15th Jun2022

ປກສ ກຸ່ມ 4 ສາລະຄຳ ຊີ້ນຳ-ນຳພາອຳນາດການປົກຄອງ 14 ບ້ານສຸມໃສ່ການຈັດຕັ້ງວາລະແຫ່ງຊາດ

by Peaung Thanonkeo

ພັທ ຄຳໃສ ສຸລະວົງ ຫົວຫນ້າປກສ ກຸ່ມ 4 ສາລາຄຳ ເມືອງຫາດຊາຍຟອງ ໄດ້ໃຫ້ສຳພາດວ່າ: ເພື່ອເປັນການຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂຢາເສບຕິດ ໃຫ້ເຂົ້າສູ່ລວງເລິກແລະ ແທດເຖິງ ທ້ອງຖີ່ນຮາກຖານ. ປກສ ກຸ່ມ 4 ສາລາຄຳ ເມືອງຫາດຊາຍຟອງ ໄດ້ຊີ້ນຳ-ນຳພາອຳນາດການປົກຄອງ 14 ບ້ານ (more…)

Off
15th Jun2022

ສສຊ ສະເໜີຫຼາຍບັນຫາຕໍ່ແຜນພັດທະນາເສດຖະກິດ-ສັງຄົມຂອງລັດຖະບານ.

by somchan

ການດຳເນີນກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດ ຊຸດທີ 9 ໃນຕອນເຊົ້າຂອງມື້ນີ້ ທີ່ຫໍສະພາແຫ່ງຊາດ ນະຄອນຫຼວງວຽງຈັນ ພາຍໃຕ້ການເປັນປະທານຂອງ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ສະມາຊິກສະພາແຫ່ງຊາດຈາກແຕ່ລະເຂດເລືອກຕັ້ງ ໄດ້ພ້ອມກັນຄົ້ນຄວ້າ ປະກອບຄຳເຫັນເຂົ້າໃສ່ບົດລາຍງານຂອງລັດຖະບານຢ່າງເປັນຂະບວນຟົດຟື້ນ ກົງໄປກົງມາ ແລະ ສ້າງສັນ ກ່ຽວກັບຫຼາຍບັນຫາທີ່ເຫັນວ່າ ບັນດາຂະແໜ່ງການທີ່ກ່ຽວຂ້ອງກັບລັດຖະບານ ທັງສູນກາງ ແລະ ທ້ອງຖິ່ນປະຕິບັດບໍ່ທັນໄດ້ດີເທົ່າທີ່ຄວນ ແລະ ຕ້ອງໄດ້ປັບປຸງແກ້ໄຂໃຫ້ດີຂຶ້ນ ເພື່ອແນໃສ່ເຮັດໃຫ້ເສດຖະກິດ-ສັງຄົມຂອງລາວ ໄດ້ຮັບການພັດທະນາດີຂຶ້ນກວ່າເກົ່າ ທ່ານ ວຽງໄຊ ສີວິໄລ ສະມາຊິກສະພາແຫ່ງຊາດປະຈຳເຂດເລືອກຕັ້ງທີ 9 ແຂວງຊຽງຂວາງ ມີຄຳເຫັນບາງເນື້ອໃນຕາມບົດລາຍງານຂອງລັດຖະບານ ແລະ ທິດທາງແຜນການ 6 ເດືອນທ້າຍປີ 2022. ໃນນີ້ ທ່ານມີຄຳເຫັນໃນ3 ບັນຫາ ໃນແຜນພັດທະນາເສດຖະກິດ-ສັງຄົມຂອງລັດຖະບານ ເປັນຕົ້ນແມ່ນການຍົກລະດັບຊີວິດການເປັນຢູ່ຂອງປະຊາຊົນໃຫ້ດີຂຶ້ນ, ການຄຸ້ມຄອງບໍລິຫານລັດໃຫ້ມີປະສິດທິພາບ, ແຜນກົນໄກ ແລະ ມາດຕະການຈັດຕັ້ງປະຕິບັດວຽງານຂອງລັດຖະບານໃນ 6 ເດືອນທ້າຍປີ 2022.

