄະນະບໍລິຫານງານສູນກາງພັກສະໄໝທີ 10. ໂດຍມີຜູ້ແທນສົມບູນເຂົ້້າຮ່ວມທັງໝົດ 768 ສະຫາຍ, ເຊິ່ງເປັນຕົວແທນໃຫ້ແກ່ສະມາຊິກພັກທັງໝົດໃນທົ່ວປະເທດ 348.686 ສະຫາຍ, ພ້ອມທັງ ມີແຂກຖືກເຊີນເຂົ້າຮ່ວມຈໍານວນ 147 ສະຫາຍ.

ກອງປະຊຸມດຳ​ເນີນ​ໄປ​ດ້ວຍ​ບັນຍາກາດ​ແຫ່ງ​ຄວາມ​ປິ​ຕິ​ຊົມ​ຊືນ​ຂອງທົ່ວ​ພັກ, ທົ່ວ​ລັດ, ທົ່ວ​ກຳລັງ​ປະກອບ​ອາວຸດ ​ແລະ ຂອງ​ປວງ​ຊົນ​ລາວ​ບັນດາ​ເຜົ່າທັງຊາດ, ​ເຕັມ​ໄປ​ດ້ວຍ​ຄວາມ​ໝາຍ​ຄວາມ​ສຳຄັນ​ແຫ່ງ​ການຈັດຕັ້ງປະຕິບັດ​ແນວ​ທາງ​ນະ​ໂຍບາຍ​ຂອງ​ພັກ​ເຂົ້າ​ສູ່​ລວງ​ເລິກ, ປະ​ເທດ​ຊາດ​ມີ​ຄວາມ​ໝັ້ນຄົງ, ຮັບປະກັນ​ສະຖຽນ​ລະ​ພາບ​ທາງ​ດ້ານ​ການ​ເມືອງ, ສັງຄົມ​ມີ​ຄວາມ​ສະຫງົບ, ​ເປັນ​ລະບຽບ​ຮຽບຮ້ອຍ, ປະຊາຊົນ​ມີ​ຊີວິດ​ການ​ເປັນ​ຢູ່​ທີ່​ດີ​ຂື້ນ ແລະ ພາຍໃຕ້ບັນຍາກາດແຫ່ງຄວາມສາມັກຄີ, ຄວາມເປັນເອກະພາບ, ຄວາມຮັບຜິດຊອບການເມືອງສູງ, ຄ່ຽງຄູ່ກັບຄວາມສົນໃຈ ແລະ ການຕິດຕາມ ຢ່າງໃກ້ຊິດ ຂອງທົ່ວສັງຄົມ. ກອງປະຊຸມໃຫຍ່ ໄດ້ພ້ອມກັນຄົ້ນຄວ້າ, ຕົກລົງບັນຫາສໍາຄັນຂອງພັກ-ຂອງຊາດ ດ້ວຍຄວາມເອກະພາບສູງ ແລະ ໄດ້ສິ້ນສຸດລົງດ້ວຍຜົນສໍາເລັດອັນຈົບງາມ. ກອງປະຊຸມໃຫຍ່ຄັ້ງນີ້ ໄດ້ຄົ້ນຄວ້າຮັບຮອງເອົາຢ່າງເປັນເອກະສັນຕໍ່ລາຍງານການເມືອງຂອງຄະນະບໍລິຫານງານສູນກາງພັກ ສະໄໝທີ X ເຊິ່ງໄດ້ຕີລາຄາໝາກຜົນແຫ່ງການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ X ໃນ 5 ປີຜ່ານມາ ໄດ້ຮັບຜົນສໍາເລັດ ອັນສໍາຄັນໃຫຍ່ຫລວງ ແລະ ຜົນງານອັນພົ້ນເດັ່ນຮອບດ້ານທີ່ຍາດມາໄດ້, ເຊິ່ງໄດ້ສ້າງໜໍ່ແໜງສໍາຄັນໃນທຸກຂົງເຂດ ເພື່ອເປັນປັດໄຈຍູ້ການຫັນປ່ຽນໃຫ້ແຂງແຮງ ເລິກເຊິ່ງ ແລະ ຮອບດ້ານ ໃນຊຸມປີຕໍ່ໜ້າ, ສືບຕໍ່ນໍາພາປະເທດຊາດ ກ້າວເດີນຕາມເສັ້ນທາງຈຸດໝາຍສັງຄົມນິຍົມ, ພ້ອມໆກັບຜົນສໍາເລັດອັັນສໍາຄັນດັ່ງກ່າວ ກອງປະຊຸມໃຫຍ່ ຍັງໄດ້ເປັນເອກະພາບຢ່າງພາວະວິໄສ ດ້ານຂໍ້ຄົງຄ້າງ, ຂໍ້ຂາດຕົກບົກຜ່ອງ ໃນການນໍາພາຊີ້ນໍາຂອງພັກ ກໍຄືການຈັດຕັ້ງປະຕິບັດໜ້າທີ່, ວຽກງານຈຸດສຸມໃນບາງດ້ານ ທີ່ບໍ່ສາມາດບັນລຸຜົນຕາມຄາດໝາຍທີ່ວາງອອກ, ພ້ອມທັງ ຊີ້ໃຫ້ເຫັນສາເຫດຕົ້ນຕໍ ເພື່ອກໍານົດທິດທາງມາດຕະການແກ້ໄຂທີ່ສອດຄ່ອງ ແລະ ແທດເໝາະ ເພື່ອຮັບປະກັນໃຫ້ແກ່ການຫັນປ່ຽນໃໝ່ ຢ່າງຈິງຈັງ ໃນການຈັດຕັ້ງປະຕິບັດແນວທາງຂອງພັກໃນຕໍ່ໜ້າ. ພ້ອມນັ້ນ ກອງປະຊຸມ ຍັງໄດ້ປະເມີນຜົນກວມລວມບັນດາຜົນສໍາເລັດ ແລະ ບາງດ້ານທີ່ຕ້ອງໄດ້ສືບຕໍ່ເອົາໃຈໃສ່ແກ້ໄຂ ແລະ ຍົກລະດັບກ່ຽວກັບການສ້າງບັນດາປະຖົມປັດໄຈ ໃຫ້ແກ່ການກ້າວເດີນສູ່ສັງຄົມນິຍົມ ຕາມແນວທາງປ່ຽນແປງໃໝ່ຮອບດ້ານ ແລະ ມີຫລັກການຂອງພັກເຮົາ ເຊິ່ງຊີ້ບອກເຖິງສະພາວະຄວາມເປັນຈິງທາງດ້ານການເມືອງ, ເສດຖະກິດ, ວັດທະນະທໍາ-ສັງຄົມ, ການປ້ອງກັນຊາດ-ປ້ອງກັນຄວາມສະຫງົບ, ການຕ່າງປະເທດ ທີ່ພັກເຮົາຕ້ອງກໍາແໜ້ນ ແລະ ພິຈາລະນາຢ່າງເປັນລະບົບ ເພື່ອເປັນພື້ນຖານໃນການກໍານົດທິດທາງ ໃນການສືບຕໍ່ບູລະນະລະບອບປະຊາທິປະໄຕປະຊາຊົນ ໃຫ້ສົມບູນຍິ່ງຂຶ້ນໃນຕໍ່ໜ້າ.

