16th Sep2022

ປີດຊູດຝຶກອົບຮົມວຽກງານຄຸ້ມຄອງ – ປ້ອງກັນກໍາລັງ ໄລຍະສັ້ນ ຄັ້ງທີ 1 ປະຈໍາປີ 2022

by Peaung Thanonkeo

ກົມປ້ອງກັນກໍາລັງ ກົມໃຫຍ່ການເມືອງ ປກສ ສຳເລັດຊຸດຝຶກອົບຮົມວຽກງານຄຸ້ມຄອງ-ປ້ອງກັນກໍາລັງໄລຍະສັ້ນຄັ້ງທີ 1 ປະຈໍາປີ 2022 ໃນວັນທີ 16 ກັນຍາ 2022 ນີ້ ໂດຍການເຂົ້າຮ່ວມຂອງ ພົຈວ ປອ ສຸວັນນີ້ ສີສຸພາບມີໄຊ ຮອງຫົວໜ້າກົມໃຫ່ຍການເມືອງ ປກສ, ມີບັນດາຄະນະພັກ – ຄະນະນໍາ, ຫົວໜ້າກົມ – ຮອງກົມ, ສໍາມະນາກອນ ຢູ່ບັນດາອ້ອມຂ້າງກະຊວງ, ກົມ, ກອງທ້ອງຖິ່ນໃນຂອບເຂດທົ່ວປະເທດເຂົ້າຮ່ວມ. (more…)

Off
16th Sep2022

ປິດກອງປະຊຸມຕີລາຄາການຈັດຕັ້ງປະຕິບັດວຽກງານກໍ່ສ້າງຮາກຖານການເມືອງ, ພັດທະນາຊົນນະບົດຮອບດ້ານ ແກ້ໄຂຄວາມທຸກຍາກ ແລະວຽກງານ 3 ສ້າງທົ່ວປະເທດ

by somchan

ກອງປະຊຸມສະຫລຸບຕີລາຄາການຈັດຕັ້ງປະຕິບັດວຽກງານກໍ່ສ້າງຮາກຖານການເມືອງ, ພັດທະນາຊົນນະບົດຮອບດ້ານແກ້ໄຂຄວາມທຸກຍາກ ແລະ ວຽກງານ 3 ສ້າງທົ່ວປະເທດ 2016-2021 ແລະ ທິດທາງຮອດປີ 2025 ອັດລົງດ້ວຍຜົນສໍາເລັດຢ່າງຈົບງາມໃນວັນທີ 15 ກັນຍາ 2022, ທີ່ຫ້ອງວ່າການສູນກາງພັກ ໂດຍເປັນກຽດເຂົ້າຮ່ວມຂອງທ່ານ ທອງລຸນ ສີສຸລິດເລຂາທິການໃຫ່ຍຄະນະບໍລິຫານງານສູນກາງພັກ ປະທານປະເທດ ມີທ່ານ ບຸນທອງ ຈິດມະນີ, ກຳມະການກົມການເມືອງສູນກາງພັກ ຜູ້ປະຈໍາການຄະນະເລຂາທິການສູນກາງພັກ, ຮອງປະທານປະເທດ ພ້ອມດ້ວຍຄະນະຜູ້ແທນຈາກສູນກາງ ແລະ ທ້ອງຖີ່ນເຂົ້າຮ່ວມ.