ນອກຈາກນີ້, ພັທ ເນັ່ງສີດາ ເບຍລີມົວ ສະມາຊິກສະພາແຫ່ງຊາດປະຈຳເຂດເລືອກຕັ້ງທີ 5 ແຂວງບໍ່ແກ້ວ ໄດ້ມີຄຳເຫັນແລກປ່ຽນ 3 ຄຳເຫັນ ຕົ້້ນຕໍຄື: ບັນຫາແລກປ່ຽນເງິນຕາ, ນ້ຳມັນເຊື້ອໄຟ, ສິນຄ້າລາຄາແພງ ແລະ ບັນຫາອື່ນໆ.

ສຳລັບຕອນບ່າຍມື້ນີ້ຕາມວາລະດຳເນີນກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ 9 ສະມາຊິກສະພາແຫ່ງຊາດຈະໄດ້ຮັບຝັງການຊີ້ແຈ້ງຕໍ່ຄຳຊັກຖາມຂອງສະມາຊິກສະພາແຫ່ງຊາດ ຈາກທ່ານລັດຖະມົນຕີກະຊວງແຜນການ ແລະ ການລົງທຶນ, ກະຊວງການເງິນ ແລະ ຜູ້ວ່າການທະນາຄານແຫ່ງ ສປປລາວ.

Off
15th Jun2022

6 ເດືອນຜ່ານມາລັດຖະບານມີຜົນສຳເລັດໃນການປະຕິບັດແນວທາງປ້ອງກັນຊາດ-ປ້ອງກັນຄວາມສະຫງົບ

by Peaung Thanonkeo

ໃນໂອກາດລາຍງານຕໍ່ກອງປະຊຸມສະໄໝສາມັນ ເທື່ອທີ 3 ຂອງສະພາແຫ່ງຊາດ ຊຸດທີ IX. ທ່ານ ພັນຄໍາ ວິພາວັນ ນາຍົກລັດຖະມົນຕີ ໄດ້ຍົກໃຫ້ເຫັນການຈັດຕັ້ງປະຕິບັດວຽກງານດ້ານປ້ອງກັນຊາດ-ປ້ອງກັນຄວາມສະຫງົບ ແລະ ການພົວພັນສາກົນຂອງລັດຖະບານໃນໄລຍະ 6 ເດືອນຜ່ານມາວ່າ: ລັດຖະບານໄດ້ເອົາໃຈໃສ່ດ້ານປ້ອງກັນຊາດ-ປ້ອງກັນຄວາມສະຫງົບ ແລະ ການພົວພັນສາກົນຢ່າງຕໍ່ເນື່ອງ, ໃນນີ້ໄດ້ສຸມໃສ່ປະຕິບັດແນວທາງ ປ້ອງກັນຊາດ-ປ້ອງກັນຄວາມສະຫງົບ ໄດ້ສຸມໃສ່ວຽກງານ ປກສ-ປກຊ ທົ່ວປວງຊົນຮອບດ້ານ ເຮັດໃຫ້ປະເທດຊາດພວກເຮົາສືບຕໍ່ມີສະຖຽນລະພາບດ້ານການເມືອງ, ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍ.

ການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດກໍ່ມີບາດກ້າວທີ່ດີຂຶ້ນ ໃນນັ້ນໄດ້ປະຕິບັດ 6 ແຜນວຽກຈຸດສຸມທີ່ກໍານົດໄວ້ ໂດຍມອບຄວາມຮັບຜິດຊອບໃຫ້ຂະແຫນງການ-ອົງການ, ລວມທັງອົງການປົກຄອງທ້ອງຖິ່ນແຕ່ລະຂັ້ນຈັດຕັ້ງປະຕິບັດ ຊຶ່ງເຮັດໃຫ້ການແກ້ໄຂບັນຫາຢາເສບຕິດມີປະສິດທິຜົນດີຂຶ້ນ, ສາມາດມ້າງຄະດີຢາເສບຕິດໃນຂອບເຂດທົ່ວປະເທດໄດ້ທັງຫມົດ 3.848 ເລື່ອງ, ຈັບຜູ້ຖືກກ່າວຫາໄດ້ 5.393 ຄົນ, ຍຶດຢາເສບຕິດປະເພດຢາບ້າໄດ້ 17.261 ກິໂລກຣາມ ແລະ ສານເຄມີປະສົມຢາເສບຕິດອື່ນໆ ອີກຈໍານວນຫຼາຍ. ສໍາລັບການພົວພັນສາກົນ ໄດ້ສືບຕໍ່ເສີມຂະຫຍາຍການພົວພັນຮ່ວມມືກັບຕ່າງປະເທດ ແລະ ປະເທດເພື່ອນມິດຍຸດທະສາດ. ພິເສດແມ່ນປະເທດໃກ້ຄຽງດ້ວຍຫຼາຍຮູບແບບ, ລວມທັງເຂົ້າ ຮ່ວມກອງປະຊຸມລະດັບສາກົນ ແລະ ພາກພື້ນ ແລະ ການຍາດແຍ່ງການຮ່ວມມືຊ່ວຍເຫຼືອຈາກສາກົນ ເພື່ອແກ້ໄຂສະ ພາບການແຜ່ລະບາດຂອງໂຄວິດ-19, ເຊິ່ງໄດ້ເຮັດໃຫ້ຖານະບົດບາດຂອງປະເທດເຮົາຕໍ່ເວທີສາກົນ ແລະ ພາກພື້ນພົ້ນເດັ່ນຂຶ້ນ.

 

Off
15th Jun2022

ສະຫລອງ ວັນຜູ້ບໍລິຈາກເລືອດໂລກ ດ້ວຍການຮ່ວມກັນບໍລິຈາກເລືອດເພື່ອຊ່ວຍຊີວິດ.

by somda phoneor

ອົງການກາແດງແຫ່ງຊາດລາວ ຮ່ວມກັບ ສູນເລືອດແຫ່ງຊາດ ແລະ ສະຖາບັນເລືອດແຫ່ງຊາດ ຈັດສະ​ເຫລີ​ມສະຫລອງ ວັນຜູ້ບໍລິຈາກເລືອດໂລກ ພາຍໃຕ້ຄໍາຂວັນ “ບໍລິຈາກເລືອດ ແມ່ນພະລັງ ແຫ່ງຄວາມສາມັກຄີ, ມາຮ່ວມກັນບໍລິຈາກເລືອດ ເພື່ອຊ່ວຍຊີວິດ” ​ໃນ​ວັນ​ທີ 14 ມິຖຸນາ 2022 ທີ່​ສູນ​ການ​ຄ້າ​ລາວ-​ໄອ​ເຕັກ ​ເພື່ອເປັນການຂອບໃຈຕໍ່ຜູ້ບໍລິຈາກເລືອດຢູ່ທົ່ວໂລກ ທີ່ເຂົາເຈົ້າໄດ້ມອບຂອງຂວັນທີ່ມີຄ່າຕໍ່ຊີວິດຄື ການບໍລິຈາກເລືອດດ້ວຍຄວາມສະໝັກໃຈ ​ໂດຍບໍ່ຮຽກຮ້ອງສິ່ງຕອບແທນເພື່ອຊ່ວຍຄົນເຈັບ ແລະ ສ້າງຈິດສໍານຶກກ່ຽວ​ກັບຄວາມຈໍາເປັນ ຂອງການບໍລິຈາກເລືອດ ເປັນປະຈໍາ ​ແລະ ສະໝໍ່າສະເໝີ.