ຢືນບົນຈິດໃຈສ້າງການຫັນປ່ຽນໃໝ່, ກອງປະຊຸມໃຫຍ່ ໄດ້ຮັບຮອງເອົາການເພີ່ມເຕີມບົດຮຽນ 4 ປະການ ທີ່ຖອດຖອນໄດ້ຈາກພຶດຕິກໍາແຫ່ງການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ X ຂອງພັກ ກໍຄືພຶດຕິກໍາຕົວຈິງໃນການນໍາພາຂອງພັກເຮົາ ໃນຫຼາຍສິບປີຜ່ານມາ ເພື່ອບົດຮຽນ ແລະ ເປັນບ່ອນອີງສໍາຄັນໃນການປັບປຸງການນໍາພາຊີ້ນໍາ ແລະ ການຈັດຕັ້ງປະຕິບັດແນວທາງນະໂຍບາຍຂອງພັກໃນຕໍ່ໜ້າ

ເພື່ອສືບຕໍ່ນໍາພາພາລະກິດປ່ຽນແປງໃໝ່ໄປສູ່ຈຸດໝາຍຢ່າງມີໄຊ ໃນຊຸມປີຕໍ່ໜ້າ, ກອງປະຊຸມໃຫຍ່ໄດ້ຍຶດໝັ້ນ ແລະ ເອກະພາບກັນ ສືບຕໍ່ບູລະນະປະຊາທິປະໄຕປະຊາຊົນ ໃຫ້ສົມບູນຍິ່ງຂຶ້ນ, ສ້າງການຫັນປ່ຽນແຂງແຮງ ເລິກເຊິ່ງ ແລະ ຮອບດ້ານ ເພື່ອກ້າວເດີນສູ່ສັງຄົມນິຍົມ ໂດຍຖືເອົາວຽກງານປ້ອງກັນຊາດ-ປ້ອງກັນຄວາມສະຫງົບ ເປັນໜ້າທີ່ພື້ນຖານ, ການພັດທະນາ ແລະ ການແກ້ໄຂບັນຫາເສດຖະກິດ ເປັນໜ້າທີ່ໃຈກາງ, ການພັດທະນາຊັບພະຍາກອນມະນຸດ ແລະ ສະໜອງແຮງງານສີມື ແກ່ບັນດາໂຄງການພັດທະນາ  ເປັນໜ້າທີ່ແຖວໜ້າ, ການປັບປຸງຄຸນນະພາບຂອງວຽກງານພັກ-ພະນັກງານ ເປັນອັນຕັດສິນແນໃສ່ເຮັດໃຫ້ບັນດາປະຖົມປັດໄຈການກ້າວຂຶ້ນເດີນສູ່ສັງຄົມນິຍົມທີ່ມີໃນປະຈຸບັນ ໄດ້ຮັບການປັບປຸງຍົກລະດັບຢ່າງຕໍ່ເນື່ອງ ແລະ ສາມາດກາຍເປັນອົງປະກອບສໍາຄັນພື້ນຖານໃຫ້ແກ່ການກໍ່ຕົວ ແລະ ຂະຫຍາຍຕົວຂອງຮູບຖານເສດຖະກິດ-ສັງຄົມສັງຄົມນິຍົມໄລຍະຕົ້ນ, ເຮັດໃຫ້ບັນດາຄຸນລັກສະນະອັນດີເລີດ ຂອງລະບອບສັງຄົມນິຍົມຢູ່ປະເທດເຮົາ ສະແດງອອກນັບມື້ພົ້ນເດັ່ນຂຶ້ນເລື້ອຍໆໃນຊີວິດຕົວຈິງ ຂອງປະຊາຊົນ, ບົນພື້ນຖານດັ່ງກ່າວ ກອງປະຊຸມໃຫຍ່ ໄດ້ກຳນົດທັດສະນະ ແລະ ຮັບຮອງເອົາ 8 ແຜນນະໂຍບາຍໃຫຍ່ເພື່ອສູ້ຊົນຜັນຂະຫຍາຍ ແລະ ຈັດຕັ້ງປະຕິບັດ ສໍາລັບ 5 ປີໃນຕໍ່ໜ້າ, ໄດ້ມອບໃຫ້ຄະນະບໍລິຫານງານສູນກາງພັກ ສະໄໝທີ XI  ຊີ້ນໍາຈັດຕັ້ງການຄົ້ນຄວ້າ, ເຊື່ອມຊຶມຜັນຂະຫຍາຍມະຕິກອງປະຊຸມໃຫຍ່ ຄັ້ງນີ້ຢ່າງເປັນລະບົບ, ເລິກເຊິ່ງໂດຍສະເພາະແມ່ນສະມາຊິກພັກ, ພະນັກງານ ຜູ້ທີ່ເປັນຫຼັກແຫຼ່ງຢູ່ທຸກຂັ້ນ ເອົາໃຈໃສ່ຄົ້ນຄວ້າກໍາ ແໜ້ນເນື້ອໃນ ຂອງລາຍງານການເມືອງ, ສຸມສະຕິປັນຍາ, ກໍາລັງວັງຊາ ເປັນແບບຢ່າງນໍາໜ້າຈັດຕັ້ງປະຕິບັດໃຫ້ເກີດໝາກຜົນ; ຊີ້ນໍາອົງການລັດໃຫ້ຫັນເປັນນິຕິກໍາ, ເປັນແຜນງານ ແລະ ໂຄງການວຽກງານລະອຽດໃຫ້ໄວ ເພື່ອຍາດແຍ່ງເວລາຈັດຕັ້ງປະຕິບັດ ໂດຍໄວ ແລະ ໄດ້ຮັບຜົນສໍາເລັດ ອັນສະຫງ່າງາມ.