ໃນໂອກາດກ່າວປິດກອງປະຊຸມທ່ານ ບຸນທອງ ຈິດມະນີ ຊີ້ໃຫ້ເຫັນວ່າ: ກອງປະຊຸມຄັ້ງນີ້ຜູ້ແທນທີ່ເຂົ້າຮ່ວມໄດ້ເປັນເອກະພາບສູງ ແລະ ຮັບຮອງໃນດ້ານຫຼັກການຕໍ່ບົດສະຫຼຸບຕີລາຄາໃນ 5 ປີ ຜ່ານມາ ແລະ ທິດທາງໜ້າທີ່ໃນຕໍ່ໜ້າຂອງວຽກງານກໍ່ສ້າງຮາກຖານການເມືອງ, ວຽກງານພັດທະນາຊົນນະບົດ-ແກ້ໄຂຄວາມທຸກຍາກ ແລະ ວຽກງານ 3 ສ້າງ ບົນພື້ນຖານການເກັບກໍາຂໍ້ມູນ, ການວິເຄາະ, ວິໄຈບັນຫາ ແລະ ການປະກອບຄຳຄິດຄຳເຫັນຂອງບັນດາຜູ້ແທນ ເປັນຕົ້ນຜົນໄດ້ຮັບຈາກການຈັດຕັ້ງປະຕິບັດບັນດາມະຕິ, ຄຳສັ່ງ ແລະ ນິຕິກໍາຕ່າງໆຂອງພັກ-ລັດ ກ່ຽວກັບວຽກງານກໍ່ສ້າງຮາກຖານການເມືອງ, ພັດທະນາຊົນນະບົດ-ແກ້ໄຂຄວາມທຸກຍາກ ແລະ ວຽກງານ 3 ສ້າງ ຢ່າງກວມລວມ ແລະ ໄດ້ມີຂໍ້ສະຫຼຸບຈຳນວນໜຶ່ງ ທີ່ເປັນບົດຮຽນຈາກພຶດຕິກໍາຕົວຈິງ ເຊິ່ງເປັນພື້ນຖານ ໃຫ້ແກ່ການສືບຕໍ່ໝູນໃຊ້ເຂົ້າໃນວຽກງານດັ່ງກ່າວໃນຊຸມປີຕໍ່ໜ້າ.  ກອງປະຊຸມໄດ້ເປັນເຈົ້າການຄົ້ນຄວ້າປະກອບຄໍາຄິດຄວາມເຫັນ ດ້ວຍຄວາມຮັບຜິດຊອບສູງໃນຫົວຂໍ້ຕ່າງໆ ລ້ວນແຕ່ສ່ອງແສງ ແລະ ຢັ້ງຢືນເຖິງຄວາມເປັນຈິງໃນການນໍາພາຈັດຕັ້ງປະຕິບັດ 3 ວຽກດັ່ງກ່າວ, ທັງເປັນບົດຮຽນທີ່ຫຼາກຫຼາຍອຸດົມສົມບູນ ຊຶ່ງທຸກພາກສ່ວນ, ທຸກຂະແໜງການຂອງສູນກາງ ແລະທ້ອງຖິ່ນຕ້ອງໄປຄົ້ນຄວ້າຜັນຂະຫຍາຍ ແລະ ໝູນໃຊ້ໃນທ້ອງຖິ່ນ ຂອງຕົນໃຫ້ແທດເໝາະກັບເງື່ອນໄຂສະພາບຕົວຈິງຂອງແຕ່ລະທ້ອງຖິ່ນ.

ທ່ານ ບຸນທອງ ຈິດມະນີ, ກຳມະການກົມການເມືອງສູນກາງພັກ ຜູ້ປະຈໍາການຄະນະເລຂາທິ ການສູນກາງພັກ, ຮອງປະທານປະເທດ ຍັງໄດ້ຮຽກຮ້ອງອົງການປົກຄອງແຕ່ລະຂັ້ນເສີມຂະຫຍາຍຄວາມເປັນເຈົ້າ, ຄວາມກ້າຫານປະດິດສ້າງໃນການສ້າງການຫັນປ່ຽນໃໝ່ທາງດ້ານເນື້ອໃນ, ຮູບການ ແລະ ວິທີການນຳພາ ຊີ້ນຳການຈັດຕັ້ງປະຕິບັດຕົວຈິງໃນວຽກງານກໍ່ສ້າງຮາກຖານການເມືອງ, ພັດທະນາຊົນນະບົດແກ້ໄຂຄວາມທຸກຍາກຕິດພັນກັບການຍູ້ແຮງວຽກງານ 3 ສ້າງເຂົ້າສູ່ລ່ວງເລິກ ແລະ ມີປະສິດທິຜົນສູງກວ່າເກົ່າ, ປຸກລະດົມຂະບວນການແຂ່ງຂັນຮັກຊາດ ແລະ ພັດທະນາໃຫ້ກວ້າງຂວາງທົ່ວເຖິງທຸກຊັ້ນຄົນໃນສັງຄົມ ແລະ ປະຊາຊົນບັນດາເຜົ່າ, ສ້າງ ແລະ ຍົກສູງສະຕິຕື່ນຕົວເປັນເຈົ້າການພັດທະນາຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ໃຫ້ຫຼຸດພົ້ນຈາກຄວາມທຸກຍາກໂດຍໄວ ເພື່ອເລັ່ງໃສ່ການພັດທະນາປະເທດຊາດ ໃຫ້ຫຼຸດພົ້ນອອກຈາກສະຖານະພາບດ້ອຍພັດທະນາຕາມເປົ້າໝາຍທີ່ພັກ-ລັດວາງໄວ້.

