30th Sep2022

ປະຊາຊົນ 334 ຄອບຄົວ ທີ່ຖືກຜົນກະທົບຈາກໄພພິບັດນ້ໍາຖ້ວມ ເມືອງຄອບ ແຂວງໄຊຍະບູລີ

by somda phoneor

ເມືອງຄອບ ແຂວງໄຊຍະບູລີ ໄຈັດພິທີມອບ – ຮັບເຄື່ອງຊ່ວຍເຫຼືອບັນເທົາທຸກໃຫ້ຜູ້ໄດ້ຮັບຜົນ ກະທົບຈາກໄພນ້ໍາຖ້ວມ, ຈັດຂື້ນຢູ່ທີ່ສະໂມສອນຂອງເມືອງໃນວັນທີ 27 ກັນຍາ 2022 ນີ້ ໃຫ້ກຽດເຂົ້າຮ່ວມຂອງທ່ານ ສາສະດາຈານ ສີງ ເມໂນລາດ ຮອງປະທານອົງການກາແດງແຫ່ງຊາດລາວ, ມີທ່ານ ວັນນະສິງ ມຸງຄຸນສະຫວັດ ປະທານອົງການກາແດງແຂວງ ພ້ອມດ້ວຍທີມງານຂັ້ນສູນກາງ ແລະ ແຂວງ, ມີທ່ານ ສະຫມັກ ລິດສະຖານ ຮອງເຈົ້າເມືອງໆ ຄອບ ມີຄະນະພັກເມືອງ ພ້ອມດ້ວຍພະນັກງານ ແລະ ປະຊາຊົນທີ່ຖືກຜົນກະທົບໄພພິບັດເຂົ້າຮ່ວມ. (more…)

Off
30th Sep2022

ປະທານອົງການກາແດງແຫ່ງຊາດລາວຕ້ອນຮັບຜູ້ຕາງຫນ້າອົງການອະນາໄມໂລກຄົນໃໝ່

by somda phoneor

ວັນທີ 29 ກັນຍາ 2022, ທ່ານ ຮສ ດຣ ພູທອນ ເມືອງປາກ ປະທານອົງການກາແດງລາວ ປະທານຄະນະກຳມະທິການປະສານງານຂອງປະເທດລາວສຳລັບທຶນຊ່ວຍເຫລືອລ້າຈາກກອງທຶນໂລກ ໄດ້ຕ້ອນຮັບການເຂົ້າຢ້ຽມພົບປະຂອງທ່ານນາງ ດຣ ໂຣຢິງຣູ  ແຈັກກະຣິນ ຜູ້ຕາງຫນ້າອົງການອະນະໄມໂລກ ປະຈຳລາວຄົນໃຫມ່ ໃນໂອກາດທີທ່ານມາຮັບຫນ້າທີ່ເປັນຜູ້ຕາງຫນ້າອົງການອະນະໄມໂລກຄົນໃຫມ່ ເພື່ອປະຕິບັດຫນ້າທີ່ເປັນປະທານຮ່ວມຂອງຄະນະກຳມະທິການປະສານງານຂອງປະເທດລາວສຳລັບທຶນຊ່ວຍເຫລືອລ້າຈາກກອງທຶນໂລກ. (more…)

Off
30th Sep2022

ຄະນະນຳກອງບັນຊາການທະຫານແຂວງຫຼວງພະບາງ ເຂົ້າອວຍພອນຄະນະນຳກົງສູນໃຫຍ່ ສປ ຈີນ ປະຈໍາພາກເໜືອ

by somda phoneor

ວັນທີ 28 ກັນຍາ 2022 ນີ້, ຄະນະນຳກອງບັນຊາການທະຫານແຂວງຫຼວງພະບາງ, ນໍາໂດຍ ພັນເອກ ສີວິໄຊ ເພັງສັນຕິສຸກ ຫົວໜ້າການເມືອງກອງບັນຊາການທະຫານແຂວງ, ໄດ້ເຂົ້າອວຍພອນ ຄະນະນຳ ແລະ ພະນັກງານກົງສູນໃຫຍ່ ສາທາລະນະລັດ ປະຊາຊົນຈີນ ປະຈໍາພາກເໜືອ ທີ່ແຂວງຫຼວງພະບາງ, ໂອກາດວັນຊາດຂອງ ສປ ຈີນ ຄົບຮອບ 73 ປີ, ມີ ທ່ານ ຫຼີ້ຈື້ກົ່ງ ຫົວໜ້າກົງສູນໃຫຍ່ ສປ ຈີນ ພ້ອມດ້ວຍຄະນະ (more…)