ກອງປະຊຸມໃຫຍ່ໄດ້ສະແດງຄວາມຍ້ອງຍໍຊົມເຊີຍລັດຖະບານ ຊຸດທີ VIII ທີ່ໄດ້ຕັ້ງໜ້າປະຕິບັດ ແລະ ສູ້ຊົນໃຫ້ແຜນພັດທະນາເສດຖະກິດ-ສັງຄົມແຫ່ງຊາດ ຄັ້ງທີ VIII ໄດ້ຮັບຜົນສໍາເລັດ ເປັນຢ່າງດີ; ພ້ອມນັ້ນ ກໍສະແດງຄວາມເຫັນດີເຫັນພ້ອມ ແລະ ສະໜັບສະໜູນແຜນພັດທະນາເສດຖະກິດ-ສັງຄົມແຫ່ງຊາດ ຄັ້ງທີ 9 (2021-2025) ເຊິ່ງແມ່ນແຜນຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ເປັນແຜນງານ, ໂຄງການລະດັບຊາດ, ລວມທັງຂອບການລົງທຶນສໍາລັບໂຄງການເຫຼົ່ານັ້ນ, ໃນນັ້ນໄດ້ກຳນົດອອກເປັນ 6 ເປົ້າໝາຍໃຫຍ່ ເພື່ອສືບຕໍ່ປະຕິບັດແຜນພັດທະນາເສດຖະກິດ-ສັງຄົມ ໃຫ້ຂະຫຍາຍຕົວຢ່າງຕໍ່ເນື່ອງ ຄື: ເສດຖະກິດແຫ່ງຊາດຂະຫຍາຍຕົວຢ່າງຕໍ່ເນື່ອງ, ມີຄຸນນະພາບ, ໝັ້ນທ່ຽງ ແລະຍືນຍົງ ໂດຍຍູ້ການເຕີບໂຕເສດຖະກິດແຫ່ງຊາດໃຫ້ບັນລຸ 4% ຂຶ້ນໄປ; ພັດທະນາຊັບພະຍາກອນມະນຸດ ມີຄຸນນະພາບສູງຂຶ້ນ ທີ່ສາມາດຕອບສະໜອງຄວາມຕ້ອງການຂອງການພັດທະນາ, ມີຄວາມສາມາດຄົ້ນຄວ້າ ແລະ ນໍາໃຊ້ວິທະຍາສາດ-ເຕັກໂນໂລຊີ ເພື່ອຍົກສູງປະສິດທິພາບ ແລະສ້າງມູນຄ່າເພີ່ມການຜະລິດ ແລະ ການບໍລິການ; ຍົກລະດັບຊີວິດການທາງດ້ານວັດຖຸ ແລະຈິດໃຈຂອງປະຊາຊົນໃຫ້ດີຂຶ້ນເທື່ອລະກ້າວ; ການປົກປັກຮັກສາສິ່ງແວດລ້ອມໃຫ້ມີຄວາມສົມດຸນ ແລະຫຼຸດຜ່ອນຄວາມສ່ຽງຈາກໄພພິບັດທໍາມະຊາດ; ສ້າງພື້ນ ຖານໂຄງລ່າງທີ່ມີຄວາມເຂັ້ມແຂງ, ນໍາໃຊ້ທ່າແຮງ, ກາລະໂອກາດຈາກທີ່ຕັ້ງພູມສາດຂອງປະເທດ, ເຂົ້າຮ່ວມຂະບວນການຮ່ວມມື ແລະການເຊື່ອມໂຍງກັບພາກພື້ນ ແລະສາກົນ ຢ່າງເປັນເຈົ້າການ; ຄຸ້ມຄອງ-ບໍລິຫານລັດ ໃຫ້ມີປະສິດທິພາບ, ສັງຄົມມີຄວາມສະເໝີພາບ, ຍຸຕິທໍາ ແລະໄດ້ຮັບການປົກປ້ອງ ຕາມທິດການປົກຄອງດ້ວຍກົດໝາຍ ທີ່ສັກສິດ ແລະເຂັ້ມງວດ. ໂດຍມອບໃຫ້ຄະນະບໍລິຫານງານສູນກາງພັກ ຊີ້ນໍາລັດຖະບານ ສຸມຄວາມພະຍາຍາມ ກໍຄືເສີມຂະຫຍາຍຄວາມອາດສາມາດບົ່ມຊ້ອນ ແລະກຳລັງແຮງສັງລວມ ເຂົ້າໃສ່ການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມແຫ່ງຊາດ ໃຫ້ເປັນຈິງ.  ກອງປະຊຸມໃຫຍ່ເລັ່ງທວງໃຫ້ຄະນະບໍລິຫານງານສູນກາງພັກສະໄໝທີ XI ອອກແຮງເສີມຂະຫຍາຍຈຸດດີໃນດ້ານຕ່າງໆ ຢ່າງແຂງແຮງ, ພ້ອມທັງວາງມາດຕະການກໍາຈັດ, ແກ້ໄຂຈຸດບົກຜ່ອງ ແລະຄົງຄ້າງທີ່ຜ່ານມາ ຢ່າງຈິງຈັງ, ຍົກສູງຄວາມສາມາດນໍາພາ ແລະ ຄວາມເປັນແບບຢ່າງນໍາໜ້າ ຂອງຄະນະນໍາຂອງສູນກາງພັກ ໃຫ້ສູງຂຶ້ນ, ເປັນຫຼັກແຫຼ່ງນໍາໜ້າສ້າງການຫັນ ປ່ຽນທີ່ແຂງແຮງ, ເລິກເຊິ່ງ ແລະຮອບດ້ານ ໃນຊຸມປີຕໍ່ໆໄປ, ນອກນີ້ກອງປະຊຸມຍັງໄດ້ມີຜົນສຳເລັດໃນການຮັບຮອງເອົາກົດລະບຽບຂອງພັກ ສະໄໝທີ XI, ເພື່ອໃຫ້ສອດຄ່ອງຮອງຮັບການຈັດຕັ້ງປະຕິບັດແນວທາງການເມືອງຂອງພັກ, ຊຸກຍູ້ວຽກງານກໍ່ສ້າງພັກ ເຮັດໃຫ້ພັກເຮົາ ມີຄວາມປອດໃສ, ເຂັ້ມແຂງ, ໜັກແໜ້ນ, ມີຄວາມສາມາດພຽງພໍໃນການນໍາພາ ພາລະກິດປົກປັກຮັກສາ ແລະພັດທະນາປະເທດຊາດ ໃນໄລຍະໃໝ່ ກ້າວຂຶ້ນຕາມທິດສັງຄົມນິຍົມ ແລະ ທີສຳຄັນກອງປະຊຸມໃຫຍ່ໄດ້ເລືອກຕັ້ງຄະນະບໍລິຫານງານສູນກາງພັກ ສະໄໝທີ XI  ເຊິ່ງປະກອບດ້ວຍກຳມະການສົມບູນ 71 ສະຫາຍ ແລະ ກຳມະການສໍາຮອງ 10 ສະຫາຍ ເພື່ອເປັນແກ່ນສານນໍາພາທົ່ວພັກ, ທົ່ວລັດ, ທົ່ວກຳລັງປະກອບອາວຸດ ແລະ ທົ່ວປວງຊົນ ຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ XI ຂອງພັກ ໃຫ້ມີຜົນສໍາເລັດ, ສ້າງບາດກ້າວບຸກທະລຸ ໃນການສ້າງການຫັນປ່ຽນ  ທີ່ແຂງແຮງໃນການພັດທະນາ ແລະ ພາປະເທດຊາດກ້າວຂຶ້ນ ຢ່າງໜັກແໜ້ນຕໍ່ໄປ.

ຕໍ່ໝາກຜົນຄວາມສຳເລັດໃນການດຳເນີກອງປະຊຸມໃຫຍ່ດັ່ງກ່າວມານັ້ນແມ່ນໝາກຜົນລວມຍອດຂອງການປະກອບສ່ວນອັນສຳຄັນຂອງບັນດາສະມາຊິກພັກ, ພະນັກງານ, ທະຫານ, ຕໍາຫລວດ, ຜູ້ປະກອບການຜະລິດ-ທຸລະກິດ-ບໍລິການ ແລະປະຊາຊົນລາວ ບັນດາເຜົ່າ, ບັນດາຊັ້ນຄົນ ໃນຂອບເຂດທົ່ວປະເທດ ແລະພີ່ນ້ອງເຊື້ອຊາດລາວຜູ້ຮັກຊາດ ທີ່ດຳລົງຊີວິດ ແລະທໍາມາຫາກິນ ຢູ່ຕ່າງປະເທດ ກໍຄືຊາວຕ່າງປະເທດ ທີ່ອາໄສຢູ່ ສປປ ລາວ ທີ່ໄດ້ປະກອບສ່ວນຢ່າງຕັ້ງໜ້າເຂົ້າໃນພາ ລະກິດປົກປັກຮັກສາ ແລະ ສ້າງສາພັດທະນາປະເທດຊາດ, ອັນເປັນການສ້າງພື້ນຖານ ແລະຖ່ວງທ່າໃໝ່ ໃຫ້ແກ່ການນໍາເອົາປະເທດເຮົາ ສືບຕໍ່ກ້າວຂຶ້ນສູ່ຈຸດໝາຍທີ່ວາງໄວ້.

