ກອງປະຊຸມລັດຖະບານ ສະໄໝສາມັນ ປະຈຳເດືອນພຶດສະພາ 2022 ໄດ້ຈັດຂຶ້ນໃນ ວັນທີ 30 ພຶດສະພາ 2022 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ພັນຄຳ ວິພາວັນ, ນາຍົກລັດຖະມົນຕີ; ມີບັນດາທ່ານ ຮອງນາຍົກລັດຖະມົນຕີ ແລະ ສະມາຊິກລັດຖະບານ ເຂົ້າຮ່ວມ ຢ່າງພ້ອມພຽງ.
ໃນວັນທີ 22 ແລະ 29 ພຶດສະພາ 2022, ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ຢຶດຢາເສບຕິດໄດ້ຈຳນວນຫຼາຍ ພາຍຫຼັງພົນລະເມືອງດີອອກເກັບເຫັດແລ້ວພົບເຫັນວັດຖຸສົງໄສຄ້າຍຄືຢາບ້າແລ້ວແຈ້ງຕໍ່ເຈົ້າໜ້າທີ່ກວດສອບ ແລະ ປກສ ກຸ່ມທ່າງ່ອນ ໄດ້ລົງແກ້ໄຂເປົ້າໝາຍຢາເສບຕິດ ກັກຕົວໄດ້ 4 ຄົນ.
ເມື່ອບໍ່ດົນມານີ້ເຈົ້າໜ້າທີ່ ປກສ ເມືອງໄຊທານີ້ໃຫ້ຮູ້ວ່າ: ໃນວັນທີ 22 ພຶດສະພາ 2022 ໄດ້ຮັບແຈ້ງຈາກ ປກສ ກຸ່ມດົງໂດກ ວ່າ: ມີພົນລະເມືອງດີໄປເກັບເຫັດຢູ່ປ່າເຂດບ້ານຫ້ວຍເຕີຍຫາດ່ານຊ້າງ ແລ້ວໄປພົບເຫັນວັດຖຸຄ້າຍຄືຢາບ້າຖືກຖິ້ມໄວ້ໃນປ່າຂ້າງເສັ້ນທາງໃຫຍ່ລະຫວ່າງບ້ານຫ້ວຍເຕີຍຫາບ້ານໂນນສະອາດ. ເຈົ້າຫນ້າທີ່ໜ່ວຍງານ 303 ຈຶ່ງໄດ້ລົງສົມທົບກັບພາກສ່ວນທີ່ກ່ຽວຂ້ອງລົງກວດກາສະຖານທີ່ເກີດເຫດຕົວຈິງ ພົບເຫັນ: ຢາບ້າຈຳນວນ 07 ມັດ ກັບ 20 ຖົງນ້ອຍ ຖືກຖິ້ມໄວ້ຢູ່ປ່າຂ້າງເສັ້ນທາງໃຫຍ່ລະຫວ່າງບ້ານດ່ານຊ້າງຫາບ້ານໂນນສະອາດ ຕາມທີ່ພົນລະເມືອງດີແຈ້ງ; ຈຶ່ງໄດ້ເຮັດບົດບັນທຶກແລ້ວເກັບກູ້ຂື້ນມາຮັກສາໄວ້ຢູ່ທີ່ ປກສ ເມືອງໄຊທານີ.
ນອກນັ້ນ, ໃນວັນອາທິດ ທີ່ 29 ພຶດສະພາ 2022 ເຈົ້າໜ້າທີ່ ປກສ ກຸ່ມທ່າງ່ອນ ໄດ້ລົງແກ້ໄຂເປົ້າໝາຍ ຄ້າຂາຍຢາເສບຕິດ ສົມທົບກັບອົງການປົກຄອງບ້ານ ເຂົ້າກັກຕົວ ນາງ ລຸນ ອາຍຸ 30 ປີ ຢູ່ບ້ານອຸດົມຜົນ ກວດພົບຂອງກາງ ຢາບ້າ 10 ເມັດ ແລະ ທ້າວ ໂຍ ອາຍຸ 29 ປີ ຢູ່ບ້ານ ໂນນແຕ້ ແລ້ວໄດ້ສອບສວນຂະຫຍາຍຜົນນຳໄປສູ່ການກັກຕົວ ທ້າວ ໂອໄດ ອາຍຸ 36 ປີ ຢູ່ບ້ານອຸດົມຜົນ ແລະໄດ້ຊັດທອດຫາ ທ້າວ ຄອນ ອາຍຸ 22 ປີ. ດັ່ງນັ້ນ ທາງ ປກສ ກຸ່ມ ຈື່ງໄດ້ລົງສົມທົບກັບບ້ານກັກຕົວຜູ້ກ່ງວພ້ອມຂອງກາງ ຢາບ້າ ຈໍານວນ 38 ຖົງກັບ 140 ເມັດ.