Off
30th Sep2022

ທ່ານ ນາຍົກລັດຖະມົນຕີ ແຫ່ງ ສປປ ລາວ ເຂົ້າຢ້ຽມຂໍ່ານັບ ປະທານາທິບໍດີ ແຫ່ງ ສ. ສິງກະໂປ

by somda phoneor

ໃນໂອກາດເດີນທາງຢ້ຽມຢາມ ສາທາລະນະລັດ ສິງກະໂປ ຢ່າງເປັນທາງການ ໃນຕອນເຊົ້າຂອງວັນທີ 28 ກັນຍາ 2022, ທີ່ ທໍານຽບປະທານາທິ ບໍດີ Istana, ທ່ານ ພັນຄໍາ ວິພາວັນ, ນາຍົກ ລັດຖະມົນຕີ ແຫ່ງ ສປປ ລາວ ພ້ອມດ້ວຍຄະນະຜູ້ ແທນຂັ້ນສູງ ຂອງ ສປປ ລາວ ໄດ້ເຂົ້າຢ້ຽມຂໍ່ານັບທ່ານ ນາງ ຮາລິມາ ຢາຄອບ, ປະທານາທິບໍດີ ແຫ່ງ ສາທາລະນະລັດ ສິງກະໂປ.

(more…)

Off
30th Sep2022

ກອງປະຊຸມສ່ອງແສງວຽກງານຕິດຕາມກວດກາຂອງຄະນະພັກກະຊວງ ປກສ ປະຈຳໄຕມາດ III.

by somchan

ກອງປະຊຸມສ່ອງແສງວຽກງານຕິດຕາມກວດກາຂອງຄະນະພັກກະຊວງປ້ອງກັນຄວາມສະຫງົບ ປະຈຳໄຕມາດ 3 ແລະ ວາງທິດທາງແຜນການ ໄຕມາດ 4. ໃນວັນທີ 29 ກັນຍາ 2022 ນີ້, ໂດຍການເປັນປະທານ ຂອງ ພົນຕີ ປອ ທອງເຫຼັກ ມັງໜໍ່ເມກ ປະທານກວດກາພັກກະຊວງ ຮອງລັດຖະມົນຕີ ກະຊວງປ້ອງກັນຄວາມສະຫງົບ ມີຄະນະພັກ ຄະນະບັນຊາແຕ່ລະກົມອ້ອມຂ້າງກະຊວງເຂົ້າຮ່ວມ. (more…)

Off
29th Sep2022

ປກສ ແຂວງບໍ່ແກ້ວ ຈັບຕົວພວກຄ້າຂາຍຢາເສບຕິດ ພ້ອມຂອງກາງຈໍານວນຫຼາຍ.

by Peaung Thanonkeo

ວັນທີ 23 ກັນຍາ 2022, ເຈົ້າໜ້າທີ່ວິຊາສະເພາະ ກອງບັນຊາການ ປກສ ແຂວງ ບໍ່ແກ້ວ ຈັບຕົວພວກຄ້າຂາຍຢາເສບຕິດໄດ້ 3 ຄົນ ຢຶດຢາບ້າ ໄດ້ 33 ລ້ານກວ່າເມັດ, ຢາໄອສ໌ 500 ກິໂລກຼາມ, ເຄຕາມິນ 1 ຫໍ່ ນໍ້າໜັກ 1 ກິໂລກຼາມ, ພ້ອມເຄື່ອງຂອງກາງອີກຫຼາຍລາຍການ.