ເຖີ່ງວ່າກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກຈະອັດລົງດ້ວຍຜົນສຳເລັດຢ່າງຈົບງາມແຕ່ກໍ່ເປັນພຽງບາດກ້າວທຳອິດເທົ່ານັ້ນ. ເພາະບັນດາໜ້າວຽກ ແລະ ພາລະກິດອັນຫຍິ່ງໃຫຍ່ຂອງຊາດຍັງລໍຖ້າຢູ່ເບື້ອງໜ້າ ດັ່ງນັ້ນ,  ມັນຈຶ່ງມີຄວາມຈຳເປັນທີຈະຕ້ອງໄດ້ຮຽກຮ້ອງມາຍັງຄະນະພັກທຸກຂັ້ນ, ສະມາຊິກພັກທຸກສະຫາຍ ຈົ່ງເຊີດຊູຄວາມເປັນແບບຢ່າງນໍາໜ້າໃນທຸກດ້ານ ນໍາພາມະຫາຊົນ ປະຕິບັດມະຕິຂອງກອງປະຊຸມໃຫຍ່ຄັ້ງນີ້ ໃຫ້ປະກົດຜົນເປັນຈິງ. ພ້ອມກັນນີ້ ກໍຮຽກຮ້ອງມາຍັງພະນັກງານ, ນັກຮົບ, ປະຊາຊົນລາວບັນດາເຜົ່າ, ບັນດາຊັ້ນຄົນ ແລະ ພີ່ນ້ອງເຊື້ອຊາດລາວຜູ້ຮັກຊາດທີ່ດໍາລົງຊີວິດ ແລະ ທໍາມາຫາກິນຢູ່ຕ່າງປະເທດ ຈົ່ງເຊີດຊູນໍ້າໃຈຮັກຊາດ, ເສີມຂະຫຍາຍມານະຈິດບາກບັ່ນບຸກບືນເຂົ້້າໃສ່ການປະຕິບັດໜ້າທີ່, ທໍາມາຫາກິນ ແລະ ສ້າງສາ, ບູລະ ນະລະບອບປະຊາທິປະໄຕປະຊາຊົນ ກ້າວເດີນສູ່ຈຸດ ໝາຍສັງຄົມນິຍົມຢ່າງໜັກແໜ້ນ.

ຊົມເຊີຍຜົນສຳເລັດກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ  XI ຂອງພັກປະຊາຊົນປະຕິວັດລາວຢ່າງສຸດໃຈ!

Off
04th Jan2021

ປະທານ ໄກສອນ ພົມວິຫານ ຍືນຍົງໃນພາລະກິດປະຕິວັດ ຂອງປວງຊົນລາວຕະຫຼອດໄປ

by somchan

ປະທານ ໄກສອນ ພົມວິຫານ ແມ່ນຜູ້ນໍາປະຕິວັດທີ່ແສນເຄົາລົບຮັກຂອງປວງຊົນລາວທັງຊາດ, ທ່ານເກີດເມື່ອວັນທີ 13 ທັນວາ 1920 ທີ່ບ້ານນາເຊັງ, ເມືອງຄັນທະບູລີ ຫຼື ໃນປັດຈຸບັນແມ່ນ ນະຄອນໄກສອນ ພົມວິຫານ ແຂວງສະຫວັນນະເຂດ; ເປັນບຸດຂອງທ້າວ ລ້ວນ ກັບ ນາງ ດົກ ມີນ້ອງສາວ 2 ຄົນຄື: ນາງສະຫວັນທອງ ແລະ ນາງ ແກ້ວມະນີ; ເມື່ອອາຍຸໄດ້ 7 ປີ ທ່ານໄດ້ເຂົ້າຮຽນຊັ້ນປະຖົມພາສາລາວ ແລະ ໂຮງຮຽນພາສາຝຣັ່ງໃນເວລາຕໍ່ມາ, ຈາກນັ້ນ ໃນປີ 1934 ໄດ້ເຂົ້າຮຽນທີ່ໂຮງຮຽນວິທະຍາໄລໂປຼເຕັກໂຕຣາ ທີ່ຮ່າໂນ້ຍ ປະເທດຫວຽດນາມ, ເມືອຮຽນຈົບໃນປີ 1942 ກໍໄດ້ເສັງເຂົ້າຮຽນມະຫາວິທະຍາໄລ ໃນສາຂາວິຊາການແພດ ຕາມຄໍາແນະນໍາຂອງພໍ່ ແຕ່ເມື່ອວິຊາດັ່ງກ່າວບໍ່ຖືກກັບຄວາມມັກຂອງເພິ່ນ ຈຶ່ງໄດ້ປ່ຽນມາຮຽນວິຊາກົດໝາຍ.

ການຮຽນວິຊາກົດຫມາຍໄດ້ເຮັດໃຫ້ທ່ານໄດ້ຮຽນຮູ້ກ່ຽວກັບກົນໄກການປົກຄອງແບບຫົວເມືອງຂື້ນຂອງຝຣັ່ງ, ໄດ້ຮຽນຮູ້ກ່ຽວກັບຂະບວນການຕໍ່ສູ້ຂອງນັກຮຽນນັກສຶກສາທີ່ຮັກຊາດຕ້ານລັດທິລ່າເມືອງຂື້ນ. ທີ່ພົ້ນເດັ່ນໃນໄລຍະນັ້ນແມ່ນຂະບວນການຫວຽດມິນພາຍໃຕ້ການນໍາພາຂອງພັກກອມມູນິດອິນດູຈີນ ແລະ ປະທານໂຮຈິມິນ, ພ້ອມກັນນີ້ ປະທານ ໄກສອນ ພົມວິຫານ ຍັງໄດ້ສຶກສາເອກະສານ ແລະ ໜັງສືພິມທີ່ເປັນກະບອກສຽງຂອງພັກກອມມູນິດອິນດູຈີນ ເຊັ່ນ: ຫນັງສືທິດສະດີປະຕິວັດ ເຊິ່ງໃນນັ້ນລວມທັງມະຕິຂອງກອງປະຊຸມສາກົນກອມມູນິດ ໃນປີ 1919 ແລະ ຫນັງສືອື່ນໆ. ດ້ວຍເງື່ອນໄຂ ແລະ ສະພາບແວດລ້ອມທີ່ເຕັມໄປດ້ວຍບັນຍາກາດແຫ່ງການຕໍ່ສູ້ຂອງຫວຽດມິນໄດ້ສົ່ງຜົນກະທົບໂດຍກົງຕໍ່ແນວຄິດ ແລະ ເສັ້ນທາງຊີວິດຂອງທ່ານ. ໃນປີ 1944 ປະທານໄກສອນ ພົມວິຫານ ໄດ້ເຂົ້າເປັນສະມາຊິກຂອງສະມາຄົມໄວໝຸ່ມກູ້ຊາດຫວຽດມິນ ທ່ານໄດ້ເຂົ້າຮ່ວມກິດຈະກໍາ ຂອງສະມາຄົມຢ່າງຫຼວງຫຼາຍ ເຮັດໃຫ້ທ່ານໄດ້ຮຽນຮູ້ການເຄື່ອນໄຫວຂອງຫວຽດມິນໄດ້ເປັນຢ່າງດີ. ເຊິ່ງເປັນບາດກ້າວທໍາອິດຂອງການກ້າວເຂົ້າສູ່ເສັ້ນທາງການເຄື່ອນໄຫວປະຕິວັດ; ຈາກນັ້ນໃນປີ 1945 ປະທານໄກສອນ ພົມວິຫານ ກໍໄດ້ເຂົ້າຮ່ວມຂະບວນການຍຶດອໍານາດການປົກຄອງຈາກຍີ່ປຸ່ນ ຢູ່ແຂວງສະຫວັນນະເຂດ.

