08th Jul2022

ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດ ຊຸດທີ IX ອັດລົງດ້ວຍຜົນສຳເລັດອັນຈົບງາມ.

by somchan

ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດ ຊຸດທີ IX ອັດລົງດ້ວຍຜົນສຳເລັດອັນຈົບງາມໃນວັນທີ 8 ກໍລະກົດ2022ນີ້ພາຍຫຼັງດຳເນີນມາເປັນເວລາ 20 ວັນ ທີ່ຫໍສະພາແຫ່ງຊາດ ນະຄອນຫຼວງວຽງຈັນ, ພາຍໃຕ້ການເປັນປະທານ ຂອງທ່ານ ໄຊສົມພອນພົມວິຫານ ປະທານສະພາແຫ່ງຊາດ ເປັນກຽດເຂົ້າຮ່ວມຂອງ ທ່ານ ທອງລຸນ ສີສຸລິດ ປະທານປະເທດ, ທ່ານ ພັນຄຳ ວິພາວັນ ນາຍົກລັດຖະມົນຕີ, ມີບັນດາການນຳ ພັກລັດ, ພະນັກງານປະຕິວັດອາວຸໂສບຳນານ, ສະມາຊິກສະພາແຫ່ງຊາດຈາກແຕ່ເຂດເລືອກຕັ້ງຕ່າງໆ ທົ່ວປະເທດ ແລະ ຂະແຫ່ງການທີ່ກ່ຽວຂ້ອງເຂົ້າຮ່ວມ.

ໃນໂອກາດກ່າວສູນທອນພົດ ອັດກອງປະຊຸມໃນຄັ້ງນີ້ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ໃນນາມປະທານກອງປະຊຸມໄດ້ກ່າວວ່າ: ຕະຫຼອດໄລຍະເວລາ20ວັນຜ່ານມາກອງປະຊຸມ ສະໄໝສາມັນເທື່ອທີ 3 ຂອງສະພາຫ່ງຊາດ ຊຸດທີ IX ໄດ້ພິຈາລະນາຮັບຮອງເອົາຫຼາຍເນື້ອໃນ ສຳຄັນພື້ນຖານຂອງປະເທດຊາດເປັນຕົ້ນ ກອງປະຊຸມໄດ້ພິຈາລະນາ  ແລະ ຮັບຮອງເອົາບົດລາຍງານຂອງລັດຖະບານກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດສັງຄົມ 6 ເດືອນຕົ້ນ ປີ 2022 ແລະ ແຜນການ 6 ເດືອນທ້າຍປີ 2022, ບົດລາຍງານຂອງລັດຖະບານ ກ່ຽວກັບການຈັດຕັ້ງປະຕິບັດແຜນງົບປະມານແຫ່ງລັດ 6 ເດືອນຕົ້ນປີ 2022 ແລະ ແຜນການ 6 ເດືອນທ້າຍປີ2022, ກອງປະຊຸມໄດ້ຈາລະນາຮັບຮອງເອົາບົດລາຍງານຂອງລັດຖະບານກ່ຽວກັບການປະເມີນຜົນການຈັດຕັ້ງປະຕິບັດກົດໝາຍ 4 ສະບັບຄື: ກົດໝາຍວ່າດ້ວຍທີ່ດິນ, ກົດໝາຍວ່າດ້ວຍການ ສົ່ງເສີມການລົງທຶນ, ກົດໝາຍວ່າດ້ວຍຊັບສິນຂອງລັດ ແລະ ກົດໝາຍວ່າລ້ວຍແຮ່ທາດ, ກອງປະຊຸມ ໄດ້ພິຈາລະນາຮັບຮອງເອົາບົດລາຍງານຂອງລັດຖະບານກ່ຽວກັບທິດທາງການປະຕິຮູບລັດວິສາຫະກິດ ລວມທັງ ການປັບປຸງໂຄງສ້າງຂອງທະນາຄານທຸລະກິດລັດ, ກອງປະຊຸມໄດ້ພິຈາລະນາຮັບຮອງເອົາບົດລາຍງານຂອງລັດຖະບານ ກ່ຽວກັບການຈັດຕັ້ງປະຕິບັດແຜນການທ່ອງທ່ຽວສີຂຽວ ແລະ ການ ເປີດປະເທດ ຕິດພັນກັບການປ້ອງກັນ ແລະ ຮັບມືການແຜ່ລະບາດຂອງ ພະຍາດໂຄວິດ19 ກອງປະຊຸມໄດ້ພິຈາລະນາຊັບຮອງເອົາບົດລາຍງານຂອງລັດຖະບານ ກ່ຽວກັບການຈັດຕັ້ງປະຕິບັດບັນດາ ຄາດໝາຍໃນຂົງເຂດສຶກສາທິການ ແລະກິລາ ພິຈາລະນາຮັບຮອງເອົາການສ້າງ ແລະ ປັບປຸງກົດໝາຍ 3 ຈຳນວນ 09 ສະ ບັບ, ໃນນີ້ ຮ່າງກົດໝາຍສ້າງໃໝ່ 3 ສະບັບ ແລະກົດໝາຍປັບປຸງ 6 ສະບັບ ແລະ ວຽກງານສຳຄັນອື່ນໆ.