(more…)

Off
29th Sep2022

ທ່ານ ນາຍົກລັດຖະມົນຕີ ແຫ່ງ ສປປ ລາວ ຢ້ຽມຢາມ ສ. ສິງກະໂປ ຢ່າງເປັນທາງການ.

by Peaung Thanonkeo

ໂດຍຕອບສະໜອງຕາມຄຳເຊື້ອເຊີນຂອງ ພະນະທ່ານ ລີ ຊຽນ ລຸງ, ນາຍົກລັດຖະມົນຕີ ແຫ່ງ ສາທາລະນະລັດ ສິງກະໂປ, ພະນະທ່ານ ພັນຄໍາ ວິພາວັນ, ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງໄດ້ເດີນທາງຢ້ຽມຢາມ ສາທາລະນະລັດ ສິງກະໂປ ຢ່າງເປັນທາງການ ໃນວັນທີ 27-28 ກັນຍາ 2022, ເພື່ອຮັດແໜ້ນ ແລະ ເສີມຂະຫຍາຍສາຍພົວພັນມິດຕະພາບອັນເປັນມູນເຊື້ອທີ່ມີມາແຕ່ດົນນານ ແລະ ການຮ່ວມມືທີ່ດີງາມ ລະຫວ່າງ ລາວ-ສິງກະໂປ ໃຫ້ແໜ້ນແຟ້ນຍິ່ງໆຂຶ້ນໃນຕໍ່ໜ້າ.

ພິທີຕ້ອນຮັບຢ່າງເປັນທາງການ ໄດ້ມີຂຶ້ນໃນຕອນເຊົ້າຂອງວັນທີ 28 ກັນຍາ 2022, ທີ່ ທໍານຽບປະທານາທິບໍດີ Istana, ໂດຍໃຫ້ກຽດຕ້ອນຮັບຈາກ ພະນະທ່ານ ນາຍົກລັດຖະມົນຕີ ລີ ຊຽນ ລຸງ ພ້ອມດ້ວຍພັນລະຍາ ແລະ ຄະນະ. ພາຍຫຼັງສໍາເລັດພິທີຕ້ອນຮັບຢ່າງເປັນທາງການ, ພະນະທ່ານ ນາຍົກລັດຖະມົນຕີ ພັນຄໍາ ວິພາວັນ ພ້ອມດ້ວຍພັນລະຍາ ແລະ ຄະນະ ໄດ້ເຂົ້າຢ້ຽມຂໍ່ານັບ ພະນະທ່ານ ນາງ ຮາລິມາ ຢາຄອບ, ປະທານາທິບໍດີ ແຫ່ງ ສາທາລະນາລັດ ສິງກະໂປ. ຈາກນັ້ນ, ກໍ່ໄດ້ມີການພົບປະສອງຝ່າຍ ຢ່າງເປັນທາງການ ລະຫວ່າງ ສອງນາຍົກລັດຖະມົນຕີ ແຫ່ງ ສປປ ລາວ ແລະ ສ. ສິງກະໂປ.

ໃນການພົບປະສອງຝ່າຍຄັ້ງນີ້, ພະນະທ່ານ ນາຍົກລັດຖະມົນ ລີ ຊຽນ ລຸງ ໄດ້ສະແດງຄວາມຍິນດີຕ້ອນຮັບ  ພະນະທ່ານ ນາຍົກລັດຖະມົນຕີ ພັນຄໍາ ວິພາວັນ ທີ່ໄດ້ນໍາພາຄະນະຜູ້ແທນຂັ້ນສູງຂອງ ສປປ ລາວ ຢ້ຽມຢາມ ສິງກະໂປ ໃນຄັ້ງນີ້. ໃນໂອກາດດັ່ງກ່າວ, ພະນະທ່ານ ນາຍົກ ລັດຖະມົນຕີ ທ່ານ ພັນຄໍາ ວິພາວັນ ກໍ່ໄດ້ສະແດງຄວາມຂອບໃຈຕໍ່ການຕ້ອນຮັບ ພ້ອມທັງ ໄດ້ສະແດງຄວາມຫວັງວ່າ ການຢ້ຽມຢາມ ສິງກະໂປ ໃນຄັ້ງນີ້ ຈະເປັນຂີດໝາຍອັນສໍາຄັນ ໃນການເພີ່ມທະວີ ແລະ ຮັດແໜ້ນສາຍພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງ ສອງປະເທດ ແລະ ທັງເປັນການຢືນຢັນຄືນເຖິງຄວາມມຸ້ງໝັ້ນຂອງລັດຖະບານ ແຫ່ງ ສປປ ລາວ ໃນການສົ່ງເສີມສາຍພົວພັນມິດຕະພາບ ແລະ ການຮ່ວມມືທີ່ດີ ລະຫວ່າງ ລາວ-ສິງກະໂປ ໃຫ້ໄດ້ຮັບການພັດທະນາຂຶ້ນເທື່ອລະກ້າວ.