ພິເສດກອງປະຊຸມໄດ້ຮັບຟັງການໂອ້ລົມຈາກທ່ານ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກ, ປະທານປະເທດ ເຊິ່ງຖືເປັນແນວຄິດຊີ້ນຳທີ່ສຳຄັນ ແລະ ເປັນພື້ນຖານໃຫ້ແກ່ຄະນະພັກ, ອົງການປົກຄອງແຕ່ລະຂັ້ນ ນໍາໄປຜັນຂະຫຍາຍ ແລະ ຈັດຕັ້ງປະຕິບັດໃຫ້ເຂົ້າສູ່ຂະບວນການຕົວຈິງ ແລະ ແທດກັບສະພາບເງື່ອນໄຂໃນແຕ່ລະໄລຍະ ທັງສະເພາະ ແລະ ຍາວນານ.

Off
16th Sep2022

ສະຫຼຸບຂະບວນການແຂ່ງຂັນ-ຍ້ອງຍໍ ຮັກຊາດ ແລະ ພັດທະນາ

by somchan

ກອງປະຊຸມສະຫຼຸບ, ຕີລາຄາ, ປະເມີນຜົນຂະບວນການແຂ່ງຂັນ-ຍ້ອງຍໍ ຮັກຊາດ ແລະ ພັດທະນາ ໄຂຂຶ້ນໃນຕອນບ່າຍ ວັນທີ 15 ກັນຍາ 2022 ທີ່ຫໍປະຊຸມແຫ່ງຊາດ ນະຄອນຫລວງວຽງຈັນ ໂດຍ ການເປັນປະທານຂອງທ່ານ ພັນຄຳ ວິພາວັນ, ກຳມະການກົມການເມືອງສູນກາງພັກ ນາຍົກລັດຖະມົນຕີ ປະທານຄະນະຊີ້ນໍາລະດັບຊາດ ກ່ຽວກັບການແຂ່ງຂັນ-ຍ້ອງຍໍ, ຮັກຊາດ ແລະ ພັດທະນາ ມີບັນດາທ່ານການນຳພັກ-ລັດຂັ້ນສູງ, ບັນດາລັດຖະມົນຕີ, ຫົວໜ້າອົງການອ້ອມຂ້າງສູນ ກາງ, ເຈົ້າແຂວງ, ເຈົ້າຄອງນະຄອນຫຼວງວຽງຈັນ, ເຈົ້າເມືອງ, ເຈົ້ານະຄອນ, ພ້ອມດ້ວຍ ພະນັກງານທີ່ ກ່ຽວຂ້ອງ, ເຂົ້າຮ່ວມ. (more…)

Off
16th Sep2022

ນາຍົກລັດຖະມົນຕີ ຕ້ອນຮັບຮອງປະທານສະພາ ທີ່ປຶກສາການເມືອງ ສປ ຈີນ

by somchan

ໃນວັນທີ 15 ກັນຍາ 2022 ນີ້ ທີ່ນະຄອນຫລວງວຽງຈັນ, ທ່ານ ພັນຄໍາ ວິພາວັນ ນາຍົກລັດ ຖະມົນຕີ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ຫລຽງ ເຈິນ ຢິ່ງ(Leung Chun-ying) ຮອງປະທານສະພາທີ່ປຶກສາການເມືອງແຫ່ງ ສປ ຈີນ ປະທານມູນນິທິ ຈີເອັກ ພູ່ນດາ ເຊິນ (GX FOUNDA TION) ຮົງກົງ ພ້ອມດ້ວຍຄະນະ (more…)

Off
16th Sep2022

ພັກເຮົາຍຶດໝັ້ນ ເອົາປະຊາຊົນເປັນໃຈກາງ ການພັດທະນາຊົນນະບົດ ລຶບລ້າງຄວາມທຸກຍາກ ເປັນເປົ້າໝາຍ.