ຕໍ່ມາໃນວັນທີ 27 ກຸມພາ 1948 ສູນກາງພັກກອມມູນິດອິນດູຈີນໄດ້ຕົກລົງສ້າງຕັ້ງກອງຕະລຸມບອນເຂດລາວເຫນືອຂຶ້ນ ແລະ ປະທານ ໄກສອນ ພົມວິຫານ ໄດ້ຖືກມອບໝາຍໃຫ້ເປັນຫົວໜ້າ ເຊິ່ງມີຫນ້າທີ່ນໍາພາເຮັດວຽກງານກໍ່ສ້າງຮາກຖານການເມືອງ, ຈັດຕັ້ງກອງກໍາລັງປະກອບອາວຸດ, ສ້າງຖານທີ່ຫມັ້ນທໍາອິດຂອງການປະຕິວັດຢູ່ເຂດຕາເວັນອອກສ່ຽງເຫນືອຂອງລາວ ຄື ເຂດບໍລິເວນລາວຮຸ່ງ, ພຽງສາ, ມອງນ້ໍາ, ຜາຫຼວງ ແລະ ເມືອງຊຽງຄໍ້ ແຂວງຫົວພັນເປັນໃຈກາງ.

ຜ່ານການຝຶກຝົນທົດສອບຢ່າງລະອິດລະອ້ຽວໃນຂະບວນການປະຕິວັດ ໃນວັນທີ 6 ມັງກອນ 1949 ປະທານ ໄກສອນ ພົມວິຫານ ໄດ້ສະຫມັກເຂົ້າເປັນສະມາຊິກພັກກອມມູນິດອິນດູຈີນ ແລະ ໄດ້ຖືກຮັບເຂົ້າເປັນສະມາຊິພັກສົມບູນຂອງພັກ ໃນວັນທີ 28 ກໍລະກົດ 1949; ຈາກນັ້ນ ໃນວັນທີ 20 ມັງກອນ 1949 ປະທານໄກສອນ ພົມວິຫານ ໄດ້ປະກາດສ້າງຕັ້ງກອງທັບລາວອິດສະຫຼະຂຶ້ນ ພ້ອມທັງໄດ້ຖືກແຕ່ງຕັ້ງເປັນຜູ້ບັນຊາການກອງທັບລາວອິດສະຫຼະ, ຈາກນັ້ນໃນເດືອນ ສິງຫາ 1950 ທ່ານໄດ້ຮັບເລືອກຕັ້ງເປັນກໍາມະການໃນຄະນະກໍາມະການສູນກາງແນວລາວອິດສະຫຼະ ແລະ ເປັນລັດຖະມົນຕີກະຊວງປ້ອງກັນຊາດຂອງລັດຖະບານລາວຕໍ່ຕ້ານ; ຈາກນັ້ນ ປະທານ ໄກສອນ ພົມວິຫານ ກໍໄດ້ສຸມໃສ່ ນໍາພາກໍສ້າງ ແລະ ຂະຫຍາຍກໍາລັງປະກອບອາວຸດ, ປຸກລະດົມຂະບວນການຕໍ່ສູ້ແບບກອງຫຼອນ, ປັບປຸງ ແລະ ຂະຫຍາຍຖານທີ່ຫມັ້ນການປະຕິວັດທີ່ຫມັ້ນຄົງຕາມລັກສະນະຂອງລັດຫນຶ່ງທີ່ເປັນເຈົ້າຕົນເອງ; ພາຍຫຼັງພັກປະຊາຊົນປະຕິວັດລາວ ໄດ້ຮັບການສ້າງຕັ້ງຂຶ້ນໃນວັນທີ 22 ມີນາ 1955 ປະທານ ໄກສອນ ພົມວິຫານ ໄດ້ຮັບການເລືອກຕັ້ງເປັນເລຂາທິການຄະນະຊີ້ນໍາສູນກາງພັກ ທັງເປັນເລຂາທິການພັກທະຫານສູນກາງ ແລະ ເປັນຜູ້ບັນຊາການສູງສຸດບັນດາກໍາລັງປະກອບອາວຸດ; ດ້ວຍຖານະຕໍາແຫນ່ງ ແລະ ຫນ້າທີ່ຄວາມຮັບຜິດຊອບອັນໃຫຍ່ຫຼວງທີ່ໄດ້ຮັບມອບຫມາຍຈາກຄວາມເຊື່ອໜັ້ນຈາກບັນດາຄະນະນໍາຂອງການປະຕິວັດ, ບັນດາສະມາຊິກພັກ, ນັກຮົບປະຕິວັດ ແລະ ປະຊາຊົນບັນດາເຜົ່າ.

ປະທານໄກສອນ ພົມວິຫານ ໄດ້ອຸທິດເຫື່ອແຮງ, ປັນຍາເຂົ້າໃນການຊີ້ນໍາ-ນໍາພາເຕົ້າໂຮມຄວາມສາມັກຄີ, ປຸກລະດົມນໍ້າໃຈຮັກຊາດ ແລະ ລຸກຮື້ຂຶ້ນຕໍ່ສູ້ຕ້ານຈັກກະພັດຕ່າງດ້າວ ເຮັດໃຫ້ຂະບວນການປະຕິວັດຕໍ່ສູ້ກູ້ຊາດນັບມື້ເຕີບໃຫຍ່ ແລະ ເຂັ້ມແຂງ ສາມາດຕີເອົາຊະນະສັດຕູທີ່ມີກໍາລັງ ແລະ ອາວຸດເຫນືອກວ່າຫຼາຍເທົ່າຢູ່ໃນບັ້ນຮົບຕ່າງໆ; ພົ້ນເດັ່ນແມ່ນການຊີ້ນໍາບັ້ນຮົບທັບມ້າງຍຸດທະສາດ ປີນຂັ້ນໄດຂອງສົງຄາມພິເສດ ແລະ ສົງຄາມພິເສດເພີ່ມທະວີ ຂອງຈັກກະພັດອາເມລິກາ ເຊິ່ງພວກເຂົາໄດ້ມີການລະດົມກໍາລັງເປີດບັ້ນຮົບບຸກໂຈມຕີຂະຫນາດໃຫຍ່ທັງນໍາໃຊ້ເຮືອບິນຖີ້ມລະເບີດແບບປູພົມ ແລະ ໂຈມຕີທາງພາກພື້ນດີນ ເຊັ່ນ: ບັ້ນຮົບສາມສອນ, ບັ້ນຮົບກູ້ກຽດ, ບັ້ນຮົບທະນົງກຽດ, ບັ້ນຮົບລາມເຊິນ ແລະ ອື່ນໆ ຈົນສາມາດປົດປ່ອຍປະເທດຊາດອອກຈາກແອກປົກຄອງຂອງຈັກກະພັດລ່າເມືອງຂື້ນ ແລະ ຕ້ານການຮຸກຮານຂອງຈັກກະພັດຕ່າງດ້າວ; ພ້ອມທັງສະຖາປານາ ສາທາລະນະລັດ ປະຊາທິປະໄຕ ປະຊາຊົນລາວ ໃນວັນທີ 2 ທັນວາ 1975;

ຫຼັງຈາກນັ້ນ ປະທານໄກສອນ ພົມວິຫານ ກໍ່ໄດ້ສືບຕໍ່ນໍາພາທົ່ວປວງຊົນປົກປັກຮັກສາ ແລະ ກໍ່ສ້າງລະບອບໃຫມ່; ພ້ອມທັງ ເປັນຜູ້ລິເລີ່ມໃນການຄົ້ນຄວ້າ, ຊອກຫາແນວທາງປ່ຽນແປງໃຫມ່ ເພື່ອນໍາພາປົກປັກຮັກສາ ແລະ ສ້າງສາພັດທະນາປະເທດຊາດ ເພື່ອກ້າວຂຶ້ນສູ່ຈຸດຫມາຍສັງຄົມນິຍົມ.