(more…)

Off
15th Jun2022

ເງິນກີບ ຍັງເໜັງຕີງ-ອ່ອນຄ່າຕໍ່ເນື່ອງ ຍ້ອນການແຂງຄ່າຂອງເງິນໂດລາ ຢູ່ສາກົນ.

by somda phoneor

ປັດຈຸບັນ ອັດຕາແລກປ່ຽນ ຫລື ຄ່າເງິນກີບ ໂດຍລວມໄດ້ມີການເໜັງຕີງໃນທິດທາງທີ່ອ່ອນຄ່າຕໍ່ເນື່ອງ ໃນຈັງຫວະແຮງ ແລະ ມີຄວາມແຕກໂຕນລະຫວ່າງອັດຕາແລກປ່ຽນຂອງທະນາຄານ ແລະ ຕະ ຫລາດນອກລະບົບໃນນີ້,ອັດຕາແລກປ່ຽນໄດ້ມີການເໜັງຕີງແຮງຫລາຍນັບແຕ່ໄລຍະທ້າຍເດືອນມີນາ 2022,ສາເຫດທີ່ພາໃຫ້ເກີດສະພາບດັ່ງກ່າວ ແມ່ນເກີດຈາກປັດໄຈພາຍນອກ ການແຂງຄ່າຂອງເງິນໂດລາຢູ່ສາກົນ,ການເພີ່ມຂຶ້ນສູງຫລາຍຕໍ່ເນື່ອງຂອງລາຄາຄໍາ, ລາຄານໍ້າມັນ ແລະ ທ່າອ່ຽງ ການເພີ່ມຂຶ້ນຂອງອັດຕາດອກເບ້ຍ ແລະ ອັດຕາເງິນເຟີ້ ໃນຂົງເຂດເສດຖະກິດສຳຄັນຂອງໂລກ ແລະ ພາກພື້ນ.

(more…)

Off
15th Jun2022

ພິທີເປີດບັ້ນແຂ່ງຂັນ ຊອກຮູ້ກ່ຽວກັບປະຫວັດສາດການພົວພັນແບບພິເສດລາວ-ຫວຽດນາມ.

by somda phoneor

ວັນທີ13 ມິຖຸນາ 2022, ຄະນະໂຄສະນາສຶກສາສູນກາງພັກກອມມູນິດຫວຽດນາມ ໄດ້ຈັດພິທີເປີດບັ້ນແຂ່ງຂັນ “ຊອກຮູ້ກ່ຽວກັບປະຫວັດສາດການພົວພັນແບບພິເສດ ລາວ-ຫວຽດນາມ, ຫວຽດ ນາມ- ລາວ” ປີ 2022 ໂດຍການເຂົ້າຮ່ວມຂອງ ສະຫາຍ ຫງວຽນ ຈ້ອງ ເຫງ໊ຍ, ເລຂາ ທິການສູນ ກາງພັກກອມມູນິດຫວຽດ ນາມ, ຫົວໜ້າຄະນະໂຄສະນາສຶກສາສູນກາງ, ຮອງຫົວ ໜ້າຄະນະຊີ້ນຳລະດັບຊາດ “ປີສາມັກຄີມິດຕະພາບ ຫວຽດ ນາມ-ລາວ” ປີ 2022; ສະຫາຍ ເລ ຫາຍ ບິ່ງ, ກຳມະການສຳຮອງສູນກາງພັກກອມມູນິດຫວຽດ ນາມ, ຮອງຫົວໜ້າຄະນະໂຄສະນາສຶກສາສູນກາງ, ຮອງຫົວໜ້າຄະນະຊີ້ນຳ, ຫົວ ໜ້າຄະນະຈັດຕັ້ງການແຂ່ງຂັນ, ສະຫາຍແສງເພັດ ຮຸ່ງບຸນຍວງ, ເອກອັກຄະລັດ ຖະທູດວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈຳ ສສ ຫວຽດນາມ, ບັນ ດາຜູ້ຕາງໜ້າກະຊວງ, ຂະແໜງການ ແລະ ພະແນກການ, ພະນັກງານຄູອາຈານພ້ອມດ້ວຍນັກສຶກສາລາວ ແລະ ຫວຽດ ນາມກຳລັງສຶກສາທີ່ສະຖາບັນການຕ່າງປະເທດເຂົ້າຮ່ວມ.

(more…)

Off