by somchan

ໃນໂອກາດເຂົ້າຮ່ວມ ແລະ ໂອ້ລົມ ຕໍ່ກອງປະຊຸມສະຫລຸບຕີລາຄາ ການຈັດຕັ້ງປະຕິບັດວຽກງານກໍ່ສ້າງຮາກຖານການເມືອງ ຕິດພັນກັບວຽກງານພັດທະນາຊົນນະບົດຮອບດ້ານ ແກ້ໄຂຄວາມທຸກຍາກ ແລະ ວຽກງານ 3 ສ້າງ ທົ່ວປະເທດ(2016-2021) ແລະ ທິດທາງຮອດປີ 2025, ສະຫາຍ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກ, ປະທານປະເທດແຫ່ງ ສປປ ລາວ ໄດ້ກ່າວບາງຕອນສໍາຄັນວ່າ: ໃນຊຸມປີຕໍ່ໜ້ານີ້, ຕ້ອງເດັດດ່ຽວສືບຕໍ່ຊີ້ນໍາການຈັດຕັ້ງປະຕິບັດແນວທາງ ທີ່ກໍານົດອອກໃນກອງປະຊຸມໃຫຍ່ ຄັ້ງທີ XI ຂອງພັກ ໃນການສືບຕໍ່ບູລະນະລະບອບປະຊາທິປະໄຕ ປະຊາຊົນ ໃຫ້ສົມບູນຍິ່ງຂຶ້ນ ໂດຍຖືເອົາການເຄົາລົບ ແລະ ເສີມຂະຫຍາຍສິດເປັນເຈົ້າຂອງປະຊາຊົນ, ອີງໃສ່ກໍາລັງແຮງຂອງປະຊາຊົນ ແລະ ຕ້ອງຖືການນໍາເອົາຜົນປະໂຫຍດ ແລະ ຄວາມສົມບູນພູນສຸກ ມາໃຫ້ປະຊາຊົນ ເປັນເປົ້າໝາຍສູງສຸດ ໃນການນໍາພາຂອງພັກເຮົາ. ບົນຈິດໃຈດັ່ງກ່າວນັ້ນ ຕ້ອງສືບຕໍ່ຍຶດໝັ້ນ ແລະ ຈັດຕັ້ງປະຕິບັດທິດນຳ, ຍຸດທະສາດກ່ຽວກັບວຽກງານກໍ່ສ້າງຮາກຖານການເມືອງ, ພັດທະນາຊົນນະບົດ ແກ້ໄຂຄວາມທຸກຍາກ ແລະ ວຽກງານ 3 ສ້າງ ໃຫ້ເຂົ້າສູ່ລວງເລິກ ແລະ ມີປະສິດທິຜົນສູງຂຶ້ນກວ່ານີ້ເປັນຫລາຍເທົ່າ ຈຶ່ງສາມາດບັນລຸເປົ້າໝາຍ ທີ່ກອງປະຊຸມໃຫຍ່ ຄັ້ງທີ XI ຂອງພັກເຮົາວາງອອກໄດ້, ພັກເຮົາຍຶດໝັ້ນແນວທາງອັນສະເໝີຕົ້ນສະເໝີປາຍ “ເອົາປະຊາຊົນເປັນໃຈກາງ, ເອົາການພັດທະນາຊົນນະບົດ ລຶບລ້າງຄວາມທຸກຍາກ ເປັນເປົ້າໝາຍ”. ບົນຈິດໃຈດັ່ງກ່າວ, ເລຂາທິການໃຫຍ່ຄະນະບໍລິຫານງານສູນກາງພັກ, ປະທານປະເທດແຫ່ງ ສປປ ລາວ ໄດ້ກ່າວວ່າ: ກ່ຽວກັບວຽກງານກໍ່ສ້າງຮາກຖານການເມືອງຕາມບົດຮຽນຂອງພັກເຮົາ, ບັນດາສະຫາຍ ກໍໄດ້ຢືນຢັນຕື່ມແລ້ວວ່າອົງການຈັດຕັ້ງ, ທ້ອງຖິ່ນ ແລະ ພະນັກງານ ຫາກຕິດພັນກັບຮາກຖານຢ່າງແໜ້ນແຟ້ນ, ຮູ້ຖືເອົາປະຊາຊົນເປັນກົກ ແລະ ຮູ້ເຮັດເພື່ອຜົນປະໂຫຍດຂອງປະຊາຊົນແລ້ວ ຢູ່ບ່ອນນັ້ນແມ່ນໄດ້ຮັບການສະໜັບສະໜູນຈາກປະຊາຊົນ ແລະ ຮາກຖານ ກໍໜັກແໜ້ນຂຶ້ນເລື້ອຍໆ, ຂະບວນການຂອງມະຫາຊົນ ກໍຟົດຟື້ນ, ສ້າງໄດ້ພະນັກງານ ທີ່ເຕີບໃຫຍ່ໜັກແໜ້ນຂຶ້ນຈາກຂະບວນການຕົວຈິງ. ແຕ່ເວລາດຽວກັນ ພວກເຮົາ ຕ້ອງແກ້ສະພາບຄວາມຖືເບົາ, ຂາດຄວາມບໍ່ເປັນຫ່ວງເປັນໃຍເຖິງການປັບປຸງວຽກງານກໍ່ສ້າງຮາກຖານການເມືອງ ເຊິ່ງສະແດງອອກເຖິງການລົງຮາກຖານແບບລວມໆ, ເປັນແຕ່ຮູບການ, ບໍ່ກຳໄດ້ສະພາບ, ບໍ່ແກ້ໄດ້ບັນຫາ, ຖ້າແກ້ກໍພຽງແຕ່ລັກສະນະຕາບຈູນ. ປະທານ ໄກສອນ ພົມວິຫານ ເຄີຍກ່າວໄວ້ແລ້ວວ່າ ໃນເງື່ອນໄຂພັກກຳອຳນາດ ຢ້ານພະນັກງານ, ສະມາຊິກພັກ ນັບທັງພະນັກງານຂັ້ນສູງ ຂອງເຮົາ ມີພະຍາດອາດຍາສິດ, ຂຸນເສິກ, ອວດອ້າງອຳນາດ, ອວດອົ່ງທະນົງຕົວ, ກ້າວໄປເຖິງການເສຍທາດຂາດຄຸນ ເຊິ່ງຈະເຮັດໃຫ້ພັກຫ່າງເຫີນຈາກມະຫາຊົນ, ອັນນັ້ນ ແມ່ນອັນຕະລາຍໃຫຍ່ກວ່າໝູ່.