ເຊິ່ງແບບຢ່າງທາງດ້ານຄຸນສົມບັດ, ທາດແທ້ປະຕິວັດ, ຄວາມຈົ່ງຮັກພັກດີ, ຄວາມເດັດດ່ຽວຫນຽວແຫນ້ນ ຂອງປະທານໄກສອນ ພົມວິຫານ ໄດ້ກາຍເປັນບົດຮຽນທີ່ລໍ້າຄ່າ ແລະ ແວ່ນແຍງອັນໃສແຈ້ງ; ພ້ອມກັນນີ້ ແບບຢ່າງຂອງນໍ້າໃຈຮັກຊາດ, ນໍ້າໃຈເສຍສະຫຼະ, ຈິດໃຈອົງອາດກ້າຫານໃນການຕໍ່ສູ້ ແລະ ຄວາມສະຫຼາດສ່ອງໃສໃນການນໍາພາ ຂອງປະທານໄກສອນ ພົມວິຫານ ຍັງແມ່ນມໍລະດົກ ອັນລໍ້າຄ່າ ແລະ ຍືນຍົງໃນພາລະກິດປະຕິວັດຂອງປວງຊົນລາວຕະຫຼອດໄປ.

 

 

Off
07th Aug2020

ສານຂອງ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ປະທານຄະນະກໍາມະການຕ້ານການຄ້າມະນຸດລະດັບຊາດ ເນື່ອງໃນໂອກາດວັນສາກົນເພື່ອຕ້ານການຄ້າມະນຸດ ປະຈໍາປີ 2020

by somchan

ພີ່ນ້ອງຮ່ວມຊາດ ທີ່ຮັກແພງທັງຫຼາຍ

ເນື່ອງໃນໂອກາດວັນສາກົນຕ້ານການຄ້າມະນຸດ ວັນທີ 30 ກໍລະກົດ 2020 ໄດ້ຫມູນວຽນມາບັນຈົບ ອີກວາລະຫນຶ່ງ, ຕາງຫນ້າໃຫ້ການນໍາພັກ-ລັດ ແລະ ໃນນາມສ່ວນຕົວ, ຂ້າພະເຈົ້າຂໍ ຄວາມຮັກແພງ ແລະ ຄວາມຢ້ຽມຢາມຖາມຂ່າວອັນອົບອຸ່ນ ມາຍັງທຸກພາກສ່ວນທີ່ກ່ຽວຂ້ອງຢູ່ສູນກາງ ແລະ ທ້ອງຖິ່ນ ຕະຫຼອດຮອດປະຊາຊົນລາວບັນດາເຜົ່າທຸກຊັ້ນຄົນໃນທົ່ວປະເທດ ແລະ ຂໍອວຍພອນໄຊອັນປະເສີດມາຍັງພະນະທ່ານ ຈົ່ງມີ ຂະ ພາບເຂັ້ມແຂງ, ມີຄວາມເບີກບານມ່ວນຊື່ນ ໃນໂອກາດນີ້ດ້ວຍ.

ບັນຫາການຄ້າມະນຸດ ເປັນອາຊະຍາກໍາທີ່ຮ້າຍແຮງ, ໄດ້ລະເມີດສິດປານນັ້ນ ຖານ ຂອງພົນລະເມືອງຕາມທີ່ໄດ້ກໍານົດໄວ້ໃນລັດຖະທໍາມະນູນ ແລະ ກົດຫນາຍ ກໍ່ຄືສິນຫລັນຍາສາກົນ ທີ່ໄດ້ສົ່ງຜົນ ກະທົບໂດຍກົງຕໍ່ ຮ່າງກາຍ, ຊີວິດ, ຈິດໃຈຂອງຜູ້ຖືກເຄາະຮ້າຍ, ຕໍ່ຄອບຄົວ, ຕໍ່ການພັດທະນາເສດຖະກິດສັງຄົມ ແລະ ຄວາມຫມັ້ນຄົງຂອງຊາດ.

ສາທາລະນະລັດ ປະຊາທິປະໄຕ ປະຊາຊົນລາວ ກໍເປັນປະເທດຫນຶ່ງ ທີ່ມີປັນຫາການຄ້າມະນຸດ ຊົງຊວນ ຫຼາຍ ເປັນປະເທດຕົ້ນທາງ ແລະ ທາງຜ່ານຂອງການຄ້າມະນຸດ ເນື່ອງຈາກທີຕັ້ງພູມສັນຖານຂອງປະເທດມີ ຄວາມສະດວກໃນການເດີນທາງເຂົ້າ-ອອກຂອງພົນລະເມືອງ, ຜ່ານມາ ພວກຄ້າມະນຸດ ມີຕານດອນໄທ ຊອກຫາ, ເຄື່ອນຍ້າຍ, ຂົນສົ່ງ, ໃຫ້ບ່ອນພັກເຊົາ, ລີ້ຊ່ອນ, ຕົວະຍົວະ ຫຼວງລວງ ຊື້ຈ້າງ ສວຍໃຊ້ອໍານາດ, ຕົວະຍົວະຫຼອກລວງ, ການຫມັ້ນຫມາຍແອບແຝງ, ແຕ່ງດອງແອບແຝງ, ການໃຫ້ຖືພາ, ການຄ້າໂສເພນີ ການ ບັງຄັບໃຫ້ເປັນໂສເພນີ ທີ່ຂັດກັບກົດຫມາຍ ແລະ ວັດທະນະທໍາອັນດີງາມຂອງຊາດ ເພື່ອຫາປະໂຫຍດຂອງ ຕົນເອງຕະຫຼອດມາ, ບັນຫາທີ່ຫນ້າເປັນຫ່ວງທີ່ສຸດ ແມ່ນພົນລະເມືອງລາວ ໄດ້ຖືກຕົວະຍົວະຫຼອກລວງ ໄປອອກແຮງງານ, ໄປທ່ອງທ່ຽວ, ໄປແຕງດອງຢູ່ຕ່າງປະເທດ ແລ້ວຕົກເປັນຜູ້ຖືກເຄາະຮ້າຍຈາກການ ຄ້າມະນຸດ ) ຈໍານວນຫຼາຍພໍສົມຄວນ;