ການແກ້ໄຂເປົ້າໝາຍຢາເສບຕິດຄັ້ງນີ້ຂອງ ປກສ ກຸ່ມທ່າງ່ອນ ສາມາດກັກຕົວ ໄດ້ 4 ຄົນ ຍີງ 1 ຄົນ ແລະ ຍືດຂອງກາງຢາບ້າທັງຫມົດ 7.750 ເມັດ, ເງິນ 800.000 ກີບ.
ຫ້ອງວ່າການສຳນັກງານນາຍົກລັດຖະມົນຕີໄດ້ຈັດພິທີສະເຫຼີມສະຫຼອງວັນເດັກນ້ອຍສາກົນຄົບຮອບ 98 ປີ ແລະ ປູກຕົ້ນແຫ່ງຊາດຄົບຮອບ 42 ປີ, ຢູ່ທີ່ຫໍປະຊຸມແຫ່ງຊາດ, ໃນວັນທີ 31 ພຶດສະພາ 2022 ນີ້, ໂດຍການໃຫ້ກຽດເຂົ້າຮ່ວມຂອງທ່ານ ພັນຄຳ ວິພາວັນ ນາຍົກລັດຖະມົນຕີ, ພົອ ຈັນສະໝອນ ຈັນຍາລາດ ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ, ມີບັນດາທ່ານລັດຖະມົນຕີ-ຮອງລັດຖະມົນຕີ ປະຈໍາສໍານັກງານນາຍົກລັດດຖະມົນຕີ, ພ້ອມດ້ວຍຄອບຄົວ, ພະນັກງານ-ລັດຖະກອນທັງພາກລັດ ແລະ ເອກະຊົນ, ບໍລິສັດຫ້າງຮ້ານ ແລະ ລູກຫຼານນ້ອງນ້ອຍອະນຸຊົນ-ເຍົາວະຊົນເຂົ້າຮ່ວມ.
ໃນວັນທີ 31 ພຶດສະພາ 2022ນີ້ ກົມໃຫຍ່ການເມືອງກະຊວງປ້ອງກັນຄວາມສະຫງົບ ໄດ້ເຊື່ອມຊຶມນິຕິກຳກ່ຽວກັບການກຳນົດຕຳແຫນ່ງງານຂອງກຳລັງປ້ອງກັນຄວາມສະຫງົບ ໃຫ້ພະນັກງານນຳພາ – ບັນຊາອ້ອມຂ້າງກົມໃຫຍ່ການເມືອງປ້ອງກັນຄວາມສະຫງົບ ໂດຍການເຂົ້າຮ່ວມຂອງ ພັອ ນາງ ວິໄລທອງ ມັງຫນໍ່ເມກ ຄະນະພັກກົມໃຫຍ່ ຫົວຫນ້າຫ້ອງການເມືອງ ມີບັນດາຫົວຫນ້າ – ຮອງກົມ ຫົວຫນ້າຫ້ອງ – ຮອງຫ້ອງ ຕະຫລອດຮອດບັນດາສະຫາຍ,ຫົວຫນ້າ – ຮອງພະແນກ ທົ່ວກົມໃຫຍ່ເຂົ້າຮ່ວມ. (more…)
ຄະນະບໍລິຫານງານຊາວໜຸ່ມ ກະຊວງ ປກສ ໄດ້ສໍາເລັດຊຸດຝຶກອົບຮົມວຽກງານການນໍາຊາວໜຸ່ມ ກະຊວງ ປກສ ຄັ້ງທີ 1 ປະຈໍາປີ 2022 ພາຍຫຼັງທີ່ໄດ້ດໍາເນີນມາແຕ່ວັນທີ 25 ພຶດສະພາ ໂດຍການເຂົ້າຮ່ວມຂອງ ພົຈວ ປອ ສຸວັນນີ ສີສຸພາບມີໄຊ ຮອງຫົວໜ້າກົມໃຫຍ່ການເມືອງ ປກສ ມີເລຂາຄະນະບໍລິຫານງານຊາວໜຸ່ມ ກະຊວງ ປກສ, ສໍາມະນາກອນທີ່ມາຈາກຄະນະຊາວໜຸ່ມ 16 ກົມກອງ ອ້ອມຂ້າງກະຊວງ (more…)