ກ່ຽວກັບການພັດທະນາຊົນນະບົດ: ພັກເຮົາໄດ້ຖືຊົນນະບົດ ເປັນບັນຫາຍຸດທະສາດໃນພາລະກິດປະຕິວັດ; ພັດທະນາຊົນນະບົດ ແລະ ແກ້ໄຂຄວາມທຸກຍາກ ແມ່ນຍຸດທະສາດສໍາຄັນ ໃນການສ້າງຄວາມ  ໝັ້ນຄົງ ໃຫ້ແກ່ລະບອບປະຊາທິປະໄຕ ປະຊາຊົນ, ປົວແປງຊີວິດການເປັນຢູ່ ແລະ ຍົກລະດັບ ຄຸນະພາບຊີວິດ ຂອງປະຊາຊົນຂຶ້ນເປັນລໍາດັບ ແຕ່ຮາກຖານຂຶ້ນມາ, ເນື້ອແທ້ແມ່ນການແກ້ບັນຫາ ກໍຄືການຫລຸດຊ່ອງວ່າງ ຄວາມແຕກໂຕນໃນດ້ານການພັດທະນາ, ດ້ານຄວາມຈະເລີນ ລະຫວ່າງຕົວເມືອງ ກັບຊົນນະບົດ, ລະຫວ່າງ ທົ່ງພຽງກັບພູດອຍ ໃຫ້ຫຍັບເຂົ້າໃກ້ກັນ, ສ້າງຄວາມສະເໝີພາບ ແລະ ຄວາມຍຸຕິທໍາ ເຂົ້າເຖິງການພັດທະນາ ກໍຄືໄດ້ຮັບການຊົມໃຊ້ໝາກຜົນ ຂອງການພັດທະນາຢ່າງທົ່ວເຖິງ. ຖ້າຊົນນະບົດບໍ່ມີການພັດທະນາ, ບໍ່ມີການຫັນປ່ຽນຢ່າງເປັນຮູບປະທໍາ, ປະຊາຊົນບໍ່ທັນຫລຸດພົ້ນຈາກຄວາມທຸກຍາກ, ໝາຍວ່າ ບ່ອນນັ້ນແມ່ນບົ່ງບອກເຖິງຄຸນນະພາບຂອງການນໍາພາຂອງພັກ, ຄວາມເອົາໃຈໃສ່ຕໍ່ໜ້າທີ່ ຂອງອຳນາດການປົກຄອງ; ບ່ອນໃດເຫັນວ່າວຽກນີ້ບໍ່ໄປ, ບໍ່ມາ, ຍ້ຳເທົ້າ, ຖອຍຫລັງ ຕ້ອງຊອກໃຫ້ເຫັນຄວາມຮັບຜິດຊອບ ຂອງຜູ້ນໍາພາ ຢູ່ບ່ອນນັ້ນ.