ຍ້ອນເຫັນໄດ້ບັນຫາດັ່ງກ່າວ ລັດຖະບານ ຈື່ງໄດ້ຖືເອົາການປ້ອງກັນສະກັດກັ້ນ ແລະ ແກ່ໄຂບັນຫາການ ຄ້າມະນຸດ ເປັນສໍາຄັນ ແລະ ໄດ້ຊີ້ນໍາ-ນໍາພາການຈັດຕັ້ງປະຕິບັດວຽກງານດັ່ງກ່າວ ຢ່າງຈົດຈໍ່ ແລະ ເອົາຈິງເອົາ ຈັງຕະຫຼອດມາ ເປັນຕົ້ນ ໄດ້ເອົາໃຈໃສ່ໃນການປັບປຸງກົງຈັກການຈັດຕັ້ງວຽກງານຕ້ານການຄ້າມະນຸດ ໃຫ້ເປັນ ລະບົບ, ມີຄວາມເຂັ້ມແຂງ ນັບທັງສູນກາງ ແລະ ທ້ອງຖິ່ນ, ສ້າງ, ປັບປຸງຄູມີ, ນິຕິກໍາກ່ຽວຂ້ອງເປັນບ່ອນອິງ ໃນການຈັດຕັ້ງປະຕິບັດ, ໄດ້ເອົາໃຈໃສ່ເຮັດວຽກງານໂຄສະນາປູກຈິດສໍານຶກໃຫ້ແກ່ສັງຄົມ ດ້ວຍການສ້າງສື່ ສິ່ງໂຄສະນາ, ລະຄອນ, ບົດເພັງ ດ້ວຍຫຼາຍຮູບ, ຫຼາຍວິທີ ແລະ ໂດຍໂຄສະນາຜ່ານສື, ຜ່ານສັງຄົມອອນລາຍ, ວິທະຍຸ, ໂທລະພາບ, ຫນັງສືພິມ ແລະ ອື່ນໆ ເພື່ອໃຫ້ປະຊາຊົນ ຮັບຮູ້ ແລະ ເຂົ້າໃຈ ຢ່າງຖືກຕ້ອງຕໍ່ຄວາມ ເປັນອັນຕະລາຍ ແລະ ຜົນກະທົບຂອງການຄ້າມະນຸດ, ພ້ອມທັງເອົາໃຈໃສ່ ໃນການປະຕິບັດມາດຕະການທາງ ດ້ານກົດຫມາຍ ຕໍ່ຜູ້ກະທໍາຜິດ ຢ່າງເຂັ້ມງວດ ແລະ ປົກປ້ອງຊ່ວຍເຫຼືອຜູ້ຖືກເຄາະຮ້າຍ, ກຸ່ມສ່ຽງຈາກການຄ້າ ມະນຸດ ທັງຢູ່ພາຍໃນ ແລະ ມາຈາກຕ່າງປະເທດໄດ້ຫຼາຍຄົນ ແລ້ວໃຫ້ການຊ່ວຍເຫຼືອພວກເຂົາຄືນສູ່ສັງຄົມ ແລະ ຄອບຄົວຢ່າງປອດໄພ, ພ້ອມກັນນັ້ນ ຍັງໄດ້ມີການພົວພັນຮ່ວມມືຢ່າງໃກ້ສິດ ເປັນເຈົ້າການ ແລະ ສະເຫມີ ຕົ້ນສະເຫມີປາຍ ກັບ ບັນດາປະເທດເພື່ອນມິດ, ປະເທດບ້ານໃກ້ເຮືອນຄຽງ ແລະ ບັນດາອົງການຈັດຕັ້ງສາກົນ ຕ່າງໆຕະຫຼອດມາ.

ໃນໂອກາດນີ້ ຕາງຫນ້າ ໃຫ້ລັດຖະບານ ສາທາລະນະລັດ ປະຊາທິປະໄຕ ປະຊາຊົນລາວ ຂ້າພະເຈົ້າ ຂໍ ຍ້ອງຍໍຊົມເຊີຍ ຕໍ່ຄະນະກໍາມະການຕ້ານການຄ້າມະນຸດລະດັບ ຊາດ, ແຂວງ, ນະຄອນຫຼວງ, ເມືອງ, ນະຄອນ, ແລະ ບັນດາຂະແຫນງການທີ່ກ່ຽວຂ້ອງ ຕະຫຼອດຮອດປະຊາຊົນລາວທຸກຊັ້ນຄົນໃນທົ່ວປະເທດ ທີ່ໄດ້ຕັ້ງຫນ້າເຂົ້າ ຮ່ວມໃນວຽກງານຕ້ານການຄ້າມະນຸດຢ່າງຈິງຈັງ, ພ້ອມກັນນີ້ ກໍ່ຂໍສະແດງຄວາມຂອບໃຈຢ່າງລົ້ນເຫຼືອ ມາຍັງ ບັນດາປະເທດເພື່ອນມິດ, ປະເທດບ້ານໃກ້ເຮືອນຄຽງ ແລະ ບັນດາອົງການຈັດຕັ້ງສາກົນ, ອົງການບໍ່ສັງກັດ ລັດຖະບານ ແລະ ບັນດາຜູ້ປະກອບການ ທັງຢູ່ພາຍໃນ ແລະ ຕ່າງປະເທດ ທີ່ໄດ້ໃຫ້ການສະຫນັບສະຫມູນ ອູ້ມຊູ ຊ່ວຍເຫຼືອໃຫ້ແກ່ລັດຖະບານ ແລະ ປະຊາຊົນ ເຂົ້າໃນວຽກງານຕ້ານການຄ້າມະນຸດ ໄດ້ຮັບຜົນດີ ເປັນຂັ້ນໆມາ.

ພີ່ນ້ອງຮ່ວມຊາດ ທີ່ຮັກແພງທັງຫຼາຍ !

ການຄ້າມະນຸດ ເປັນບັນຫາລວມຂອງຊາດ ແລະ ຂອງສາກົນ, ດັ່ງນັ້ນ ອີກເທື່ອຫນື່ງນະໂອກາດວັນ ສາກົນ ເພື່ອຕ້ານການຄ້າມະນຸດ 30 ກໍລະກົດ 2020 ນີ້, ໃນນາມລັດຖະບານ, ຂ້າພະເຈົ້າຂໍຮຽກຮ້ອງມາຍັງ ບັນດາອົງການຈັດຕັ້ງຂອງພັກ-ລັດ, ແນວລາວສ້າງຊາດ, ອົງການຈັດຕັ້ງມະຫາຊົນ ແລະ ຫົວຫນ່ວຍທຸລະກິດທັງ ພາກລັດ ແລະ ເອກະຊົນ ຕະຫຼອດເຖິງປະຊາຊົນ ໃນຂອບເຂດທົ່ວປະເທດ ຈົ່ງຍົກສູງຄວາມຮັບຜິດຊອບຂອງ ຕົ້ນ ແລະ ເພີ່ມທະວີອອກແຮງ ຈັດຕັ້ງປະຕິບັດວຽກງານຕ້ານການຄ້າມະນຸດ ແກ້ໄຂບັນຫາ, ສິ່ງທ້າທາຍ ແລະ ຂໍ້ຄົງຄ້າງໃນປະຈຸບັນ, ພ້ອມທັງເອົາໃຈໃສ່ ເຮັດວຽກງານໂຄສະນາ ເພື່ອປະຊາຊົນລາວບັນດາເຜົ່າທຸກຊັ້ນຄົນຢູ່ ສູນກາງ ແລະ ທ້ອງຖິ່ນຮາກຖານບ້ານ ປະຊາຊົນ ໄດ້ຮັບຮູ້ ແລະ ເຂົ້າໃຈຜົນຮ້າຍຂອງການຄ້າມະນຸດ ມີສະຕິປ້ອງ ກັນຕົວເອງ ແລະ ມີຄວາມຕື່ນຕົວປະກອບສ່ວນເຂົ້າໃນວຽກງານຕ້ານການຄ້າມະນຸດ ໃຫ້ຫຼາຍຂື້ນ, ພ້ອມນັ້ນ ຕ້ອງເພີ່ມທະວີວຽກງານກວດກາ, ຕິດຕາມ, ຄຸ້ມຄອງການເຂົ້າ-ອອກປະເທດຢູ່ບັນດາດ່ານຊາຍແດນ, ກຸ່ມສ່ຽງຢູ່ ພື້ນທີ່ຫຼໍ່ແຫຼມ ເຂດອຸດສະຫະກໍາ, ກະສິກໍາ, ບໍລິການບັນເທີງ ແລະ ພາກສ່ວນອື່ນໆ ທີ່ນໍາໃຊ້ແຮງງານເປັນຈໍາ ນວນຫຼາຍ; ເອົາໃຈໃສ່ການກໍານົດຕົວຜູ້ຖືກເຄາະຮ້າຍທັງພາຍໃນ, ຕ່າງປະເທດຢ່າງທັນເວລາ ແລະ ມີຄວາມ ປອດໄພ; ສ້າງ ແລະ ພັດທະນາສີມືແຮງງານ, ສ້າງວຽກເຮັດງານທໍາ ແລະ ຕະຫຼາດແຮງງານໃຫ້ມີຄວາມສອດ ຄ່ອງກັນ ນັບແຕ່ສູນກາງຫາທ້ອງຖິ່ນ ໃຫ້ຫຼາຍຂຶ້ນ, ຄຽງຄູ່ກັນນັ້ນ ຕ້ອງເພີ່ມທະວີສ້າງຄວາມເຂັ້ມແຂງໃຫ້ບຸກ ຄະລາກອນຢູ່ບັນດາຂະແຫນງການທີ່ກ່ຽວຂ້ອງ ເປັນຕົ້ນ : ຂະແຫນງການເຮັດວຽກງານຕ້ານການຄ້າມະນຸດ, ເຈົ້າ