 

Off
08th Jul2022

ກົມຕຳຫລວດຄຸມຂັງ-ດັດສ້າງສະຫລຸບວຽກງານ 6 ເດືອນຕົ້ນປີ.

by somda phoneor

ກົມຕຳຫລວດຄຸມຂັງ – ດັດສ້າງ ກະຊວງປ້ອງກັນຄວາມສະຫງົບ ຈັດກອງປະຊຸມ ສະຫລຸບການເຄື່ອນໄຫວວຽກງານ 6 ເດືອນຕົ້ນປີ ແລະ ວາງທິດທາງແຜນການ 6 ເດືອນທ້າຍປີ ໃນວັນທີ 8 ກໍລະກົດ 2022 ນີ້ ໂດຍການເປັນປະທານຂອງ ພັອ ພັດສະດີ ນວນອາສາ ຮອງຫົວຫນ້າກົມຕຳຫລວດຄຸມຂັງ-ດັດສ້າງ ມີບັນດາຄະນະກົມຫົວຫນ້າ-ຮອງພະແນກ, (more…)

Off
08th Jul2022

ກົດໝາຍທີ່ສະພາແຫ່ງຊາດຮັບຮອງຈະຮັບປະກັນໃຫ້ແກ່ການສ້າງໃຫ້ເປັນລັດທີ່ປົກຄອງດ້ວຍກົດໝາຍ.

by somda phoneor

ການພິຈາລະນາ ແລະ ລົງຄະແນນສຽງຮັບຮອງເອົາກົດໝາຍ 9 ສະບັບ ໃນກອງປະຊຸມສະ  ໄໝສາມັນທີ 3 ຂອງສະພາແຫ່ງຊາດ ຊຸດທີ IX ແມ່ນຜົນສໍາເລັດໃນການຈັດຕັ້ງປະຕິບັດແຜນການສ້າງ ແລະ ປັບປຸງກົດໝາຍ 5 ປີ ທັງເປັນການປະກອບ ສ່ວນສໍາຄັນໃນການປັບປຸງ ແລະ ເພີ່ມທະວີພາຫະນະ, ເຄື່ອງມືຄຸ້ມຄອງລັດ, ຄຸ້ມຄອງເສດຖະກິດ-ສັງຄົມ ໃຫ້ເປັນລະບົບຄົບຊຸດ ເພື່ອຮັບປະກັນການປົກປ້ອງສິດ ແລະ ຜົນປະໂຫຍດຂອງຊາດ ແລະ ປະຊາຊົນລາວບັນດາເຜົ່າ, ສະກັດກັ້ນ ແລະ ຕ້ານບັນດາປະກົດການຫຍໍ້ທໍ້ ທີ່ເປັນການປະພຶດລະເມີດກົດໝາຍຢູ່ໃນສັງຄົມ ແລະ ແນວຄິດອິດສະລະເສລີຕາມໃຈ ທີ່ຢູ່ເໜືອກົດໝາຍ, ພ້ອມກັນນັ້ນ, ກໍເປັນປັດໄຈຮັບປະກັນໃຫ້ແກ່ການສ້າງລັດ ປະຊາທິປະໄຕ ປະຊາຊົນ ໃຫ້ເປັນລັດທີ່ປົກຄອງດ້ວຍກົດໝາຍຂອງປະຊາຊົນ ໂດຍປະຊາຊົນ ແລະ ເພື່ອປະຊາຊົນເທື່ອລະກ້າວ, ທັງຮັບປະກັນໃຫ້ແກ່ການເຊື່ອມຈອດ, ເຊື່ອມໂຍງເຂົ້າສູ່ພາກພື້ນ ແລະ ສາກົນ. (more…)