ກ່ຽວກັບວຽກງານ 3 ສ້າງ: ໃນກອງປະຊຸມສູນກາງຫລາຍໆຄັ້ງຜ່ານມາ, ມີການສະເໜີ ຫລື ຍົກບັນ ຫາການແບ່ງຂັ້ນຄຸ້ມຄອງລະຫວ່າງສູນກາງ ແລະ ທ້ອງຖິ່ນ ຍັງບໍ່ທັນຈະແຈ້ງ, ບາງດ້ານແບ່ງຢູ່ໃນເຈ້ຍ-ສໍ, ແຕ່ການປະຕິບັດຕົວຈິງ ຍັງເຮັດບໍ່ທັນໄດ້, ເຮັດໃຫ້ທິດໃນການສ້າງຄວາມເຂັ້ມແຂງ, ຄວາມກ້າຮັບຜິດຊອບ ແລະ ຄວາມເປັນເຈົ້າ ໃຫ້ແກ່ທ້ອງຖິ່ນ-ຮາກຖານ; ສ່ວນກະຊວງ, ອົງການສູນກາງປະຕິບັດພາລະບົດບາດຄຸ້ມຄອງມະຫາພາກເປັນຕົ້ນຕໍນັ້ນ, ຍັງເຮັດບໍ່ທັນໄດ້ດີ.

ສະຫາຍ ເລຂາທິການໃຫຍ່ ຢ້ຳຕື່ມວ່າ: ຕ້ອງມີການຈັດຕັ້ງສະຫລຸບຖອດຖອນບົດຮຽນ ໃຫ້ເປັນປະ ຈຳ ໃນແຕ່ລະໄລຍະຂອງຂະບວນການວຽກງານຕົວຈິງ ເພື່ອຕິດຕາມ, ຊຸກຍູ້ວຽກງານດັ່ງກ່າວໃຫ້ແຂງແຮງ ແລະ ຕໍ່ເນື່ອງ. ສັດຈະທໍາ ໄດ້ຊີ້ບອກພວກເຮົາແລ້ວວ່າ “ຖ້າພວກເຮົາຢາກກິນໝາກ, ກິນຜົນ ທີ່ດີ ແຕ່ບໍ່ເລືອກແນວປູກ, ບໍ່ຮູ້ບົວລະບັດຮັກສາ ໃຫ້ມີຜົນລະປູກໃຫ້ຈະເລີນເຕີບໂຕ, ງອກງາມ, ແຂງແຮງ ແລະ ຂະຫຍາຍຕົວ, ມື້ໜຶ່ງຂ້າງໜ້າ ລໍາຕົ້ນ, ກິ່ງກ້ານ, ງ່າໃບ ກໍຈະຫ່ຽວແຫ້ງຕາຍໄປ ຖ້າຈະເອົາມາປຽບ ເໝືອນກັບການສ້າງຮາກຖານການເມືອງໄດ້ ເຊັ່ນດຽວກັນ”.

 

Off
16th Sep2022

ຫ້ອງການຍຸຕິທຳເມືອງ ຫ້ວຍຊາຍ ໃຫ້ຄຳປຶກສາ ດ້ານກົດໝາຍເຄື່ອນທີ່

by somchan

ໃນລະຫວ່າງວັນທີ 12 ສິງຫາ ຫາ 13 ກັນຍາ 2022 ທີ່ຜ່ານມາ ຫ້ອງການຍຸຕິທໍາ ເມືອງຫ້ວຍຊາຍ ແຂວງບໍ່ແກ້ວ ລົງເຄື່ອນໄຫວໂຄສະນາເຜີຍແຜ່ກົດໝາຍ ແລະ ໃຫ້ຄຳປຶກສາຊ່ວຍເຫລືອທາງດ້ານກົດໝາຍ ເຄື່ອນທີ່ ໃຫ້ແກ່ປະຊາຊົນ ກຸ່ມບ້ານນໍ້າຍ່ອນ ມີ 3 ບ້ານຄື: ບ້ານນ້ໍາຍອນເກົ່າ, (more…)