 

ໃນພ້ອມດຽວກັນນີ້, ສອງຝ່າຍ ໄດ້ຕີລາຄາສູງຕໍ່ສາຍພົວພັນມິດຕະພາບ ແລະ ການຮ່ວມມືທີ່ດີ ລະຫວ່າງ ສອງປະເທດ ທີ່ໄດ້ຮັບການເສີມຂະຫຍາຍຂຶ້ນເລື້ອຍໆ ໂດຍສະເພາະແມ່ນການຮ່ວມມືສອງຝ່າຍທາງດ້ານການເມືອງ, ດ້ານການຄ້າ-ການລົງທຶນ, ດ້ານພະລັງງານ, ສິ່ງແວດລ້ອມ, ການສຶກສາ, ວັດທະນະທໍາ, ການທ່ອງທ່ຽວ, ເຕັກໂນໂລຊີ, ຂໍ້ມູນຂ່າວສານ, ເຕັກໂນໂລຊີດິຈິຕອນ ແລະ ດ້ານອື່ນໆ. ພ້ອມກັນນັ້ນ, ສອງຝ່າຍໄດ້ສະແດງຄວາມຊົມເຊີຍຕໍ່ກະຊວງອຸດສາຫະກໍາ ແລະ ການຄ້າ ແຫ່ງ ສິງກະໂປ ແລະ ສະພາການຄ້າ ແລະ ອຸດສາຫະກໍາ ແຫ່ງຊາດລາວ ທີ່ຈະໄດ້ຈັດສໍາມະນານັກທຸລະກິດຂຶ້ນໃນໂອກາດຢ້ຽມຢາມຄັ້ງນີ້, ເຊິ່ງເປັນການເຜີຍແຜ່ນະໂຍບາຍດ້ານການລົງທຶນຂອງສອງປະເທດ, ນໍາສະເໜີກາລະໂອກາດການເຮັດທຸລະກິດ ແລະ ການລົງທຶນຢູ່ປະເທດຂອງກັນ ແລະ ກັນ ທັງເປັນການສ້າງໂອກາດພົບປະແລກປ່ຽນ ລະຫວ່າງເຈົ້າໜ້າທີ່ ແລະ ນັກທຸລະກິດຮ່ວມກັນແນໃສ່ຊຸກຍູ້ການຄ້າ ແລະ ການລົງທຶນ ລະຫວ່າງສອງປະເທດ ໃຫ້ຂະ ຫຍາຍຕົວ ແລະ ມີປະສິດທິຜົນດີຍິ່ງໆຂຶ້ນ. ຕົວເລກການລົງທຶນຂອງສິງກະໂປ ຢູ່ ສປປ ລາວ ມີມູນຄ່າ 362 ລ້ານໂດລາສະຫະລັດ ລວມມີ 83 ໂຄງການ, ຊຶ່ງຈັດເປັນອັນດັບທີ 10 ຂອງການລົງທຶນຕ່າງປະເທດ ຢູ່ ສປປ ລາວ. ສໍາລັບ ມູນຄ່າການຄ້າສອງຝ່າຍ, ໃນປີ 2021 ມີ 115,9 ລ້ານໂດລາສະຫະລັດ, ສປປ ລາວ ສົ່ງອອກມີມູນຄ່າປະມານ 90,9 ລ້ານໂດລາ ສະຫະລັດ ແລະ ນໍາເຂົ້າປະມານ 52 ລ້ານໂດລາ ສະຫະລັດ. ນອກຈາກນັ້ນ, ສອງຝ່າຍຍັງໄດ້ປຶກສາຫາລື ແລະ ແລກປ່ຽນຄໍາຄິດເຫັນກ່ຽວກັບ ສະພາບການພົ້ນເດັ່ນໃນພາກພື້ນ ແລະ ສາກົນ ທີ່ມີຄວາມສົນໃຈຮ່ວມກັນ.