ໜ້າທີປະຈຳຊາຍແດນ, ພະນັກງານການທູດປະຈໍາຢູ່ຕ່າງປະເທດ ໃຫ້ຮັບຮູ້ ແລະ ເຂົ້າໃຈຢ່າງເລິກເຊິ່ງ, ພ້ອມທັງສືບຕໍ່ພົວພັນຮ່ວມມືສອງຝ່າຍ, ຫຼາຍຝ່າຍ, ອົງການຈັດຕັ້ງສາກົນພາຍໃນ ແລະ ຕ່າງປະເທດ, ອົງ ການຈັດຕັ້ງທາງສັງຄົມ ເພື່ອຍາດແຍ່ງການສະຫນັບສະຫນູນປະກອບສ່ວນເຮັດວຽກງານຕ້ານການຄ້າມະນຸດ ໃຫ້ ມີປະສີດຜົນ ຂື້ນກວ່າເກົ່າ ແລະ ຕອບສະຫນອງງົບປະມານເຂົ້າໃນວຽກງານດັ່ງກ່າວ ຢ່າງເຫມາະສົມ..

ຂ້າພະເຈົ້າຫວັງຢ່າງຍິ່ງວ່າ ບັນດາຄູ່ຮ່ວມພັດທະນາ, ອົງການຈັດຕັ້ງສາກົນຕ່າງໆ, ອົງການຈັດຕັ້ງທາງ ສັງຄົມ, ສື່ມວນຊົນຈາກທຸກພາກສ່ວນ, ຜູ້ປະກອບການທັງພາຍໃນ ແລະ ຕ່າງປະເທດ ຈະສືບຕໍ່ໃຫ້ການສະຫນັບ ສະຫນູນ, ຮ່ວມມືຊ່ວຍເຫຼືອດ້ານທຶນຮອນ, ບົດຮຽນເຂົ້າໃນວຽກງານແກ້ໄຂບັນຫາການຄ້າມະນຸດ ເຮັດໃຫ້ບັນຫາການຄ້າມະນຸດ ຫຼຸດຫນ້ອຍຖອຍລົງ ແລະ ຫມົດສິ້ນໄປຈາກ ສປປ ລາວ ກໍຄືພາກພື້ນ ແລະ ສາກົນ.

 

 

Off
05th Feb2020

ສະຕິຊາດອັນສູງສົ່ງຂອງທົ່ວປວງຊົນ ແມ່ນຄວາມຮຽກຮ້ອງຕ້ອງການ ຂອງພາລະກິດປົກປັກຮັກສາ ແລະ ສ້າງສາພັດທະນາ ປະເທດຊາດ

by somchan

ປະ​ຈຸ​ບັນ ສະພາບ​ການ​ຂອງ​ໂລກ​ມີ​ການ​ຜັນ​ແປ​ໄປ​ຢ່າງ​ສະຫຼັບສັບ​ຊ້ອນ ເ​ຊິ່ງມີ​ທັງ​ອັນ​ດີທີ່ເອື້ອອຳນວຍ ​ແລະ​ ສິ່ງ​ທ້າ​ທ້າຍ​ທີ່ມີ​ຜົນ​ກະທົບ​​ຕໍ່ການ​ພັດ​ທະ​ນາ​ປະ​ເທດ​ຊາດ,​ ວິຖີ​ຊີວິດ ແລະ ສັງຄົມ​ລາວ​ຢ່າງຫຼີກ​ລ້ຽງບໍ່​ໄດ້, ເປັນຕົ້ນແມ່ນບັນຫາສົງຄາມກາງເມືອງຢູ່ບາງປະເທດ, ການກໍ່ການຮ້າຍ, ອາຊະຍາກຳຂ້າມຊາດ, ບັນຫາຂໍ້ຂັດແຍ່ງ ແລະ ວິ​ກິດ​ເສດຖະກິດ​ໂລກ​ທີ່ມີ​ຄວາມ​ຖົດຖອຍ, ​ການ​ຂາດ​ແຄນ​ອາຫານ,​ໂລກລະບາດ ​ແລະ ​ອື່ນໆ, (more…)

Off
30th Aug2019

ການກໍ່ສ້າງໜ່ວຍພັກປອດໃສ,ເຂັ້ມແຂງ ແລະ ໜັກແໜ້ນ ແມ່ນຄວາມຈໍາເປັນ ພາວະວິໄສ ເພື່ອເສີມຂະຫຍາຍມູນເຊື້ອ ດ້ານດີ, ເດັດດ່ຽວແກ້ໄຂ ຈຸດອ່ອນ ແລະ ສິ່ງທ້າທາຍທົດສອບ

by somchan

ພັກປະຊາຊົນ ປະຕິວັດລາວ ແມ່ນພັກກໍາອໍານາດ ນໍາພາທົ່ວປວງຊົນ ໃນການປົກປັກຮັກສາ ແລະ ພັດທະນາປະເທດຊາດ ຕາມເສັ້ນທາງກ້າວຂຶ້ນສູ່ຈຸດໝາຍສັງຄົມນິຍົມ. ຜ່ານມາ ພັກໄດ້ວາງຍຸດທະສາດ ໃນການສ້າງ ແລະ ປັບປຸງຕົນເອງ ເພື່ອຍົກສູງຄວາມສາມາດນໍາພາຂອງພັກ ໃນຫລາຍດ້ານ. (more…)

Off
22nd Aug2019

ລັດຖະທໍາມະນູນ ແຫ່ງ ສປປ ລາວ ແມ່ນການຫັນເອົາແນວທາງປ່ຽນແປງໃໝ່ ຂອງພັກມາເປັນກົດຫມາຍພື້ນຖານຂອງຊາດ

by somchan

ພາຍຫຼັງທີ່ປະເທດຊາດໄດ້ຮັບການປົດປ່ອຍ ແລະ ສະຖາປະນາເປັນ ສາທາລະນະລັດ ປະຊາທິປະໄຕ ປະຊາຊົນລາວ ກ່ອນອື່ນໝົດ ພັກ ແລະ ລັດຖະບານໄດ້ສຸມໃສ່ເຮັດ 2 ໜ້າທີ່ຍຸດທະສາດຄື: ປົກປັກຮັກສາ ແລະ ສ້າງສາພັດ ທະນາປະເທດຊາດກ້າວຂຶ້ນສັງຄົມນິຍົມ, ພ້ອມດຽວກັນນັ້ນ ການນໍາພາຂອງພັກ ແລະ ລັດ (more…)

Off
Pages:«12345»