ກະຊວງສຶກສາທິການ ແລະ ກີລາ ຈັດພິທີສະເຫຼີມສະຫຼອງວັນສ້າງສາຍພົວພັນການທູດຄົບຮອບ 60 ປີ ແລະ ວັນເຊັນສົນທິສັນຍາມິດຕະພາບ ແລະ ການຮ່ວມມືລາວ-ຫວຽດນາມ ຄົບຮອບ 45 ປີ ທ້າຍອາທິດທີ່ຜ່ານມານີ້ ທີ່ສະໂມສອນ ມະຫາວິທະຍາໄລແຫ່ງຊາດ ໂດຍມີທ່ານ ຮສ ປອ ພຸດ ສິມມາລາວົງ ລັດຖະມົນຕີ ກະຊວງສຶກສາທິການ ແລະ ກີລາ, ທ່ານ ຫງຽນ ບ໋າ ຮຸ່ງ ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສສ ຫວຽດນາມ ປະຈຳລາວ, ບັນດາທ່ານອະດີດພະນັກງານການນໍາ ພ້ອມດ້ວຍທ່ານຮອງລັດຖະມົນຕີກະຊວງ ກະຊວງສຶກສາທິການ ແລະ ກີລາ, ອະທິການບໍດີ, ຄະນະບໍດີ, ແຂກຖືກເຊີນ ເຂົ້າຮ່ວມ.
ວັນທີ 29 ພຶດສະພາ 2022 ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ,ຜູ້ຊີ້ນຳວຽກງານຂົງເຂດເສດຖະກິດ ພ້ອມດ້ວຍຄະນະ ໄດ້ເຄື່ອນ ໄຫວເຮັດວຽກຢູ່ເຂດເສດຖະກິດພິເສດບໍ່ເຕ່ນແດນງາມ,ແຂວງຫຼວງນ້ຳທາ ມີທ່ານ ຄຳໄຫຼ ສີປະເສີດ ເຈົ້າແຂວງໆຫຼວງນໍ້າທາ,ບັນດາການນໍາຂອງແຂວງ, ຂອງເມືອງ ແລະ ຄະນະຄຸ້ມຄອງເຂດເສດຖະກິດພິເສດບໍ່ເຕ່ນແດນງາມ,ຜູ້ພັດທະນາເຂດເສດຖະກິດພິເສດ ພ້ອມດ້ວຍພາກ ສ່ວນທີ່ກ່ຽວຂ້ອງໃຫ້ການຕ້ອນຮັບ.
ໃນໂອກາດທີ່ທ່ານ ພັນຄຳ ວິພາວັນ, ນາຍົກ ລັດຖະມົນຕີ ພ້ອມດ້ວຍຄະນະເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງອັດຕະປື,ໃນວັນທີ 28 ພຶດສະພາ 2022 ທ່ານນາຍົກລັດຖະມົນຕີໄດ້ຊີ້ນຳໃຫ້ອົງການປົກຄອງແຂວງອັດຕະປື ເອົາໃຈໃສ່ຕື່ມ 3 ວຽກຕົ້ນຕໍ ຄື: ພ້ອມກັນເອົາໃຈໃສ່ ຈັດຕັ້ງປະຕິບັດ 2 ວາລະແຫ່ງຊາດ (more…)
ສະຫະພັນກໍາມະບານ,ກະຊວງປ້ອງກັນຄວາມສະຫງົບ,ຈັດພິທີປູກຕົ້ນແລະປ່ອຍປາ,ເພື່ອສ້າງຂະບວນການຂໍ່ານັບຮັບຕ້ອນວັນສໍາຄັນຕ່າງໆຂອງພັກ-ຂອງຊາດເວົ້າລວມ,ເວົ້າເພາະ (more…)
ໂດຍຈັດຕັ້ງປະຕິບັດຜັນຂະຫຍາຍວ່າລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ,ໃນວັນທີ 27 ພຶດສະພາ 2022ນີ້,ປກສ ກຸ່ມເວີນແຄນປະສານສົມທົບກັບໜ່ວຍງານຕໍາຫຼວດສະກັດກັ້ນແລະຕ້ານຢາ ເສບຕິດ (more…)