ໃນໂອກາດດຽວກັນນີ້, ພະນະທ່ານ ພັນຄໍາ ວິພາວັນ ກໍ່ສະເໜີຕໍ່ທ່ານ ລີ ຊຽນ ລຸງ ເພື່ອຊຸກຍູ້ໃຫ້ໄດ້ເຊີນຊວນນັກລົງທຶນສິງກະໂປ ເຂົ້າມາລົງທຶນ ຢູ່ ສປປ ລາວ ໃຫ້ນັບມື້ນັບຫຼາຍຂຶ້ນ ໃນຂະແໜງການທີ່ສອງຝ່າຍມີທ່າແຮງ ເປັນຕົ້ນແມ່ນຂົງເຂດບໍລິການປິ່ນອ້ອມໂລຈິດສະຕິກ ກໍ່ຄື ໃນ 9 ຂະແໜງການທີ່ ສປປ ລາວ ໄດ້ສົ່ງເສີມ ແລະ ໃຫ້ນະໂຍບາຍພິເສດ ຄື: ຂະແໜງການຄົ້ນຄວ້າວິໃຈທີ່ນໍາໃຊ້ເຕັກໂນໂລຊີສູງທີ່ທັນສະໄໝ, ຂະແໜງກະສິກໍາສະອາດປອດສານພິດ, ອຸດສາຫະກໍາປຸງແຕ່ງຜະລິດຕະພັນກະສິກໍາ, ການພັດທະນາອຸດສາຫະກໍາທ່ອງທ່ຽວ, ການສຶກສາ, ສາທາລະນະສຸກ, ການພັດທະນາພື້ນຖານໂຄງລ່າງ, ທະນາຄານນະໂຍບາຍ-ສະຖາບັນການເງິນ ແລະ ສູນການຄ້າທີ່ທັນສະໄໝ. ພ້ອມດຽວກັນນັ້ນ, ພະນະທ່ານ ພັນຄໍາ ວິພາວັນ ກໍ່ໄດ້ສະແດງຄວາມຂອບໃຈຕໍ່ລັດຖະບານ ແລະ ປະຊາຊົນ ສິງກະໂປ ທີ່ໄດ້ໃຫ້ການຊ່ວຍເຫຼືອ ສປປ ລາວ ຕະຫຼອດມາ ໂດຍສະເພາະແມ່ນວຽກງານສົ່ງເສີມຂີດຄວາມສາມາດໃຫ້ແກ່ພະນັກງານລັດ, ດ້ານການພັດທະນາຊັບພະຍາກອນມະນຸດ, ການສະໜອງທຶນການສຶກສາ ແລະ ທຶນຝຶກອົບຮົບ, ການສົ່ງອາສາສະໝັກມາຊ່ວຍເຫຼືອວຽກຊຸມຊົນ, ການຊ່ວຍເຫຼືອໃນໄລຍະເກີດໄພພິບັດສັນຄູກັ້ນນໍ້າ ເຊປຽນ-ເຊນໍ້ານ້ອຍ ແຕກທີ່ແຂວງອັດຕະປື ລວມທັງການຊ່ວຍເຫຼືອໃນການສະກັດກັ້ນ ແລະ ປ້ອງກັນການແຜ່ລະບາດຂອງພະຍາດໂຄວິດ-19 ຢູ່ໃນ ສປປ ລາວ. ນອກຈາກນີ້, ພະນະທ່ານ ພັນຄໍາ ວິພາວັນ ຍັງໄດ້ແຈ້ງວ່າ ສປປ ລາວ ກຽມພ້ອມທີ່ຈະຮ່ວມມືກັບສິງກະໂປ ແລະ ປະເທດສະມາຊິກອາຊຽນອື່ນໆ ເພື່ອສືບຕໍ່ຮັດແໜ້ນປະຊາຄົມອາຊຽນໃຫ້ເຂັ້ມແຂງ ໂດຍສະເພາະການເປັນປະທານອາຊຽນ ໃນປີ 2024 ຂອງ ສປປ ລາວ ພ້ອມທັງໄດ້ສະແດງຄວາມຂອບໃຈຕໍ່ລັດຖະບານສິງກະໂປ ທີ່ໄດ້ໃຫ້ການຮ່ວມມື ແລະ ຊ່ວຍເຫຼືອ ສປປ ລາວ ໃນຂອບວຽກອາຊຽນ. ລວມທັງວຽກງານສົ່ງເສີມຂີດຄວາມສາມາດ ໃຫ້ແກ່ພະນັກງານຂອງລັດຕະຫຼອດໄລຍະ 30 ປີຜ່ານມາ ໂດຍສະເພາະການປະກາດໃຫ້ການຊ່ວຍເຫຼືອແກ່ການເປັນປະທານອາຊຽນ ຂອງ ສປປ ລາວ ໃນປີ  2024. ພ້ອມດຽວກັນນີ້, ພະນະທ່ານນາຍົກລັດຖະມົນຕີ ພັນຄໍາ ວິພາວັນ ຍັງໄດ້ເຊື້ອເຊີນ ພະນະທ່ານ ລີ ຊຽນ ລຸງ , ນາຍົກລັດຖະມົນຕີ ສ. ສິງກະໂປ ເດີນທາງຢ້ຽມຢາມ ສປປ ລາວ ໃນໂອກາດທີ່ສະດວກ, ເຊິ່ງທ່ານນາຍົກລັດຖະມົນຕີ ສິງກະໂປ ກໍໄດ້ສະແດງຄວາມຂອບໃຈຕໍ່ການເຊື້ອເຊີນດັ່ງກ່າວ ແລະ ຈະເດີນທາງໄປຢ້ຽມຢາມທາງການທີ່ ສປປ ລາວ ໃນໂອກາດທີ່ສະດວກ.