Off
16th Sep2022

ສື່ມວນຊົນປ້ອງກັນຄວາມສະຫງົບ ລາວ ແລະ ຫວຽດນາມ ພົບປະແລກປ່ຽນບົດຮຽນຮ່ວມກັນ.

by somchan

ຄະນະກົມສື່ມວນຊົນປ້ອງກັນຄວາມສະຫງົບ ຫວຽດນາມ ເຄື່ອນໄຫວພົບປະແລກປ່ຽນບົດຮຽນກັບຄະນະກົມສື່ມວນຊົນປ້ອງກັນຄວາມສະຫງົບລາວ ໃນວັນທີ 13 ກັນຍາ 2022 ນີ້ ຝ່າຍຫວຽດນາມນຳໂດຍ ພັອ ຫວຽນ ແອັງ ຕວັນ ຮອງຫົວຫນ້າກົມສື່ມວນຊົນປ້ອງກັນຄວາມສະຫງົບ ຫວຽດນາມ ຝ່າຍລາວນຳໂດຍ ພັອ ເພີນຄຳ ແສງດາລາ ຫົວຫນ້າກົມສື່ມວນຊົນປ້ອງກັນຄວາມສະຫງົບລາວ ພ້ອມດ້ວຍຄະນະທັງສອງຝ່າຍເຂົ້າຮ່ວມ.

ໂອກາດທີ່ເຄື່ອນໄຫວພົບປະແລກປ່ຽນບົດຮຽນໃນຄັ້ງນີ້ ພັອ ຫວຽນ ແອັງ ຕວັນ ກໍ່ໄດ້ລາຍງານແຜນການເຄື່ອນໄຫວຂອງຄະນະທີ່ເດີນທາງມາເຮັດວຽກຢູ່ ສປປ ລາວ ລະຫວ່າງວັນທີ 10-19 ກັນຍາ 2022 ນີ້ ຈຸດປະສົງເພື່ອເກັບກຳຂໍ້ມູນສຳພາດ ແລະ ບັນທຶກພາບການເຄື່ອນໄຫວຂປງບັນດາກົມກອງເລົາຮົບວິຊາສິເພາະຕ່າງໆ ອ້ອມຂ້າງກະຊວງປ້ອງກັນຄວາມສະຫງົບ ແລະ ກອງບັນຊາການ ປກສ ແຂວງ, ເມືອງ ແລະ ທ້ອງຖີ່ນ ທີ່ໄດ້ຮ່ວມມືໃນການປະຕິບັດຫນ້າທີ່ຮ່ວມກັນລະຫວ່າງ 2 ກຳລັງປ້ອງກັນຄວາມສະຫງົບ ສ ສ ຫວຽດນາມ ແລະ ກຳລັງປ້ອງກັນຄວາມສະຫງົບ ສປປ ລາວ ເພື່ອນຳໄປຜະລິດເປັນມູນເຊື້ອການພົວພັນຮ່ວມມືວຽກງານວິຊາສະເພາະຂອງ 2 ກຳລັງ. ຈາກນັ້ນ, ກອງປະຊຸມທັງ 2 ຝ່າຍກໍ່ໄດ້ຮ່ວມກັນປຶກສາຫາລືສ້າງແຜນການຈັດຕັ້ງປະຕິບັດວຽກງານຖ່າຍທຳເພື່ອເຮັດໃຫ້ການຈັດຕັ້ງປະຕິບັດວຽກງານຂອງຄະນະສື່ມວນຊົນປ້ອງກັນຄວາມສະຫງົບ ຫວຽດນາມ ມີປະສິດທິຜົນສູງ ແທດເໝາະສອດຄ່ອງກັບຄວາມເປັນຈີງ ເພື່ອເປັນການເສີມຂະຫຍາຍສາຍພົວພັນພິເສດທີ່ມີມາແຕ່ດົນນານໃຫ້ຫມັ້ນຄົງທະນົງແກ່ນຕະຫລອດໄປ.

Off