Off
08th Jul2022

ໄລຍະຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ເມືອງສັງທອງ ມ້າງຄະດີຢາເສບຕິດໄດ້ 26 ເລື່ອງ.

by somchan

ພັທ ສີວິໄລ ພູມນະໄຊ ຫົວໜ້າກອງບັນຊາການ ປກສ ເມືອງສັງທອງ ນະຄອນຫຼວງວຽງຈັນ ໄດ້ໃຫ້ສໍາພາດຕໍ່ສື່ມວນຊົນປ້ອງກັນຄວາມສະຫງົບ ໃນວັນທີ 5 ກໍລະກົດ 2022 ກ່ຽວກັບຄວາມຄືບໜ້າ ແລະ ຜົນສໍາເລັດ ໃນການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ຢູ່ເມືອງສັງທອງ ວ່າ: ເມືອງສັງທອງ ໄດ້ເລີ່ມຈັດຕັ້ງປະຕິບັດ ວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ນັບຕັ້ງແຕ່ ເດືອນກັນຍາ 2021 ເປັນຕົ້ນມາ. ໂດຍສຸມໃສ່ 6 ວຽກຈຸດສຸມ ຄື: ວຽກງານໂຄສະນາສຶກສາອົບຮົມ ໃຫ້ສັງຄົມໄດ້ຮັບຮູ້, ເຂົ້າໃຈ ຕໍ່ແນວທາງຂອງພັກ, ແຜນນະໂຍບາຍ ແລະ ກົດຫມາຍຂອງລັດ, ຜົນຮ້າຍ ໄພອັນຕະລາຍຂອງຢາເສບຕິດ ແລະ ອື່ນໆ. ພ້ອມທັງ ໄດ້ຫັນເອົາກໍາລັງລົງເຮັດວຽກງານກໍ່ສ້າງຮາກຖານການເມືອງ ເພື່ອຈັດຕັ້ງຜັນຂະຫຍາຍວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ສູ່ບັນດາຮາກຖານກຸ່ມບ້ານ ແລະ ບ້ານໃນທົ່ວເມືອງສັງທອງ ຕິດພັນກັບການເປີດຂະບວນການວຽກງານສ້າງຄອບຄົວ, ບ້ານ ປອດຢາເສບຕິດ ແລະ ປ້ອງກັນຄວາມສະຫງົບດີ ໃນທົ່ວເມືອງ ສໍາເລັດແລ້ວ 16 ບ້ານ ຈາກທັງຫມົດ 35 ບ້ານ. ນອກນີ້ ຍັງໄດ້ເກັບກໍາຂຶ້ນບັນຊີເປົ້າຫມາຍທີ່ພົວພັນກັບຢາເສບຕິດໄດ້ 1.172 ຄົນ ໃນນີ້ ໄດ້ແກ້ໄຂແລ້ວ 327 ຄົນ, ສາມາດມ້າງຄະດີຢາເສບຕິດໄດ້ 26 ເລື່ອງ, ກັກຕົວຜູ້ຖືກຫາໄດ້ 41 ຄົນ ພ້ອມດ້ວຍຂອງກາງ ແລະ ວັດຖຸຊັບສິນ ທີ່ກ່ຽວຂ້ອງກັບການກະທໍາຜິດ ເພື່ອດໍາເນີນຄະດີ ຕາມກົດຫມາຍ.

ພັທ ສີວິໄລ ພູມນະໄຊ ຍັງໃຫ້ຮູ້ອີກວ່າ: ຕິດພັນກັບການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ກໍາລັງປ້ອງກັນຄວາມສະຫງົບ ຢູ່ເມືອງສັງທອງ ຍັງໄດ້ປະສານສົມທົບກັບຂະແໜງການທີ່ກ່ຽວຂ້ອງ ຂອງອົງການປົກຄອງເມືອງ ເພື່ອຮ່ວມມືກັນໃນການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຫຍຸ້ງຍາກທາງດ້ານເສດຖະກິດ-ການເງິນ ຕື່ມອີກ. ເປັນຕົ້ນແມ່ນ ການປ້ອງກັນ, ສະກັດກັ້ນ ແລະ ແກ້ໄຂ ຄະດີເສດຖະກິດ, ການຕິດຕາມສະພາບການລັກລອບແລກປ່ຽນເງິນຕາຕ່າງປະເທດ ແລະ ບັນຫາອື່ນໆ ທີ່ມີຜົນກະທົບ ແລະ ກໍ່ໃຫ້ເກີດບັນຫາຫຍຸ້ງຍາກ ທາງດ້ານເສດຖະກິດ-ການເງິນ, ບັນຫາທີ່ສົ່ງຜົນກະທົບຕໍ່ການດໍາລົງຊີ້ວິດຂອງຄົນໃນສັງຄົມ ແລະ ອື່ນໆ.