ພາຍຫຼັງສໍາເລັດການພົບປະສອງຝ່າຍ, ທັງສອງນາຍົກລັດຖະມົນຕີ ລາວ ແລະ ສິງກະໂປ ໄດ້ຮ່ວມກັນເປັນສັກຂີພິຍານການລົງນາມບົດບັນທຶກຄວາມເຂົ້າໃຈ 4 ສະບັບ ຄື:  ບົດບັນທຶກຄວາມເຂົ້າໃຈ  ວ່າດ້ວຍການຮ່ວມມື ລະຫວ່າງ ກະຊວງການຕ່າງປະເທດ ແຫ່ງ ສປປ ລາວ ແລະ ກະຊວງການຕ່າງປະເທດ ແຫ່ງ ສ. ສິງກະໂປ,  ບົດບັນທຶກຄວາມເຂົ້າໃຈ ວ່າດ້ວຍການຮ່ວມມືດ້ານປ້ອງກັນສິ່ງແວດລ້ອມ, ການປ່ຽນແປງດິນຟ້າອາກາດ ແລະ ການບໍລິຫານຈັດສັນຊັບພະຍາກອນທາງນໍ້າ, ບົດບັນທຶກຄວາມເຂົ້າໃຈ ວ່າດ້ວຍການຮ່ວມມືໃນຂົງເຂດເຕັກໂນໂລຊີ, ຂໍ້ມູນຂ່າວສານ ແລະ ເຕັກໂນໂລຊີດີຈິຕອນ, ແລະ ບົດບັນທຶກຄວາມເຂົ້າໃຈ ວ່າດ້ວຍການຮ່ວມມືດ້ານພະລັງງານ.

ໃນໂອກາດຢ້ຽມຢາມ ສິງກະໂປ ຄັ້ງນີ້, ພະນະທ່ານ ພັນຄໍາ ວິພາວັນ ຍັງໄດ້ເປັນກຽດຂຶ້ນກ່າວເປີດກອງປະຊຸມພົບປະພາກທຸລະກິດ ລາວ-ສິງກະໂປ, ພ້ອມທັງ ໄດ້ຢ້ຽມຢາມ ໂຮງຮຽນວິຊາຊີບນັນຢາງໂພລີເທັກນິກ (Nanyang Polytechic) ແລະ ຍັງໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ທາມັນ ຊັນມູກາຣັດນັນ (Tharman Shanmugaratnam), ລັດຖະ ມົນຕີອາວຸໂສ, ລັດຖະມົນຕີປະສານງານດ້ານນະໂຍບາຍສັງຄົມ ແຫ່ງ ສ. ສິງກະໂປ ອີກດ້ວຍ ນອກນີ້, ພະນະ ທ່ານ ພັນຄໍາ ວິພາວັນ ພ້ອມດ້ວຍພັນລະຍາ ແລະ ຄະນະ ຍັງໄດ້ໄປຢ້ຽມຊົມສວນພຶກສາຊາດ ສິງກະໂປ (National Garden, Singapore Botanic Garden) ເພື່ອຕັ້ງຊື່ດອກໄມ້ຕາມປະເພນີທີ່ເຄີຍປະຕິບັດຂອງຝ່າຍສິງກະໂປ. ໂດຍໄດ້ໃສ່ຊື່ດອກໄມ້ວ່າ “ພັນຄໍາ ສີຈັນ ວິພາວັນ (Phankham Sichanh Viphavanh)”.

Off
29th Sep2022

ຮອງລັດຖະມົນຕີ ກະຊວງ ປກສ ຕ້ອນຮັບການເຂົ້າຢ້ຽມຂໍ່ານັບ ເອກອັກຄະລັດຖະທູດ ປະເທດອົດສະຕຣາລີ ປະຈຳລາວ

by Peaung Thanonkeo

ພົນໂທ ກົງທອງ ພົງວິຈິດ ຮອງລັດຖະມົນຕີກະຊວງປ້ອງກັນຄວາມສະຫງົບ ພ້ອມດ້ວຍຄະນະ ໄດ້ຕ້ອນຮັບການເຂົ້າຢ້ຽມຂໍ່ານັບຂອງທ່ານ ພອລ ເຄລີ ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງປະເທດອົດສະຕຣາລີ ປະຈຳລາວ ໃນວັນທີ່ 28 ກັນຍາ 2022 ນີ້ ທີ່ຫ້ອງຮັບແຂກກະຊວງປ້ອງກັນຄວາມສະຫງົບ. (more…)

Off
28th Sep2022

ລັດຖະມົນຕີກະຊວງສາທາລະນະສຸກ ລົງຕິດຕາມກວດກາວຽກງານສາທາ ຢູ່ແຂວງຊຽງຂວາງ ແລະຫົວພັນ.

by Peaung Thanonkeo

ໃນລະຫວ່າງວັນທີ 19-25 ກັນຍາ 2022  ປອ ດຣ ບຸນແຝງ ພູມມະໄລສິດ, ລັດຖະມົນຕີ ກະຊວງສາທາລະນະສຸກ, ພ້ອມດ້ວຍ ທ່ານ ນາງ ດຣ ຢິງຣູແຈັກເກີລີນໂລ, ຜູ້ຕາງຫນ້າອົງການອະນາໄມ ໂລກ ແລະ ທ່ານ ອຶນຢອງຄິມ, ຜູ້ຕາງຫນ້າອົງການໂກຟີປະຈໍາ ສປປ ລາວ ໄດ້ລົງຕິດຕາມກວດກາຄຸນ ນະພາບຂອງການບໍລິການ ຂອງພະນັກງານຂະແຫນງສາທາລະນະສຸກ, (more…)

Off
28th Sep2022

ແຂວງ ອັດຕະປື ທົບທວນການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ.

by Peaung Thanonkeo

ໃນວັນທີ 27 ກັນຍາ 2022, ແຂວງອັດຕະປື ໄດ້ຈັດກອງປະຊຸມທົບທວນຄືນຜົນຂອງ ການຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ ໄລຍະ 9 ເດືອນປີ 2022 ແລະ ທິດທາງ 3 ເດືອນທ້າຍປີ 2022,ໂດຍການເປັນປະທານຂອງ ທ່ານ ເລັດ ໄຊຍະພອນ ເຈົ້າແຂວງອັດຕະປື, ຜູ້ຊີ້ນໍາວຽກງານແກ້ໄຂສະກັດກັ້ນບັນຫາຢາເສບຕິດຂັ້ນແຂວງ, (more…)

Off
Pages:1234567...12»