Off
08th Jul2022

ສະພາແຫ່ງຊາດຮັບຮອງເອົາບັນດາຮ່າງກົດຫມາຍ ຈໍານວນ 9 ສະບັບ.

by somda phoneor

ໃນວັນທີ 7 ກໍລະກົດນີ້ ກອງປະຊຸມສະໄຫມສາມັນເທື່ອທີ່ 3 ຂອງສະພາແຫ່ງຊາດຊຸດທີ IX ໂດຍການເປັນປະທານຂອງ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ແລະ ສະມາຊິກສະພາແຫ່ງຊາດແຕ່ລະເຂດເລືອກຕັ້ງເຂົ້າຮ່ວມ.

(more…)

Off
08th Jul2022

ຮອງປະທານປະເທດ ຕ້ອນຮັບທູດອິດສະຣາແອນ ເຂົ້າຢ້ຽມອໍາລາ.

by somda phoneor

ໃນວັນທີ 7 ກໍລະກົດ 2012 ທີ່ຫ້ອງຮັບແຂກສະພາແຫ່ງຊາດ, ທ່ານ ນາງ ປານີ ຢາທໍ່ຕູ້ ຮອງປະທານປະເທດ ແຫ່ງ ສປປ ລາວ ໄດ້ໃຫ້ກຽດຕ້ອນຮັບການເຂົ້າຢ້ຽມອໍາລາຂອງ ທ່ານ ນາດາບ  ເອສະກາ ເອກອັກຄະລັດຖະທູດ ວິສາມັນ ຜູ້ມີອໍານາດເຕັມແຫ່ງ ອິດສະຣາແອນ ປະຈໍາ ສປປ ລາວ ເຊິ່ງມີ ສໍານັກງານສະຖານທູດຕັ້ງຢູ່ຮ່າໂນຍ ສສ ຫວຽດນາມ ເນື່ອງໃນໂອກາດ ສໍາເລັດການປະຕິບັດຫນ້າທີ ການທູດປະຈໍາ ສປປ ລາວ.

(more…)

Off
08th Jul2022

ສະພາແຫ່ງຊາດພິຈາລະນາ ແລະ ຮັບຮອງເອົາຮ່າງກົດໝາຍວ່າດ້ວຍການຄຸ້ມຄອງອາວຸດ ແລະ ວັດຖຸລະເບີດ.

by somda phoneor

ໃນວາລະດໍາເນີນກອງປະຊຸມສະໄຫມສາມັນເທື່ອທີ 3 ຂອງສະພາແຫ່ງຊາດຊຸດທີ 9. ໃນວັນທີ 7 ກໍລະກົດນີ້ ພາຍໃຕ້ການເປັນປະທານຂອງ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ. ໃນກອງປະຊຸມບັນດາສະມາຊິກສະພາແຫ່ງຊາດ ໄດ້ລົງຄະແນນສຽງຮັບຮອງເອົາບັນດາຮ້າງ ກົດຫມາຍ ສະບັບປັບປຸງ ແລະ ສ້າງໃຫມ່ ໃນນີ້ ມີກົດຫມາຍ ວ່າດ້ວຍການຄຸ້ມຄອງອາວຸດ ແລະ ວັດຖຸລະເບີດ ( ສ້າງໃຫມ່ ) ເຊິ່ງ ພົຕ ປອ ທອງເຫຼັກ ມັງຫນໍ່ເມກ ຮອງລັດຖະມົນຕີກະຊວງປ້ອງກັນຄວາມສະຫົງບ ໄດ້ລາຍງານຄືນການປັບປຸງກົດຫມາຍດັ່ງກ່າວ ແລະ ໃຫ້ຄວາມກະຈ່າງແຈ້ງ ໂດຍອີງໃສ່ຄໍາຖາມເຈາະຈີ້ມຂອງທ່ານປະທານກອງປະຊຸມ ແລະ ການປະກອບຄໍາເຫັນຂອງບັນດາສະມາຊິກສະພາແຫ່ງຊາດໃສ່ບັນດາມາດຕາຕ່າງໆ.

 

(more…)

Off